2 Timoti 2:12 - Mewar Alqawarang

¹² Mbu̱ chem wa gu̱n memu̱na rem, chem ka shi kwaaɗar su̱yen ndu̱ chin. Mbu̱ chem wa keela zu̱ndi nda, ka keela tu̱k za nyin zu̱nderem ɓa.

2 Timoti 2:12 ပူးပေါင်းရင်းမြစ်များ

Matta 10:33

Yang tu̱k aaki zhangki saida nga gha gume nduki, ngga ɓa zhang saida nda gume Zhinkir ɓanga mbu̱ viɗi.

Matta 26:35

Tu̱ Biturus ze nda za, “Aa ka tlagha rem su̱yen, ngam ɓu̱ keela zu̱ndor ɓa!” Nu̱ mburi nda kwa kap wa zu̱ wanang ku tu̱k.

Matta 26:75

Tu̱ Biturus kor ndu̱ ɓalar nu̱ Yesu zu̱ki yenda za, “Me ku̱ koogurokh shi mbaari, to ka keela za no zu̱ndi nga ɓa sar kunung.” Tu̱ Biturus vi nu̱ dam tu̱ shi ghoori maɗyikandi.

Markus 10:33

Tu̱ ze wor za, “Nggu̱t ma, chem a yir Urshalima. Kaɗa vu̱r Yi ɓu̱ nduk nu̱ mbu̱ khar kuruku rututundi ndu̱ Maalu̱m Taurete ku, yang ka kuma mu̱ti yenda ku. Tu̱ vu̱r nda nu̱ mbu̱ khar nduki nu̱ke ɗya Yakhudeku ɓa.

Markus 8:38

Aaki tu̱kki kawar ɓanga, ndu̱ kawar wopar ɓalar ɓanga, mbu̱ qaandi virkir malkandi nu̱ song zhire ndu̱ khang solar kunang. Yi ɓu̱ nduk tu̱k kaa tu̱k kawar ɓaran mbu̱ aa ɓa mbu̱ zhaaji ɓu̱ Zhinkirang ndu̱ ɓu̱ nu̱ ru̱kti ku shakhshakhndi ɓu̱ Magham.”

Luka 12:9

Yang aaki zhangki nga gha gume nduki, Yi ɓu̱ nduk ka ɓa zhang nda gha gume nu̱ ru̱ktiku ɓu̱ Magham.

Luka 22:29

Nga vu̱r zalale kwaaɗar ye nu leendang ba wa nu̱ Zhinkir ɓang vu̱rki ya.

Luka 22:30

Ku̱me nang, tun ka zu̱m tun za su̱yen ndu̱ nga mbu̱ kwaaɗar ɓanga. Tun ka khan ɗyine zhakhɗyeku, tun a kuma me ghai gwaanggu̱m rapndi ɓu̱ Israila.”

Luka 9:26

Aaki kawaki nga ndu̱ ɓalar ɓanga, nga Yi ɓu̱ nduk ngga ɓa tu̱k kawar ɓaran mbu̱ ngaa gaɓ mbu̱ zhaaji ɓanga ndu̱ zhaaji ɓu̱ Zhinkir ɓanga ndu̱ ɓu̱ nu̱ ru̱ktiku shakhshakhndi ɓu̱ Magham.

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

Romeku 5:17

Solar ɓu̱ Adamu chin ɗyenda nu̱ saki tu̱ mu̱ti shi kwaaɗar ɗyine aaki nang, ɗya aa nu̱m ɓa mbu̱ ta gonta ndu̱ ɗyi nu̱ nduk kaadandi, Yesu Masiya nang a ɓa ki si. Chem gwa khang mu̱nkir ɓu̱ Magham ndu̱ vu̱rti nu̱ saki chem kha waare sola gume Magham nu̱ ku̱nshe nda. Chem ka shi kwaaɗar mbu̱ khar viti ɓaarem nu̱ ku̱nshe nda tu̱k.

Romeku 8:17

Yang nu̱ke chem qusonggi ɓaran, chem wa kha ma nu̱ gwar shakhti ɗye mbu̱ ge. Nang wa wut nu̱ ɗyine, chem ka gwa ɗye mbu̱ ge barkeku ɓu̱ Magham, chem a khar mu̱dlenki ndu̱ Masiya mbe shakhti ɗye mbu̱ gerang. Yang mbu̱ chem ka gwa zhaaji su̱yen ndu̱ Masiya wa ku̱s ku̱ zami bonye su̱yen ndu̱ chin.

Filipiyeku 1:28

Sawa nu nu̱ zhangndiku ɓaanu ɓa; tun kha wang, nang ka wut ye wor nu̱ ɗyine ka su̱ya ku yang ɓaanu tun ka ɗana, ku̱me Magham ka shiki nang.

1 Timoti 5:8

Aaki nu̱ke nu̱ka ɗang kheeti ɓaran ɓa, nu̱ shi wa rafti ɓaran ɓa, njif nang wa keela maito nyin shiki tu̱ duk njif nu̱ke nu̱ maita ɓa maatli.

Yakhuda 1:4

Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.

Ɗyin mbu̱ tukari 1:6

Chin gaɓki ndu̱ chem, chem kha ma kwaaɗari ndu̱ kuruku ma tlu̱nar ye Magham ndu̱ ɓaran nu̱ Zhin. Ku̱me nang bu ku̱ Yesu Masiya dlu̱ zhaaji ndu̱ kwaaɗar koɗokhsi sar da ɓa! Amin.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 2:13

Nga zu̱n to kharan ye maa nu̱ke Sheɗan a kwaaɗar ɓaran. Yang kap ndu̱ nang ta ching gha ɗyin dlu̱ma nu̱ zhire, sar da no gaɓ nu̱ gana mbe maitar nga ɓa. Aa mbu̱ qaandi virkir ɓu̱ Antipas, nu̱ saidaki nga nu̱ zhire. Chin nu̱ tlaghaki nda ku mbu̱ ghai ɓaanu maa khar ɓu̱ Sheɗan.

Ɗyin mbu̱ tukari 20:4

Kom tang na zhakhɗye ku, ndu̱ nduki nu̱ vu̱rki zalale kumar ye wora kharan ɗyinang. Yang tang na nyifiku ɓu̱ nduki nu̱ ɗakhki ɗyin wor nu̱gha ku̱me wa saida Yesu, ndu̱ ɓalar ɓu̱ Magham. Wor ke nduki nu̱ke nu̱ ghar ghai ye dlu gaari nang ɓa, yang nu̱ shi ye shipar ɓaranang zum ɓa. Nu̱ dlu̱ bakhti ɓu̱ dlu gaari nang nu̱ ve me guma wor ɓa yang ve khar wor ɓa. Wor a gaɓki tu̱ kha ndu̱ nyifiri tu̱k, tu̱ shi kwaaɗar ku su̱yen ndu̱ Masiya me sonyi du̱pu.

Ɗyin mbu̱ tukari 20:6

Nduki nu̱ gwaki jiiri mbe mu̱ti nu̱ gumapaali nang, ɗya nu̱ barka ku yang shakhshakh ku tu̱k. Zalale kha mu̱ti nu̱ rap ɗyine wor ɓa, ka kha ma kuruku ɓu̱ Magham ndu̱ ɓu̱ Masiya, ka shi kwaaɗar ku ndu̱ chin tu̱k me sonyi du̱pu.

Ɗyin mbu̱ tukari 3:10

Nu̱ke ta khutlo ɓalar ɓanga mbe gu̱ndi memu̱nar mbe kanaɗyi no shiki, ngga kangga mbe sarchi bonye nu̱ke a ɓari ɗyine larji ma buu nduki nu̱ke a mban.

Ɗyin mbu̱ tukari 3:21

Kap njif nu̱ raki wute, ngga sa nda tu̱ kha gha su̱yen ndu̱ nga wudle zhakhɗye kwaaɗar ɓanga, ba wa nang raki wute tang kha gha su̱yen ndu̱ Zhinkir ɓang wudle zhakhɗye kwaaɗar ɓaran.

Ɗyin mbu̱ tukari 3:8

Nga zu̱n ɗye shirku ɓaaro. Wonji, nga qu̱n me viri nu̱ gume ro nu̱ke nduk a nje nu̱ke ka ɗu̱maki zaran nu̱gha ɓa. Nga zu̱n du̱mbu̱r ɓaa kata. Yang kap ndu̱ nang ta mbu zu̱r ɓanga, no keela zu̱ndi nga ɓa.

Ɗyin mbu̱ tukari 5:10

Ta gaɓ ndu̱ wor ma kwaaɗari ndu̱ kuruku ma ku̱ shi tlu̱nar ɓu̱ Maghamndi ɓaarem, ka shi kwaaɗar ku ɗyine larji.”