2 Timoti 2:25 - Mewar Alqawarang

²⁵ Kom ku̱ wu nduki nu̱ke a kare ndu̱ shogar ɓaran mbe ɓu̱tokh memu̱na, bai Magham ka vu̱r maa ye wor tu̱ nggoɗ ku tu̱ zu̱n zhire.

2 Timoti 2:25 ပူးပေါင်းရင်းမြစ်များ

Matta 11:29

Da ma zu̱r ɓanga tun shoga sha, ku̱me nga nu̱ katar ɗyin ndu̱ ɓu̱tokh memu̱na, tun ka gwa maasi ye nyifi ɓaanu.

Matta 21:32

Ku̱me Yokhana a ɓa tu̱ wuɗ njiv toropndi ye nu, yang nun maita ɓa. Wonji nu̱ dlu̱r zhaanggalku ndu̱ man mu̱nggu̱lku wa maita. Yang kap ndu̱ nang, nun nggoɗ tun maita ɓa.

Markus 1:15

Tu̱ ku̱s zu̱ran za, “Sarchi wa shi ku̱me kwaaɗar ɓu̱ Magham wa shi bing, yang njig ma solar ɓaanu tun maita labar mbarkandang.”

Yokhana 5:34

Kap ndu̱ nang, nang dla vara nu̱ ve saidu ɓu̱ nduk ɓa. Nga zu̱ wanang ma gwa nu ɗanari.

Tlu̱nar ɓu̱ Pudeku 11:18

Nu̱ Yakhudeku nu̱ mbu Yesu kwang tu̱kki wanang, nu̱ gwa ɗye zu̱ ku ɓa, tu̱ kuna Magham ku, a zu̱ran ku za, “Alapa Magham wa daasa njiv nggooti ndu̱ gwar nyifiri ye nduki nu̱ke ɗya Yakhudeku ɓa.”

Tlu̱nar ɓu̱ Pudeku 2:38

Tu̱ Biturus ze wor za, “Nggoɗ ma, tu̱ shi baptisme ye aaki chele ɓaanu mbu̱ dlu̱m Yesu Masiya ma ku̱ ndu̱m solar ɓaanu ye nu, tun ka dlu̱ Jiimbi shakhshakhndi mu̱nki.

Tlu̱nar ɓu̱ Pudeku 20:21

Nga wu Yakhudeku ndu̱ Gu̱rik ku ku̱ nggoɗ ku mbe solar ɓaanda, ta gaɓ nu̱ she Magham, tu̱ maita Zhinerem gwaanji Yesu.

Tlu̱nar ɓu̱ Pudeku 5:21

Nu̱ dumaari ɗau tu̱ vi ku nu̱ mbu̱ rafti ɓu̱ Magham tu̱ ki shogar ye nduki. Yang nu̱ gorkir ɓu̱ kuruku ndu̱ nduki ɓaranku tabaki tu̱ qa dlegumeku ɓu̱ Israila ndu̱ nduki nu̱ke a mbu̱ tabar ɓaanda kap, tu̱ ru̱k nu̱ zhaaru̱m ma ku̱ ɗa ɓa ndu̱ Pudekwang.

Tlu̱nar ɓu̱ Pudeku 5:31

Yang Magham wa vu̱r zhaaji yenda ku̱ khan ve bu̱nan nu̱ zu̱ma tu̱ kha ma dle gume ndu̱ nu̱ ɗanari, ma ku̱ qu̱n njiv ye Israila ku̱ nggoɗ ku tu̱ yaapa solar ɓaanda ye wora.

Tlu̱nar ɓu̱ Pudeku 8:22

Nggoɗu mbe tlu̱nar malkandi nang, to khuɗ Zhinkir gwaanji, bai ka ndu̱m ɗyi no tamanki memu̱narang yoro.

Galatiyeku 6:1

Nyeezaku, mbu̱ wa ku̱s nduk a sola, tun nu̱ke tun a sawa Magham, tun taata nda tun a gaɓ ndu̱ chin ye njivi. Yang ku̱rma vaanu, ku̱ gaɓti nu̱ mu̱dlonu ye njivang sa tun nggu̱ɗ nu̱ mbu̱ buuri zum ɓa.

1 Timoti 2:4

chin nu̱ke a shim ku̱ aaki gwa ɗanari, tu̱ zu̱n zhire tu̱k.

1 Timoti 6:11

Yang to njif ɓu̱ Magham, shokh ɗyinor ndu̱ ɗyiku nang, to sa ɗyinor ma laɓ ɗyi toropndi, ndu̱ khar viti nu̱ke Magham a shimndan, ndu̱ maito ndu̱ ndola, ndu̱ sar memu̱na mbe kaɗanyi, ndu̱ ɗu̱bar memu̱na.

2 Timoti 3:7

Wor ke pooni nusuku nu̱ke a ɗyin shogar ku aakochi, yang kap ndu̱ nang nu̱ zu̱n zhire ku ɓa.

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

Titus 3:2

Ku̱ zu̱ ɓalar malkandi nu̱ ve aaki ɓa, ku̱ shi khar ɓaanda mbe qaandi memu̱na, ku̱ kha ku ndu̱ kadu̱ri ku̱ kha ma nu̱ ɗu̱bar memu̱nar nduki.

Yaqub 1:17

Aa nyi vu̱rti mbarkandi, ndu̱ vu̱rti nyeelkandi a vi mbu̱ viɗi. A zhur she Magham Zhinkir nu̱ du̱ngki fu̱ɗa, ndu̱ chera ndu̱ anjinjeku kap. Yang chin nu̱ka shi nggot ɓa.

1 Biturus 3:15

Yang mbu̱ memu̱nanu da ma Masiya tu̱ kha ma Zhinonu gwaanji. Kha ma daasaran aakochi ma tlogha nu ye nu̱ zhamndonu ɗyi nu̱ saki tun sa memu̱na nu ye mbu Masiya. Yang shi ma nang ndu̱ ɓu̱tokh memu̱na ndu̱ vu̱rti gorkiri.

1 Yokhana 5:16

Mbu̱ njif nggur wa na mu̱dlen a solar nu̱ke nu̱ khu̱l ye mu̱ti ɓa, ku̱ njif nang shi barar ye njif nu̱ke a solarang. Magham ka vu̱r nyifi ye nu̱ solar nang ku̱me barar nang. Nga ɓalar nang ye nduki nu̱ke solar ɓaanda nu̱ khu̱l ye mu̱ti ɓa, solar a nje nu̱ka khu̱lki ye mu̱ti, nang zu̱ nga za ku̱ nduk shi barar ye pooni nang ɓa.