2 Timoti 2:21 - Mewar Alqawarang

²¹ Kap njif nu̱ shakki ɗyinan ndu̱ ɗyiku nu̱ke zhaaji su̱ ɓandi nang, ka kha ma ɗyi nu̱ khaki shakhshakh ma tlu̱nar nu̱ke zhaaji su̱ ye nu̱ raftang, a nje daasaran ma aa nyi tlu̱nar mbarkandi.

2 Timoti 2:21 ပူးပေါင်းရင်းမြစ်များ

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

1 Korintiyeku 5:7

Fet ma yis gu̱makandi nu̱ solar ɓaanu ɓara ma ku̱ kha nu ma mewar ɓurti toli, ku̱me tun ba wanang ɗo. Jiwa wa dla qur ye gamndi sadke Tabar peetar ɗyinang, chin ke Masiya.

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

2 Korintiyeku 9:8

Magham ka ɗu̱ma vu̱r barke ye nu dukti ɗyi nu̱ke tun a gangndan, ma ku̱ gwa nu ɗyi nu̱ke tun a gangndan aakochi, tun gwa tu̱ duk wanang tu̱k, ma ku̱ shi nu mbarkir ye nduki.

Afiseku 2:10

Ai, chem ndu̱ ɗyinerem chem tlu̱nar ɓu̱ Magham, du̱ngnderem mbe Masiya Yesu, ma ku̱ shi mi tlu̱narku mbarkandi nu̱ Magham woɗaki daasaran yerem ma ku̱ shi mi gumapaali.

1 Timoti 6:11

Yang to njif ɓu̱ Magham, shokh ɗyinor ndu̱ ɗyiku nang, to sa ɗyinor ma laɓ ɗyi toropndi, ndu̱ khar viti nu̱ke Magham a shimndan, ndu̱ maito ndu̱ ndola, ndu̱ sar memu̱na mbe kaɗanyi, ndu̱ ɗu̱bar memu̱na.

2 Timoti 2:16

To ɗa ɓalar bamndiku nu̱ wuti ndu̱mndi ye Magham, ku̱me nu̱ shiran ku wanang wa ka ɗu̱ ku ɓakh mbu̱ song sawar Magham.

2 Timoti 2:20

Ai, ɗye tlu̱narku nu̱ke a nje mbu̱ rafti gwaanji ɗya ɗye tlu̱narku nu̱ shiki ndu̱ ginarwa ndu̱ nggirgim ɗyenda ɓa, ɓeenan shi ndu̱ qu̱fa tu̱ shi ɓeenan ndu̱ daɓti du̱ndi. Shi ɓeenan ma ku̱ shi tlu̱nar nu̱ke zhaaji si ndu̱ wora, yang shi ɓeenan ma ku̱ shi tlu̱nar nu̱ke zhaaji su̱ ɓa ndu̱ wora.

2 Timoti 3:17

Ma ku̱ njif ɓu̱ Magham kha nyeedlan, daasaran ma aa nyi pooni tlu̱nar mbarkandi.

2 Timoti 4:11

Luka ɗyenda kya su̱yen ndu̱ nga. A lob Markus tun a ɓa su̱yen ndu̱ chin, ku̱me ka kha ndu̱ boota ya mbu̱ tlu̱nar nu̱ke nga shiran.

Titus 3:1

To kor ye nduki ɓaaro ku̱ ki mbu zu̱r ɓu̱ nu̱ kwaaɗarku ndu̱ nu̱ zalale ku, ku̱ ki mbu su̱qur wora, tu̱ kha daasaran ku ma shi aa nyi tlu̱nar mbarkandi.

Titus 3:14

Wa ku̱s ku̱ nduki ɓaarem vu̱r ɗyin wor tu̱ shoga tlu̱nar ɗyi mbarkandi, ma ku̱ shi shaatar ku mbu̱ gangndi tun wa ji. Ku̱ shi khar bamnda ku ɓa.

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 1:7

Buuriku nang a ɓa ma buu maito ɓaanu mbu̱ ɗya maito zhirekandi. Nduki ka buu ginarwa ndu̱ ɓai, yang ɗya ɗyi nu̱ka woɗaki. Wanang tu̱k a buu maito ɓaanu nu̱ dukki ginarwa zhaaji. Shir wanangang ka sa tu̱ maito ɓaanu a ɓa ndu̱ makhtar ye nu ndu̱ zhaaji ndu̱ gorkiri ye fu̱ɗar nu̱ke Yesu Masiya ka ɗa gaɓki.

1 Yokhana 3:3

Kap njif nu̱ saki memu̱naran nu̱ ɗyine Masiya wa ka shi khar shakhshakhndi wa nu̱ke chin shakhshakh.