2 Timoti 1:9 - Mewar Alqawarang

⁹ Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

2 Timoti 1:9 ပူးပေါင်းရင်းမြစ်များ

Matta 1:21

Ka kha ye khusku, yang to ka qa dlu̱man Yesu, ku̱me chin ka ɗanaki nduki ɓaran mbe solarku ɓaanda.”

Luka 10:21

Ye sarchi nang, Yesu wa nyel nu̱ ɓong memu̱na ndu̱ kashari nu̱ ku̱nshe Jiimbi shakhshakhndi. Tu̱ zu̱ za, “Nga kunaro Aba, Zhinkir nu̱ viɗi ndu̱ maa vu̱ghai, ku̱me ta tuka ɗyiku nang gha ye nu̱ kaɗari ku ndu̱ nu̱ zu̱ndi ku̱, yang ta wuɗ ye qusonggi. I, Aba, ku̱me ta na wanang shiki yor mbari.

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Yokhana 17:9

Nga khutang ku̱me wora. Nang khuɗ ku̱me nduki nu̱ larji ɓa, nga khuɗ ku̱me nduki no vu̱rki ya nu̱ke ɗya ɓaa ku.

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Tlu̱nar ɓu̱ Pudeku 15:18

Nang ke zu̱r ɓu̱ Zhinkir gwaanji, chin nu̱ wutki ɗyiku nang zhu tang.

Tlu̱nar ɓu̱ Pudeku 2:47

A gwar dlu̱m Magham tu̱ guma wor shi paling she nduki kap. Tu̱ Zhinkir gwaanji ki shaata nduki nu̱ gwaki ɗanar ye wor aa nyi fu̱ɗa.

Romeku 11:14

nga sa memu̱nara, shir wanang ka sa nduki ɓang Yakhudeku tu̱ shi zhiri, tu̱ sa ɓeenanku ku̱ gwa ɗanari.

Romeku 11:29

Jiwa Magham nu̱ka gaɓ men nu̱ gana mbe vu̱rti ɓaran ndu̱ qar ɓaran ɓa.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

Romeku 3:20

Jiwa nduk a nje nu̱ke ka khaki waare sola gume Magham nu̱ ku̱nshe mbu ɗyi nu̱ Bibitang zu̱ki ɓa, ku̱me Bibitang a wutkya solar ɓaarem yerem.

Romeku 9:11

Yang me ku̱ kha ye mugɗar ku nang, fan ku̱ zu̱n ɗyi mbarkandi ku ndu̱ ɗyi malkandi ku, tu̱ Magham ze Rabeka za chin wa sa woi gwaanjang ku̱ kha ma nu̱ ru̱kti ɓu̱ woi koɗommandang.

Romeku 9:24

Chem ke nduki nang, yang chem nu̱ Magham qaki, mbu̱ Yakhudeku ɗyenda ɓa, nduki nu̱ke ɗya Yakhudeku ɓa a mban tu̱k.

1 Korintiyeku 1:18

Labar mu̱ti ɓu̱ Yesu ɗyin qu̱far kaatlang ɗya ɓalar bamndi she nduki nu̱ saghaki, yang she rem, chem nyem ɗanaki, labar mu̱ti ɓu̱ Yesu ɗyin qu̱far kaatli ɗya zalale ɓu̱ Magham.

Afiseku 1:11

Magham wa daaterem ku̱ kha mi ma nduki ɓaran, nu̱ ku̱nshe Masiya. Wa woɗa daasa ɗyen vu̱ nggarsan, Ai, chin ke nu̱ tlu̱na ɗyiku ɓaran wa nyin shimki.

Afiseku 1:9

Tu̱ Magham sa chem zu̱n shimndi ɓaran tukakandi ɗyine ɗyi nyin ku̱rki, tu̱ yang nyel nda nu̱ ku̱nshe Masiya.

Afiseku 2:5

ba ye sarchi nu̱ke chem mu̱tan mbu̱ solarku ɓaarem, tu̱ vu̱r nyifiri yerem su̱yen ndu̱ Masiya. Ɗana nu nu̱ ku̱nshe mu̱nkir ɓaran.

Afiseku 3:11

Ba wa nu̱ Magham daasaki ku̱ shi gumapaali, ma ku̱ tlu̱na nda mbe Masiya Yesu Zhinerem gwaanji.

Filipiyeku 3:14

Nga zhang vara ku̱ gwa nga tang basan ma gwa ɗye ɓi qari ma yir mbu̱ viɗi nu̱ Magham qaki nga maaran nu̱ ku̱nshe Masiya Yesu.

1 Tasalonikeku 4:7

Nu̱ Magham qa rem ma ku̱ kha mi ma nu̱ zopku ɓa, qa rem ma ku̱ kha mi shakhshakh.

1 Timoti 1:1

Lagarkati nang a vi she Bulus pude ɓu̱ Masiya Yesu ba wa nu̱ Magham nu̱ ɗana rem ndu̱ Masiya Yesu ɗye sar memu̱narem kumaki,

2 Timoti 1:1

Lagarkati nang a vi she Bulus pude ɓu̱ Masiya Yesu wa nu̱ Magham shimki tu̱ ru̱kti nga ma ku̱ zu̱ nga alqawar nyifi nu̱ke a mbe Masiya Yesu.

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

1 Biturus 1:20

Magham datkya chin me ku̱ du̱ng larji, yang wuti nda ye dalangi ye lauɗar su̱ qaandi virkirku nang ku̱me tunu.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.

Ɗyin mbu̱ tukari 17:8

Chin dlu gaari no naki nang, wa kha zhu, yang leendang a nje ɓa, ka ɗa dlan dam mbu̱ ge gargha mboɓongndi nu̱ke me tu̱ɓ si ɓandi nang ma yir ye maa nu̱ke a ma tlagha nda nu̱ gha. Nduki nu̱ke kharan mbu̱ larji, wor nu̱ke nu̱ bu̱la dlu̱m wor nu̱ mbu̱ Lagarkati Nu̱ Nyifiri ɓa, ka shi lazham nar dlu gaarang, ku̱me wa kha zhu, yang leendang a nje ɓa, yang ka ɗa gaɓ gana fan tu̱k.