2 Timoti 1:12 - Mewar Alqawarang

¹² Nga za bonye ku̱men ba wa nu̱ke nga zaran leendang. Yang kap ndu̱ nang nu̱ kha ya ma ɗye kawa ɓa ku̱me nga zu̱n njif nang maitaki, nga zu̱n nu̱ ɗyine ka bu ɗyin du̱ngdi nang vu̱rki yenda kap, kope Fu̱ɗar naandang.

2 Timoti 1:12 ပူးပေါင်းရင်းမြစ်များ

Matta 12:21

Nduki nu̱ larji ka sa memu̱na wor nu̱ mbu̱ dlu̱man.”

Matta 24:36

“Yang nduka nje nu̱ zu̱nki fu̱ɗar ndu̱ sarchi nu̱ke ɗyikunang ka shiki ɓa, aa nu̱ ru̱ktiku ɓu̱ Magham nu̱ke a viɗi, aa Woyang, nu̱ zu̱n ku ɓa, kope Zhinkirang ɗyenda.

Matta 7:22

Ye fu̱ɗar naandang nduki khang ka zu̱ ya ku za, ‘Zhinerem gwaanji, Zhinerem Gwaanji! Chem wopaki ɓalar ɓu̱ Magham mbu̱ dlu̱mor ɓa goma? Nyem komba khu̱kheeti ku mbu̱ dlu̱mor de? Nyem shi ɗye lazhamku khang mbu̱ dlu̱mo ɓa?’

Luka 10:12

Nga zu̱ran ye nu, ye fu̱ɗar wuri, Magham ka duk nu̱ shir longguma ye Sodom aa ndu̱ maatli ɓaanda, ye ghai nang.”

Luka 23:46

Tu̱ Yesu da su̱quran nu̱ viɗi tu̱ zu̱ za, “Zhinkiri, nga vu̱r nyifi ɓang nu̱ mbu̱ kha ro.” Nu̱ zu̱ki wanang tu̱ ngga nyifi ɓaran gha.

Yokhana 17:15

Nang khuɗ ku̱ da na wor ɓar mbu̱ larji ɓa, nga shim ku̱ shakh na chele ɓaanda ndu̱ Nu̱ mu̱narang.

Yokhana 6:44

Nduk a nje nu̱ke ka ɗu̱maki ɓar sha ɓa, buka mbu̱ Zhinkir nu̱ ɗa ru̱kki ngang a dutki nda. Yang ngga da nda nu̱ viɗi fu̱ɗar wuri.”

Tlu̱nar ɓu̱ Pudeku 13:46

Yang tu̱ Bulus ndu̱ Barnaba shi ɓalari, sawa su̱ ɓa. Tu̱ zu̱ ku za, “Tun Yakhudeku, tun shipaki ku̱ ngga mi su̱ zu̱ ɓalar ɓu̱ Magham ye nu, yang nu̱ke tun wa zhang gha. Tun wa wut nu̱ ɗyine nun shipa gwar nyifi nu̱ke nu̱ka shi woɗa ɓa nda ɓa. Nu̱ke wanangang, chem ka ɗu̱ she nduki nu̱ke ɗya Yakhudeku ɓa.

Tlu̱nar ɓu̱ Pudeku 13:50

Tu̱ yang Yakhudekwang sokh nusuku nu̱ ghaari ghai ku nggur nu̱ke nduki a na zhaaji ɓaanda ndu̱ dlegumeku ɓu̱ nduki nu̱ mbu̱ ghayang. Tu̱ vu̱r bonyeku ye Bulus ndu̱ Barnaba, tu̱ komba wor ɓar mbu̱ dlar ghai ɓaanda.

Tlu̱nar ɓu̱ Pudeku 21:13

Tu̱ Bulus tlogha za, “Nu̱m saki tun shi wanang? Nu̱m saki tun ki ghoori tun a su̱bu̱r memu̱nara? Ai, nga daasaran ma ku̱ gu̱ndi nga nu̱ gha ɗyenda ɓa, aa ka tlagha nga nu̱ gha Urshalima ku̱me dlu̱m Zhinerem gwaanji Yesu.”

Tlu̱nar ɓu̱ Pudeku 7:59

A mbuk Istafanus kwang, tu̱ shi barar za, “Zhinerem gwaanji Yesu, dlu̱ nyifi ɓanga.”

Tlu̱nar ɓu̱ Pudeku 9:16

Ngga wut bonye nu̱ke ka zaki ku̱me dlu̱ma yenda.”

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 9:33

Ba wa nu̱ke a nje bu̱laran za, “Wonji nga sa ndogdi ɓang nu̱ Sikhiyona, ndogdi jiiri saari. Ndogdi nu̱ke ka saki nduki khang tu̱ njimi. Yang aaki maitaki nda ɓu̱ tu̱k kawa ɓa.”

1 Korintiyeku 1:8

Ka sa tun kha ndu̱ du̱mbu̱r tu̱k ma yir ye lauɗar san, ma ku̱ kha nu waare zop ye fu̱ɗar nu̱ke Zhinerem gwaanji Yesu Masiya kaɗa gaɓki.

1 Korintiyeku 3:13

Mbari tlu̱nar nu̱ aaki shiki ka ɓa vi ye dalangi, du̱ndang kaɗa vi nu̱ dam ye Fu̱ɗar ɓu̱ Masiya. Ku̱me ɓai ka wutki tlu̱nar ɓu̱ aaki ɗo, ɓaiyang ka buu tlu̱nar nu̱ aaki shiki.

Filipiyeku 1:20

Nga kashari, nga sa memu̱nara nu̱ ɗyine ku̱ ɗa ɓa nga ndu̱ ɗye kawa mbe tlu̱nar ɓu̱ Zhinerem gwaanji ɓa, yang gwa nga du̱mbu̱r tang shi ɓalar ɓang sawa su̱ ɓa. Ku̱me leendang ba wa nu̱ sotndi ku̱ Masiya gwa zhaaji sha, aa nga nje ndu̱ nyifiri aa nga mu̱ɗi.

Filipiyeku 3:10

Nga shim ku̱ zu̱n nga Masiya ndu̱ zalale ji ɓaran ɓar mbe mu̱ti. Nga shim ku̱ za nga me ɓanga mbu̱ bonye nu̱ zaki, tang kha wa chin mbe mu̱ti ɓaran.

Filipiyeku 3:21

Chin ke nu̱ zalale sar aa nu̱m kap nu̱ mbu̱ bu̱nan. Ka nggoɗ man vaarem ndu̱mkandi nang nu̱gha nu̱ ku̱nshe zalale ɓaranang, tu̱ gaɓ ndu̱ wor tu̱ kha wa man varan nu̱ zhaaji nang.

Filipiyeku 3:8

Ai, tun a nje nu̱ dukki zu̱ndi Masiya Yesu Zhinerem gwaanji zhaaji ɓa. Nga da aa nu̱m ma asar sha, mbu̱ nga ku̱rti nda ndu̱ zhaaji zu̱ndi Masiya Yesu Zhinerem gwaanji. Nga mbu̱ɗ aa nu̱m kap ku̱me chin. Nga gaɓ ndu̱ wor ma ɗyi bamndi ma ku̱ gwa nga Masiya,

1 Tasalonikeku 2:16

A nggu̱tlerem ku za ku̱ shi mi waazu ye nduki nu̱ke ɗya Yakhudeku ɓa ma ku̱ gwa ɗanar ku ɓa. Ɗyi nu̱ke a shiran kwang a sa solar ɓaanda ku̱ kha nyeedlan aakochi. Yang shokhnar ɓu̱ Magham a ɓa ɗyine wora ye lauɗarsan.

1 Tasalonikeku 5:4

Ai, yang nyeezaku, ɓaanu tun a mbu̱ zhum maa ɓa, nu̱ke Fu̱ɗar nang ka ɗa ɓa ki ye nu wa nu̱ muuri.

1 Timoti 6:20

Timoti, to ɗang ɗyi nu̱ saki nu̱ mbu̱ kha ma nggu̱tanang. To shakh ɗyino ndu̱ ɓalar bamndiku nu̱ wuti ndu̱mndi ye Magham, ndu̱ shogar nu̱ke nyeedlan ndu̱ keeleku nu̱ daki ku za ɗya zu̱ni yang gatlan.

2 Timoti 1:14

Khutlo shogar zhirekandi nu̱ vu̱rki du̱ngdan ye ro nu̱ ku̱nshe shaatar ɓu̱ Jiimbi shakhshakhndi nu̱ke kharan mbe rem.

2 Timoti 1:16

Ku̱ Magham na zhiyaye ɓu̱ rafti ɓu̱ Onesiforus, ku̱me wa ka pa du̱mbu̱r ya, nu̱ ka tu̱k kawa ku̱me wa khiiri nga gha zhaaru̱m ɓa.

2 Timoti 1:18

Bu ku̱ Zhinkir gwaanji na zhiyaye ɓu̱ Onesiforus ye Fu̱ɗar gaɓti ɓaran! Ai, to ndu̱ ɗyino ta zu̱n mbari pooni shaatar ku nu̱ shiki ya mbu̱ ghai Afisa.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

2 Timoti 2:9

Nga za bonye nang ku̱me Labar mbarkandi nu̱ke nga woparanang, tu̱ gu̱ndi nga nu̱gha ndu̱ yakhli wa njif nu̱ shiki zop ngguri. Yang nduk a nje nu̱ke ka ɗu̱maki gu̱n ɓalar ɓu̱ Magham nu̱gha ɓa.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yibraniyeku 2:18

Nu̱ke chin ndu̱ ɗyinan wa za bonye sarchi nu̱ buuki nda, ka ɗu̱ma shaata nduki nu̱ke a mbu̱ buuri.

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.

1 Biturus 1:5

Tun nu̱ke nu̱ ku̱nshe maito ɓaanu zalale ɓu̱ Magham a khutloro nu. A shim ku̱ khu̱l nu ma gwa nu ɗanar nu̱ daasaki, ma ku̱ wuti nda ye dalangi ye lauɗar su̱ qaandi virkirku.

1 Biturus 4:16

Mbu̱ yang nduk wa za bonye ku̱me Ku̱rista, ku̱ tu̱k kawaran ɓa, ku̱ gor dlu̱m Magham ku̱me wa da nda nu̱ mbu̱ nu̱ mbu Masiya.

1 Biturus 4:19

Ku̱me nang, nduki nu̱ke a za bonye mbu̱ shimndi ɓu̱ Magham, ku̱ sa nyifi ɓaanda nu̱ mbu̱ khar Magham nu̱ zhire nu̱ du̱ngki wora, kom ku̱ zu̱m guma ku nu̱ shir mbarki.

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.