2 Timoti 2:10 - Mewar Alqawarang

¹⁰ Yang nga gu̱n memu̱nara ndu̱ aa nu̱m ku̱me nduki datkandi, ku̱ gwa ɗanar ku nu̱ ku̱nshe Masiya Yesu, tu̱ gwa viri nu̱ mbu̱ zhaaji nu̱ke nu̱ka shi woɗa ɓa.

2 Timoti 2:10 ပူးပေါင်းရင်းမြစ်များ

Matta 24:22

Mbu̱ nu̱ kata qaandi virkirku nang nu̱gha ɓa, tu̱ga aa da nduka nje nu̱ke ka ɗanaki ɓa. Yang ku̱me nduki datkandikwang, ka kata qaandi virkirkwang nu̱gha.

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Matta 24:31

Kaɗa ru̱k nu̱ ru̱ktiku ɓaran tu̱ pi domndi nu̱ qur maɗyi, tu̱ taba nduki nu̱ datki ɗokhatla ndu̱ mugu, kona ndu̱ zan ndu̱ aa fu̱n mbu̱ larji.

Luka 18:7

Yang alapa Magham ɓu̱ ɗa kobyo ɓu̱ daatiku ɓaran nu̱ kya ghoori yenda fu̱ɗar ndu̱ virkir ɓa? Ka zhang tu̱k wor gha mu?

Luka 22:57

Tu̱ yang Biturus keela za, “Nusu, sar da nang zu̱n nda ɓa.”

Yokhana 11:52

Yang ku̱me Yakhudeku ɗyenda ɓa, ku̱me ku̱ ɗa taba ɗyin qusonggi ɓu̱ Magham nu̱ke lakhtaran aa fu̱n tu̱ kha da ku.

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Yokhana 17:9

Nga khutang ku̱me wora. Nang khuɗ ku̱me nduki nu̱ larji ɓa, nga khuɗ ku̱me nduki no vu̱rki ya nu̱ke ɗya ɓaa ku.

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

Romeku 9:23

Shi wanang ma wut nji yele ɓu̱ zhaaji ɓaran ye ɗyiku nyin shimki ɗaana nji wora. Daasa ɗyiku nyin ɗaanaki nang nu̱ ɗawi ma ku̱ gwa zhaaji ɓaran.

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

1 Korintiyeku 9:22

She nduki nu̱ke maito ɓaanda kata, tang kha wa nga wanang ma a dut nga wora, Nga kha ma aa nyi tun she ndukiku zum zum ma ɗana nga ɓeenan a kikimndi.

2 Korintiyeku 1:6

Aa nu̱ke chem a za bonye, ai, chem a zaran ma ku̱ kha ma ɗye du̱ngdi memu̱na ye nu tu̱ pa du̱mbu̱r ye nu mbe khar viti ɓaanu mbu̱ jiimba. Mbu̱ chem wa gwa du̱ngdi memu̱nari, tun wa gwa tu̱k ma ku̱ gwa nu̱ du̱mbu̱r gu̱ndi memu̱na nu̱ ɗyine bonye nu̱ke chem nu̱ ɗyinerem chem a zaran.

2 Korintiyeku 12:15

Ngga kasha sagha ɗyin khara ɓar kap ndu̱ man vara mbu̱ tun ka gwa shaatar ku̱men. Tun ka kata ndolar ɓaanu ya ku̱me ngaa ndola nu maɗyi mu?

2 Korintiyeku 4:15

Ɗyiku nang shi kap ma ku̱ gwa nu boote ni, ma ku̱ nduki khang na mu̱nkir ɓu̱ Magham tu̱ kuna nda, tu̱ gwa zhaaji.

2 Korintiyeku 4:17

Jiwa bonye koɗommandi nu̱ke chem a zaran nang ɓu̱ shoɓ ɓa, yang ka vu̱r zhaaji khangndi yerem koɗokh si ɓa.

Afiseku 3:13

Ku̱me nang nga khutonu, ku̱ me bu̱nonu datl ku̱me bonye nu̱ke nga zaran ku̱me tun ɓa. Ai, bonye nu̱ke nga zaran nang ka kha ndu̱ zhaaji ye nu.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

Kolosiyeku 1:27

Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.

1 Tasalonikeku 5:9

Jiwa Magham nu̱ shim ku̱ shokhnar ɓaran a ɓa nu̱ ɗyine rem ɓa, shimkya ku̱ gwa mi ɗanari nu̱ ku̱nshe Zhinerem gwaanji Yesu Masiya.

2 Tasalonikeku 2:14

Qa nu nu̱ ku̱nshe Labar mbarkandi nyem vu̱rki yenwang, ma ku̱ gwa nu me ɓaanu mbu̱ zhaaji ɓu̱ Zhinerem gwaanji Yesu Masiya.

2 Timoti 1:1

Lagarkati nang a vi she Bulus pude ɓu̱ Masiya Yesu wa nu̱ Magham shimki tu̱ ru̱kti nga ma ku̱ zu̱ nga alqawar nyifi nu̱ke a mbe Masiya Yesu.

2 Timoti 2:1

Yang to yi ɓanga, kho ndu̱ du̱mbu̱r nu̱ ku̱nshe mu̱nkir nu̱ke a mbe Masiya Yesu.

2 Timoti 2:3

Tun gu̱n memu̱na nu mbe bonye wa sojeku zhirekandi ɓu̱ Masiya Yesu.

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

1 Biturus 2:10

Ɗau fara, tun ndukiku nu̱ke zhaaji ve nu ɓa, yang leendang tun nduki ɓu̱ Magham. Ɗau fara nun gwa ɗaanar ɓu̱ Magham ɓa, yang leendang tun wa gwa.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.