Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Timoti 2:15 - Mewar Alqawarang

15 Shu ɗyi nu̱ke to ka ɗu̱maki kap ma ku̱ gwa na dlu̱r mbarkandi she Magham. To kha ma nu̱ tlu̱nar nu̱ke tom tu̱k kawa mbe tlu̱nar nu̱ke ta shiran ɓa, to shoga ɓalar zhire nang ɓar torop ba wa nu̱ zu̱ki.

အခန်းကိုကြည့်ပါ။ ကော်ပီ




2 Timoti 2:15
29 ပူးပေါင်းရင်းမြစ်များ  

Ku̱me nang tu̱ ze wor za, “Kap Maalu̱m Taurete nu̱ dlu̱ki shogar ɓu̱ kwaaɗar mbu̱ viɗi, wa shipa nu̱ rafti nu̱ka fedki du̱ngndi mewakandi ndu̱ gu̱makandi mbu̱ gu̱nar ɓaran.”


Ndu̱ pooni ku̱rti ɓalarku na khang tu̱ Yesu zu̱ ɓalar ɓu̱ Magham ye wor mbe njiv nu̱ke ka daki mban ku


Tu̱ Zhinerem gwaanji tlogha za, “Nga ɓalarang ku̱me nu̱ shir zhire, nu̱ kaɗari tu̱k nu̱ke nu̱ rafti ɓaran du̱ngki nda za ku̱ kosa rafti ɓaran yenda tu̱ ku̱s vu̱r ɗye zu̱mndi ye pudeku ɓaran aa nyi sarchi.


“Nyeeza Israila tu̱k ma ɓalar nang. Yesu ye Nazaret ɗya njif nu̱ Magham wutki ye nu za chin wa maita nda shwat. Magham wa wut ye nu ku̱nshe ɗye lazhamku ndu̱ tlu̱nar gwaanji gwaanjiku ndu̱ ɗyiku nu̱ Magham shiki ku̱nshe nda chele ɓaanu, ba wa nun zu̱nki, ku̱me shi ɗyiku nang kap mbu̱ yitonu.


ku̱me nang zhang zu̱ kap shimndi ɓu̱ Magham gha ye nu ɓa ɗo.


Ku̱me nu̱ ghaari ghai ye Masiya ve njiv nang kap, ɗya nu̱ mu̱ndi memu̱na Magham, wa ka gwa dlu̱r she nduki tu̱k.


Shi ma qaandi ye Apeles ɗya nu̱ zhire mbe Masiya shwat. Tun shi qaandi ye nduki nu̱ mbu̱ rafti ɓu̱ Aristobulus.


Ku̱ njig nu tun vu̱r me bar ɓaanu ye sola tu̱ kha ma ɗye tlu̱nar malkandi ɓa. Yang vu̱r ma vaanu ye Magham tun kha wa nduki nu̱ lawaki wor ɓar mbu̱ khar mu̱ti ma gwa nyifiri. Vu̱r ma me bar ɓaanu ye Magham tun kha ma ɗye tlu̱nar dambu.


Kap ndu̱ nang, nga ka wopa ɓalar ndu̱ kaɗari ye nduki nu̱ gorki mbe maito ɓaanda. Nang ɗya pooni kaɗari ɓu̱ nduki nu̱ larji nang ɓa, ɗya pooni kaɗari ɓu̱ nduki nu̱ meeni ɓa, yang ɓu̱ nu̱ kwaaɗarku nu̱ke a ma su̱yar ku ɓa.


Jiwa njif nu̱ makhtaki ɗyinan ka gwaki dlu̱r ɓa, ɗya njif nu̱ke Zhinkir gwaanji makhtaki nda.


Nang ke ɗyi nu̱ saki chem kha ma nu̱ tlu̱nar ku ɓu̱ mewar alqawarang, nu̱ ku̱nshe bibitiku nu̱ bu̱lakyang ɓa, yang nu̱ ku̱nshe Jiimba. Chin bibiti bu̱lakandi nang chin ke nu̱ ɓar ndu̱ mu̱ti, yang Jiimbyang ke nu̱ vu̱r nyifiri.


Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.


Dukti nang, chem ma shim ku̱ tu̱k mu̱ndi ɓaarem, aa chem a mbu̱ larji nang aa chem a mbu̱ viɗi.


Yang ɓalar nang ka sa tu̱ nduki da za nga shimkya ku̱ nduki maita nga mu? Auwo. Nga shimkya ku̱ Magham tlogha su̱ ɗyi nu̱ke nga shiran mu yang nga shimkya ku̱ mu̱n nga memu̱na nduki mu? Auwo. Mbu̱ nga shim mu̱n memu̱na nduki tu̱ga nang kha ma maavi ɓu̱ Masiya ɓa.


Tun wa kha ma nduki ɓu̱ Magham tu̱k nu̱ ku̱nshe Masiya, sarchi nun tu̱kki ɓalar zhire, nang ke Labar mbarkandi nu̱ ɗa ɓa ki ndu̱ ɗanar ye nu. Ye sarchi nun maitaki Masiya, Magham wa sa yitu̱m ɓaran nu̱ ɗyine nu nu̱ shiki alqawar vu̱rti Jiimbi shakhshakhndi ɓaran ye nu.


Ba wa nu̱ Magham naki chem wa khu̱l ku̱ vu̱r tlu̱nar wopar Labar mbarkandi nang yerem yang chem a woparan. Chem a shiran ma mu̱n mi memu̱na nduk ɓa, chem a shim ku̱ memu̱na Magham kha mu̱n ndu̱ chem chin nu̱ zu̱nki ɗyin mbu̱ memu̱narem.


Chem a khutonu tu̱k, nyeezaku, wu ma nu̱ shimndi khar bam ku nang, tun pa du̱mbu̱r ye nduki nu̱ sawarku, tun shaata nduki nu̱ke khukhutan ku mbe maito, tun da kanaɗyi ndu̱ aaki.


Mbu̱ ta wut ɗyiku nang ye nyeezerem to ka kha ma nu̱ tlu̱nar mbarkandi ɓu̱ Masiya Yesu, nu̱ gorki mbu̱ ɓalar maito nang ndu̱ shogar mbarkandi nu̱ke ta khutloran ma ɓar meeni.


Ku̱me nang, shi mi ɗyi nu̱ke chem ka shiki kap ma vi mi nu̱ mbu̱ maasi nang. Ku̱ aaki ku̱na viri nu̱ mban wa nu̱ ku̱naki ku ku̱me zhangndi tu̱kti maa ɓa.


Njif nu̱ gu̱nki memu̱naran mbu̱ bonye ɓaran ɗya nu̱ barka, ku̱me ka gwa ɗye ɓi nu̱ nyifi nu̱ke ɓu̱ shi woɗa ɓa nu̱ Magham shiki alqawaran ye kap nduki nu̱ke a ndola nda.


Magham shimki ku̱ kha rem ku̱nshe ɓalar ɓaran zhirekandi ma ku̱ duk mi ɗyiku nyin du̱ngki ndu̱ zhaaji.


Ku̱me nang, nyeezaku, shaata ma kasha wutan nu̱ ɗyine Magham wa qa nu tu̱ daato nu. Mbu̱ tun wa shi wanang tun ɓu̱ nggu̱ɗ sar da ɓa.


Ku̱me nang ngga shi ɗyi nu̱ke ngga ɗu̱maki shiran kap ma ku̱ khuɓ nu ɗyiku nang mbu̱ memu̱na nu aakochi aa nga njig larji nang.


Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ