2 Timoti 2:14 - Mewar Alqawarang

¹⁴ To ki kor ɗyiku nang ye wora, to wu wor tu̱k gume Magham nu̱ ɗyine ku̱ ka shi keele bam bam ɗyine ɓalarku ɓa, ku̱me boota su̱ ɓa, ka su̱bu̱rkya nduki nu̱ke a tu̱ktan.

2 Timoti 2:14 ပူးပေါင်းရင်းမြစ်များ

Matta 16:26

A fu̱nke boote ɓu̱ ku̱ nduk gwa larji kap, tu̱ yang mbu̱ɗ nyifi ɓarana? Nduk ka paatakya nu̱m ndu̱ nyifi ɓarana.

Tlu̱nar ɓu̱ Pudeku 13:10

tu̱ zu̱ za, “To yi ɓu̱ Sheɗan! Nu̱ zhangndi ɗyi nu̱ke toropndi! To nyeedlan ndu̱ nyiglar maari, ndu̱ mu̱na ɗyenda. Tom njig su̱bu̱r njiv toropndiku ɓu̱ Magham nu̱gha de?

Tlu̱nar ɓu̱ Pudeku 15:24

Chem wa gwa labaran za nduki nggur chele ɓaarem wa da khangkal ɓa nun viɗi tun damta nu̱ ku̱nshe ɓalarku nu̱ shiki ku, aa nu̱ke chem vu̱rki zalaleni ye wor ɓa.

Romeku 14:1

Dlu̱ ma nduki nu̱ke maito ɓaanda khukhutan, dla nu kumar ɗyine ɗyi nu̱ke tun a keele ɗyinan ɓa.

Galatiyeku 1:7

Ai, Labar mbarkandi nggur a nje zum ɓa. Shwat nduki a nje nu̱ke a rokhdla nu nu̱ mbu̱ yen, a shim nggoɗ nda zhire ɓu̱ Labar mbarkandi ɓu̱ Masiya nu̱gha.

Afiseku 4:17

Nga ɓalar nang ye nu, yang nga shikya maataran ye nu mbu̱ dlu̱m Zhinerem gwaanji nu̱ ɗyine, ku̱ kha nu wa nduki nu̱ke ɗya Yakhudeku ɓa nda ɓa, nu̱ kwaari bamndiku.

1 Tasalonikeku 4:1

Ye lauɗar san nyeezaku, chem wa shoga pooni khar viti nu̱ke Magham a shimndan ye nu, ba wa nu̱ke tun a khar ɓaanu. Leendang chem a qari su̱yen ndu̱ khuti ye nu mbe Zhinerem gwaanji Yesu tun shaata nu̱ si maɗyi.

2 Tasalonikeku 3:6

Nang ɗo, nyeezaku, chem a zu̱ran ye nu mbu̱ dlu̱m Zhinerem gwaanji Yesu Masiya nu̱ ɗyine, ku̱ shakh nu ɗyinonu ndu̱ aa nyi nduk chele ɓaanu nu̱ shimndi khar bam. Chin nu̱ zhangki mbu shogar nun gwaki khaaremang gha.

1 Timoti 1:4

Yang to ze wor no za ku̱ gwa nda dlu̱mdi wor ye shinjiku ndu̱ njeetli su̱ dlu̱m zhikankirku nu̱ke nu̱ka shi lauɗa ɓa nda ɓa. Pooni ɗyi nang kaɗa ɓakya ndu̱ keele, ɓu̱ ɗa ɓa nu̱ zu̱mndi gume ɓu̱ tlu̱nar ɓu̱ Magham nu̱ ku̱nshe maito ɓa.

1 Timoti 1:6

Ɓeeni nduki wa gal gha mbe ɗyiku nang, tu̱ gaɓkya ma shir ɓalar bamndiku.

1 Timoti 4:8

Ɗakhti mbu̱ va boota su̱ koɗom, yang khar viti nu̱ke Magham a shimndan boota su̱ ve aa nyi njiva, ku̱me wa shi alqawar barke ye nduk mbu̱ khar viti ɓaarem fan larji ndu̱ fu̱ɗar wuri.

1 Timoti 5:21

Nga ɓalar nang yoro gume Magham ndu̱ Masiya Yesu ndu̱ nu̱ ru̱ktiku ɓu̱ Magham nu̱ datki, yang to mbu ɗyiku nang ndolar ɗyin su̱ ɓa, yang wut na ta shim njif nggur tu̱ duk njif nggur ɓa.

1 Timoti 6:13

Nga zu̱ran yoro gume Magham nu̱ vu̱rti nyifiri ye aa nu̱m, ndu̱ Masiya Yesu nu̱ vu̱rki saidu mbarkandi gume Puntus Bilatus.

2 Timoti 1:6

Nang ke ɗyi nu̱ saki nga kwaaran yor nga za ku̱ shi na boote maɗyi ndu̱ vu̱rti nu̱ Magham shiki yor sarchi nang saki khar barke nu̱ ɗyinoro.

2 Timoti 2:16

To ɗa ɓalar bamndiku nu̱ wuti ndu̱mndi ye Magham, ku̱me nu̱ shiran ku wanang wa ka ɗu̱ ku ɓakh mbu̱ song sawar Magham.

2 Timoti 2:23

Shokh ɗyinoro ndu̱ keeleku nu̱ me nggu̱bu̱ng bamndi nu̱ke ɗyin su̱ ɓa. Ta zu̱n nu̱ ɗyine pooni ɗyinan wa ka ɓa ndu̱ dakhlari.

2 Timoti 4:1

Nga ɓalar nang yor gume Magham ndu̱ Masiya Yesu, nu̱ke ka ɓa kumaki nu̱ nyifiri ku ndu̱ nduki nu̱ mu̱tki, nu̱ pitl gaɓti ɓaran ndu̱ kwaaɗar ɓaran.

Titus 3:1

To kor ye nduki ɓaaro ku̱ ki mbu zu̱r ɓu̱ nu̱ kwaaɗarku ndu̱ nu̱ zalale ku, ku̱ ki mbu su̱qur wora, tu̱ kha daasaran ku ma shi aa nyi tlu̱nar mbarkandi.

Yibraniyeku 13:9

Ku̱ njig nu tu̱ mewar shogarku sa tun gal gha ɓa. Wa shipa ku̱ memu̱narem kha shokhku̱rokh nu̱ ku̱nshe mu̱nkir ɓu̱ Magham, yang nu̱ ku̱nshe mbu me ghai zu̱mndi ɗye zu̱mndi tu̱khu̱l ku ɓa. Pooni nang boota su̱ ye nduki nu̱ zu̱mki ɓa.

2 Bitu̱rus 1:13

Ye nar ɓanga, wa shi torop, mbu̱ nga nje ndu̱ nyifiri, ki nga kwaaran ye nu,