2 Timoti 2:16 - Mewar Alqawarang

¹⁶ To ɗa ɓalar bamndiku nu̱ wuti ndu̱mndi ye Magham, ku̱me nu̱ shiran ku wanang wa ka ɗu̱ ku ɓakh mbu̱ song sawar Magham.

2 Timoti 2:16 ပူးပေါင်းရင်းမြစ်များ

1 Korintiyeku 15:33

Ku̱ nduk lamba nu ɓa! “Khar ndu̱ nu̱ mu̱narku wa ka sa nduk mbarkandi tu̱ gaɓ ma nduk malkandi.”

1 Korintiyeku 5:6

Khamndi ɗyino nu nu̱ke tuna shiranang mbar ɓa. Nun zu̱n za yis koɗomma ke nu̱ sa ɓurti toli tu̱ ji ɓa goma?

1 Timoti 1:9

Chem wa zu̱n tu̱k za nu̱ vu̱r bibitang ye nu̱ dambu ɓa. Yang vu̱r bibitang ye nu̱ zhar bibitiku ndu̱ nu̱ zhangndi tu̱kti maa ku, ndu̱ nduki nu̱ke nu̱ zu̱n Magham ku ɓa. Kom ndu̱ nu̱ solarku, ndu̱ nduki nu̱ke shakhshakh ɓa, ndu̱ nduki nu̱ zhangki mburi njiv ɓu̱ Magham gha. Vu̱r bibitang ye nu̱ tlaghar zhin nda ndu̱ man nda, ndu̱ nu̱ ɗakhti ɗyinku.

1 Timoti 4:7

Shi ɓakh ndu̱ shinjiku bamndi nu̱ke boota su̱ ɓa yang zu̱ndi Magham a nje mban ɓa. Me ɓu̱ nang to khutlo vaaro to kha ndu̱ pooni khar viti nu̱ke Magham a shimndan.

1 Timoti 6:20

Timoti, to ɗang ɗyi nu̱ saki nu̱ mbu̱ kha ma nggu̱tanang. To shakh ɗyino ndu̱ ɓalar bamndiku nu̱ wuti ndu̱mndi ye Magham, ndu̱ shogar nu̱ke nyeedlan ndu̱ keeleku nu̱ daki ku za ɗya zu̱ni yang gatlan.

2 Timoti 2:14

To ki kor ɗyiku nang ye wora, to wu wor tu̱k gume Magham nu̱ ɗyine ku̱ ka shi keele bam bam ɗyine ɓalarku ɓa, ku̱me boota su̱ ɓa, ka su̱bu̱rkya nduki nu̱ke a tu̱ktan.

2 Timoti 2:21

Kap njif nu̱ shakki ɗyinan ndu̱ ɗyiku nu̱ke zhaaji su̱ ɓandi nang, ka kha ma ɗyi nu̱ khaki shakhshakh ma tlu̱nar nu̱ke zhaaji su̱ ye nu̱ raftang, a nje daasaran ma aa nyi tlu̱nar mbarkandi.

2 Timoti 3:13

Yang nduki malkandi ndu̱ nu̱ lambar ku nu̱ tlu̱nar malkandi ku ka shaata maatli, a lamba nduki, nduki a lamba wora.

Titus 1:11

Wa ku̱s ku̱ wu wor ku̱ kha yit ku, ma nu̱ke a lakhta raftiku khang nu̱ gha mbe shogar ɗyi nu̱ke nu̱ shipa ɓa ɓara ma ku̱ gwa nda gu̱na ve njiv batal.

Titus 1:14

tu̱ njig tu̱k shinjiku ɓu̱ Yakhudeku, ndu̱ mbu bibitiku ɓu̱ nduki nu̱ zhangki zhire gha.

Titus 3:9

Yang shokh ɗyino ndu̱ keele bamndiku, ndu̱ shigar su̱ dlu̱m zhikankirku, ndu̱ khang keele ndu̱ dakhlari ɗyine bibitiku, ku̱me ɗya ɗyi bamndiku boota su̱ ɓa.

Yibraniyeku 12:15

Ku̱r ma vaanu ma ku̱ aaki mbu̱ɗ gwar mu̱nkir ɓu̱ Magham ɓa. Ku̱ aaki kha ndu̱ ɗyooti mbi nu̱ka ɓa ki ndu̱ su̱bu̱rti tu̱ka su̱bu̱r nduki khangang ɓa.

2 Bitu̱rus 2:18

Nduki nang wa ka shi ɓalar bamndiku nu̱ gwaari ɗyin a boote nu̱ shimndi ɓu̱ man va, tu̱ ka dut nduki nu̱ke nu̱ shoɓ ndu̱ lawar chele nduki galkandi nang ɓa.

2 Bitu̱rus 2:2

Nduki khang ka mbu njiv ɗye kawar ɓaanda. Ku̱me nang ɓeeni nduki ka ndu̱m njiv zhire.

Ɗyin mbu̱ tukari 13:14

Tu̱ lamba nduki nu̱ke a nje kharan mbu̱ larji kap ndu̱ ɗye lazham nu̱ vu̱rki zalale ni yenda ku̱ shi me ɓu̱ dlu gaari nu̱ gumapaali nang. Tu̱ dlu gaari nu̱ rapang ze wor za ku̱ du̱ng shipar nggur ma vu̱r zhaaji ye dlu gaari nu̱ ruɓaki nda ndu̱ kaskar tu̱ yang shaanang.

Ɗyin mbu̱ tukari 13:3

Yang da chele ɗyinku ɓu̱ dlu gaari nang, ruɓarang maatlin nu̱ke wa khu̱l ku̱ tlagha nda, tu̱ yang mbiɗi. Tu̱ larji kap shi lazham, tu̱ mburi nda ku.