2 Timoti 2:20 - Mewar Alqawarang

²⁰ Ai, ɗye tlu̱narku nu̱ke a nje mbu̱ rafti gwaanji ɗya ɗye tlu̱narku nu̱ shiki ndu̱ ginarwa ndu̱ nggirgim ɗyenda ɓa, ɓeenan shi ndu̱ qu̱fa tu̱ shi ɓeenan ndu̱ daɓti du̱ndi. Shi ɓeenan ma ku̱ shi tlu̱nar nu̱ke zhaaji si ndu̱ wora, yang shi ɓeenan ma ku̱ shi tlu̱nar nu̱ke zhaaji su̱ ɓa ndu̱ wora.

2 Timoti 2:20 ပူးပေါင်းရင်းမြစ်များ

Yokhana 8:49

Tu̱ Yesu tlogha za, “Nga nu̱ khu̱kheet ɓa. Nga vu̱rkya zhaaji ye Zhinkir ɓanga, yang tun a ndu̱mndi nga.

Romeku 9:20

Yang ta mbu̱ ki ɗo, nduku, nu̱ke to ka shiki keele ndu̱ Maghamang? “Ɗyi nu̱ nduk du̱nki ka ɗu̱ma zham njif nu̱ du̱nkyang za, ‘Nu̱m saki to du̱ndi nga wanangang mu?’ ”

1 Korintiyeku 3:9

Jiwa chem a khar raptiki mbu̱ tlu̱nar ɓu̱ Magham, yang tun ke dam ɓu̱ Magham ndu̱ du̱ndi ɓaran tu̱k.

2 Korintiyeku 4:7

Kap ndu̱ nang, chem nu̱ke gu̱nar nu̱ jiimbi nang a nje mbe rem, chem a khar ba wa kayang nu̱ du̱nki ndu̱ daɓa. Chem kha wanang ma ku̱ wut mi za Magham ke nu̱ zalale aa nu̱m kap, yang tun khaarem mban ɓa.

Afiseku 2:22

Du̱ngndonu nu̱ mbe nda, su̱yen ndu̱ ɓeenanku ma ku̱ kha nu ma rafti nu̱ke Magham ka khaki nu̱ mban nu̱ ku̱nshe Jiimbi ɓaran.

1 Timoti 3:15

Mbu̱ yang wa khubti nga nu̱ gha ku, wa shipa ku̱ zu̱n na ɗyi nu̱ shipaki ku̱ nduki shi mbu̱ rafti ɓu̱ Magham. Nu̱ke nang ke tabar ɓu̱ nduki ɓu̱ Magham nu̱ nyifiri, yang chin ke zaure ndu̱ dlu̱dlarsi zhire tu̱k.

1 Biturus 2:5

Tun yang, gaɓ wa ndogdiku nu̱ nyifiri nu̱ka shiki boote ndu̱ wor ma du̱n rafti nu̱ jiimba. Ma ku̱ kha ma tabar ɓu̱ kuruku shakhshakhndi ɓu̱ rafti nang, tun a zoɓa sadke nu̱ jiimba nu̱ ku̱nshe Yesu Masiya, nang ke pooni sadke nu̱ke Magham a shimndan.