2 Timoti 1:8 - Mewar Alqawarang

⁸ Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

2 Timoti 1:8 ပူးပေါင်းရင်းမြစ်များ

Markus 8:38

Aaki tu̱kki kawar ɓanga, ndu̱ kawar wopar ɓalar ɓanga, mbu̱ qaandi virkir malkandi nu̱ song zhire ndu̱ khang solar kunang. Yi ɓu̱ nduk tu̱k kaa tu̱k kawar ɓaran mbu̱ aa ɓa mbu̱ zhaaji ɓu̱ Zhinkirang ndu̱ ɓu̱ nu̱ ru̱kti ku shakhshakhndi ɓu̱ Magham.”

Luka 9:26

Aaki kawaki nga ndu̱ ɓalar ɓanga, nga Yi ɓu̱ nduk ngga ɓa tu̱k kawar ɓaran mbu̱ ngaa gaɓ mbu̱ zhaaji ɓanga ndu̱ zhaaji ɓu̱ Zhinkir ɓanga ndu̱ ɓu̱ nu̱ ru̱ktiku shakhshakhndi ɓu̱ Magham.

Yokhana 15:27

Tun saidu ɓang tu̱k, ku̱me tun a su̱yen ndu̱ nga gumapaali.”

Yokhana 19:35

Njif nu̱ naki ɗyikunang ndu̱ yitan zu̱ki, yang ɗyi nu̱ zu̱kyang ɗya zhire. Wa zu̱n tu̱k za chin a zu̱kya zhire ɓu̱ ɗyi nu̱ ɗatlki, yang a zu̱ranang ku̱me maita nu wa nyin maitakyang.

Tlu̱nar ɓu̱ Pudeku 5:41

Tu̱ Pudekwang njig maa tabar dle gume ɓu̱ Yakhudekwang a kashar ku ku̱me nduki wa na wor wa khu̱l ku̱ za nda bonye ku̱me dlu̱m Yesu.

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

Romeku 8:36

Ba wa nu̱ bu̱lar ɓalar ɓu̱ Magham zu̱ki za, “Chem a me mu̱ti aakochi ku̱me to, wa da rem ku wa ndu̱ɓangku nu̱ke a ma dla qura wor nu̱gha.”

Romeku 9:33

Ba wa nu̱ke a nje bu̱laran za, “Wonji nga sa ndogdi ɓang nu̱ Sikhiyona, ndogdi jiiri saari. Ndogdi nu̱ke ka saki nduki khang tu̱ njimi. Yang aaki maitaki nda ɓu̱ tu̱k kawa ɓa.”

1 Korintiyeku 1:6

leendang tun wa na zhire ɓu̱ ɗyiku nyem saidaki ye nu ɗyine Masiyang mbe nu.

2 Korintiyeku 6:7

Chem a wutan chem nu̱ tlu̱nar ɓu̱ Magham ku tu̱k nu̱ ku̱nshe zu̱r zhire, ndu̱ zalale ɓu̱ Magham su̱yen nu̱ boote ndu̱ dambu, ma ɗye dakhlar ɓaarem nyem khubki nu̱ mbu̱ khaarem zu̱ma ndu̱ gu̱ɗau.

Afiseku 3:1

Ku̱me nang, nga Bulus, nu̱ khiiki nga gha zhaaru̱m ku̱me Masiya Yesu ma ku̱ kha ndu̱ boota ye nu tun nu̱ke tun Yakhudeku ɓa.

Afiseku 3:13

Ku̱me nang nga khutonu, ku̱ me bu̱nonu datl ku̱me bonye nu̱ke nga zaran ku̱me tun ɓa. Ai, bonye nu̱ke nga zaran nang ka kha ndu̱ zhaaji ye nu.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Afiseku 4:17

Nga ɓalar nang ye nu, yang nga shikya maataran ye nu mbu̱ dlu̱m Zhinerem gwaanji nu̱ ɗyine, ku̱ kha nu wa nduki nu̱ke ɗya Yakhudeku ɓa nda ɓa, nu̱ kwaari bamndiku.

Filipiyeku 1:7

Wa shi torop ku̱ kor nga nu aakochi, tun kap ɓaanu, nu̱ke nga sa nun ve memu̱nara. Ku̱me a nga khiiran zhaaru̱m, aa nga kanggakya Labar mbarkandang chem wa shakh mu̱nkir ɓu̱ Magham su̱yen.

Filipiyeku 3:10

Nga shim ku̱ zu̱n nga Masiya ndu̱ zalale ji ɓaran ɓar mbe mu̱ti. Nga shim ku̱ za nga me ɓanga mbu̱ bonye nu̱ zaki, tang kha wa chin mbe mu̱ti ɓaran.

Filipiyeku 4:13

Ngga ɗu̱ma shi aa nu̱m nu̱ ku̱nshe Masiya nu̱ ka vu̱rki du̱mbu̱r shiran ya.

Kolosiyeku 1:11

Ku̱ Magham pa du̱mbu̱r ye nu ndu̱ du̱mbu̱r ɓaran nu̱ zhaaji tun gwa tun ching gha mbari, ma ku̱ gu̱n nu memu̱na nu ndu̱ ɗyi nu̱ke a ɗaatli, tun a kanaɗyi mbe kasha.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

1 Tasalonikeku 3:4

Jiwa sarchi nu̱ke chem a su̱yen ndu̱ tunu chem wa za zu̱ran ye nu, nyem za chem ka za bonye. Tu̱ yang ɗyen kha wanang, ba wa nun zu̱nki.

1 Timoti 2:6

Chin vu̱rki nyifi ɓaran ma dli ɗyin nduki kap. Nang ke saidu nu̱ Magham vu̱rki ye larji mbu̱ sarchi ni.

2 Timoti 1:10

tu̱ yang wut mu̱nkirang yerem ye dalangi nu̱ ku̱nshe ɓar ɓu̱ Nu̱ Ɗanar ɓaarem Masiya Yesu. Chin su̱yaki mu̱ti nu̱ gha ta ɓa nu̱ nyifiri nu̱ke nu̱ka shi mu̱t ɓa yerem ye yarangi nu̱ ku̱nshe Labar Mbarkandang.

2 Timoti 1:12

Nga za bonye ku̱men ba wa nu̱ke nga zaran leendang. Yang kap ndu̱ nang nu̱ kha ya ma ɗye kawa ɓa ku̱me nga zu̱n njif nang maitaki, nga zu̱n nu̱ ɗyine ka bu ɗyin du̱ngdi nang vu̱rki yenda kap, kope Fu̱ɗar naandang.

2 Timoti 1:16

Ku̱ Magham na zhiyaye ɓu̱ rafti ɓu̱ Onesiforus, ku̱me wa ka pa du̱mbu̱r ya, nu̱ ka tu̱k kawa ku̱me wa khiiri nga gha zhaaru̱m ɓa.

2 Timoti 2:3

Tun gu̱n memu̱na nu mbe bonye wa sojeku zhirekandi ɓu̱ Masiya Yesu.

2 Timoti 2:8

Kor nu̱ ɗyine Yesu Masiya nu̱ jiiki ndu̱ chin ɓar mbe mu̱ti, a viki me sham ɓu̱ Dauda. Nang ke Labar mbarkandi nu̱ke nga woparanang.

2 Timoti 2:9

Nga za bonye nang ku̱me Labar mbarkandi nu̱ke nga woparanang, tu̱ gu̱ndi nga nu̱gha ndu̱ yakhli wa njif nu̱ shiki zop ngguri. Yang nduk a nje nu̱ke ka ɗu̱maki gu̱n ɓalar ɓu̱ Magham nu̱gha ɓa.

2 Timoti 4:17

Yang Zhinkir gwaanji a nje su̱yen ndu̱ nga tu̱ pa du̱mbu̱r ya, ku̱me ɓalar ɓu̱ Magham nang ku̱ gwa wopar maɗyi ma ku̱ nduki nu̱ke ɗya Yakhudeku ɓa tu̱kki. Wa lawa nga ɓar mbu̱ me mu̱zamndi.

2 Timoti 4:5

Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

1 Biturus 1:5

Tun nu̱ke nu̱ ku̱nshe maito ɓaanu zalale ɓu̱ Magham a khutloro nu. A shim ku̱ khu̱l nu ma gwa nu ɗanar nu̱ daasaki, ma ku̱ wuti nda ye dalangi ye lauɗar su̱ qaandi virkirku.

1 Yokhana 4:14

Chem wa nggu̱ɗi, chem saida tu̱k nu̱ ɗyine Zhinkirang wa ru̱k Yi ɓaran tu̱ kha ma Nu̱ Ɗanar larji.

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.

Ɗyin mbu̱ tukari 1:2

Tu̱ saida ɗyiku nyin naki kap. Nang ke zu̱r mbu̱ ru̱kti nu̱ ɗa viki she Magham ndu̱ zhire nu̱ Yesu Masiya wutki yenda.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 12:11

Tu̱ yang zu̱m du̱mbu̱r ɓaran nu̱ ku̱nshe tom ɓu̱ Ye Gamndang, ndu̱ ɓalar nu̱ saidaki ku, jiwa nu̱ shim nyifi ɓaanda maɗyi nu̱ke ku̱ ku̱na vu̱rtan ɓa, aa ka tlagha kya wora.

Ɗyin mbu̱ tukari 19:10

Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.