2 Timoti 1:3 - Mewar Alqawarang

³ Nga kuna Magham nu̱ke nga tlu̱nar yenda ndu̱ konyi mbarkandi ba wa nu̱ke zhikankir ku ɓang shiki. Nga ka kwaroro aakochi mbu̱ barar ɓanga.

2 Timoti 1:3 ပူးပေါင်းရင်းမြစ်များ

Luka 2:37

Sonyi ɓaran ɗyin miyasi qu̱m vat, yang nu̱ njig mbu̱ Rafti ɓu̱ Magham sar da ɓa, kharan nje a ghar ghai ye Magham fu̱ɗar ndu̱ virkiri, a zhumti ndu̱ barari.

Tlu̱nar ɓu̱ Pudeku 22:3

“Nga Yakhuda nggeng, kha nga mbu̱ ghai Tarsus nu̱ke a Kilikiya, yang nga gor fan mbu̱ ghai nang. Nga dlu̱ shogar ɓang she Gamaliyel, chin shogaki aa nu̱m ya ɗyine woparku ɓu̱ zhikanerem. Nga nu̱ ghaari ghai ye Magham maɗyi, ba wa nu̱ke tun a shiran meeni.

Tlu̱nar ɓu̱ Pudeku 23:1

Tu̱ Bulus nggu̱t tabar dle gumekwang njang tu̱ zu̱ za, “Nyeezaku, ma ɓar meeni damta nje mbu̱ memu̱nara ɓa. Yang kwaari ɓang mbarkandi nu̱ wut ya za nga shi ɗyi galkandi nu̱ke ka viki nu̱ chele ɓang ndu̱ Magham ɓa.”

Tlu̱nar ɓu̱ Pudeku 24:14

Nga tlogha tun da mbu̱ ɗyi nu̱ zu̱ki ku nang ke nga ghar ghai ye Maghamndi ɓu̱ zhikanerem ku mbe Njivang, nu̱ke a zu̱ran ku za zhire ɓa. Nga maita kap ɗyi nu̱ke a nje bu̱laran mbu̱ Taurete ndu̱ lagarkati ɓu̱ annabikwang.

Tlu̱nar ɓu̱ Pudeku 24:16

Nang ke ɗyi nu̱ saki aakochi nga wute mbu̱ memu̱nara ku̱ kha nga mba rap rap ɓa yang damtar nggur nje chele ɓang ndu̱ Magham ndu̱ nduk ɓa.

Tlu̱nar ɓu̱ Pudeku 26:4

“Yakhudeku kap wa zu̱n pooni khar viti nang shiki ji ɓang nyakhtli, mbu̱ ghai ɓaarem gumapaali ndu̱ Urshalima.

Tlu̱nar ɓu̱ Pudeku 27:23

Ku̱me mbu̱ɗa nu̱ ru̱kti ngguri ɓu̱ Maghamndi ɓanga nu̱ke nga ghar ghai yenda, tu̱k wa ching sha.

Romeku 9:1

Nga zu̱kya zhire mbe Masiya, nga shikya wollo ɓa. Mbu̱ kwaari nang shiki mbu̱ memu̱nara, nga zu̱n shwat ɗya kwatama ɓa ku̱me saidu nu̱ Jiimbi shakhshakhndi shiki ɗyine nang.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

Galatiyeku 1:14

Tun wa zu̱n tu̱k nu̱ ɗyine nga mbu̱ ghaari ghai ɓu̱ Yakhudeku nang. Nga gwa zu̱mndi guma mbu̱ ghaari ghai nang tang duk nu̱ ji ɗyina ku nga nu̱ zhiri mburi me ghai ɓu̱ zhikanerem ku nang maɗyi.

Afiseku 1:16

nang laada kuna Magham ku̱me tun ɓa. Yang nga ka shi nang sarchi nu̱ke nga barar ye nu.

1 Tasalonikeku 3:10

Chem wa vu̱r vaarem ye barar virkir ndu̱ fu̱ɗari ku̱me gwa mi chem na nu yiti ndu̱ yiti, ma nyel mi ɗyi nu̱ kataki mbu̱ maito ɓaanu.

1 Timoti 1:19

to khuɓ maito ɓaaro ndu̱ konyi mbarkandi. Ɓeeni nduki wa nggu̱ɗ ku mbe maito ɓaanda ku̱me wa zhang ɗyi nu̱ konyi ɓaanda zu̱ki ye wora.

1 Timoti 1:5

Nga ɓalar nang ma ku̱ kha nu ndu̱ ndolar na viki mbe memu̱nar shakhshakhndi, ndu̱ konyi mbarkandi, ndu̱ maito piikandi.

1 Timoti 5:5

Ku̱du̱w nokhzi nu̱ke nduk kha nda ɓa yang nu̱ shaata kha nda ɓa, ka sa memu̱naran ye Magham, a khuti nda ndu̱ bararku virkir ndu̱ fu̱ɗari ma ku̱ gwa nji shaatari.

2 Timoti 1:5

Wa kor maito ɓa zhirekandi ya, nang ke pooni maito ɓu̱ zhiko Loyis, ndu̱ mo Yunis, yang leendang nga zu̱n shwat a nje mbe ro.

2 Timoti 3:15

Kor nu̱ ɗyine ta shoga bu̱lar Ɓalar ɓu̱ Magham shakhshakhndi nu̱ shogaki njiv gwar ɗanar yoro nu̱ ku̱nshe maitar Masiya Yesu ji ɓa woi koɗomma.

Yibraniyeku 13:8

Yesu Masiya nu̱ka nggoɗ ɓa, a nje ba wa nu̱ke a nje mbu̱ɗa ndu̱ meeni, ndu̱ aakochi koɗokhsi ɓa.