2 Timoti 1:1 - Mewar Alqawarang

¹ Lagarkati nang a vi she Bulus pude ɓu̱ Masiya Yesu wa nu̱ Magham shimki tu̱ ru̱kti nga ma ku̱ zu̱ nga alqawar nyifi nu̱ke a mbe Masiya Yesu.

2 Timoti 1:1 ပူးပေါင်းရင်းမြစ်များ

Yokhana 10:28

Nga vu̱r nyifi ye wor nu̱ke ɓu̱ shi woɗa ɓa, ɓu̱ dar mu̱t ku ɓa, yang nduk a nje nu̱ke ka lawaki wor ɓar mbu̱ khara ɓa.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Yokhana 6:54

Kap njif nu̱ke a nji dlu vara, tu̱ ka za tom ɓang tu̱k, wa gwa nyifi nu̱ke ɓu̱ shi woɗa ɓa, ngga da nda nu̱ viɗi fu̱ɗar wuri.

Romeku 1:1

Lagarkati nang a vi she Bulus, maavi ɓu̱ Masiya Yesu, nu̱ qaki nda ma ku̱ kha ma pude ɓu̱ Yesu, tu̱ waka nda nu̱ gha ma ku̱ wopa Labar mbarkandi ɓu̱ Magham.

Romeku 5:21

Wa nu̱ solar shiki kwaaɗar ɓaran nu̱ ku̱nshe mu̱ti, wanang tu̱k mu̱nkir ɓu̱ Magham a kwaaɗar ɓaran leendang nu̱ ku̱nshe dambu. A yir ndu̱ chem ye nyifi nu̱ke ɓu̱ shi woɗa ɓa mbe Yesu Masiya Yesu Zhinerem gwaanji.

Romeku 6:23

Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

1 Korintiyeku 1:1

Lagarkati nang a vi sha, nga Bulus nu̱ Magham qaki nga ma ku̱ kha nga ma pude ɓu̱ Masiya Yesu, kom ndu̱ mu̱dlerem Sostanus.

2 Korintiyeku 1:1

Lagarkati nang, a vi she Bulus pude ɓu̱ Masiya Yesu mbu̱ barke ɓu̱ Magham, ndu̱ mu̱dlerem Timoti. Ma yir she tabar ɓu̱ nu̱ mbu Magham nu̱ke a Koranti, kom ndu̱ daatiku ɓu̱ Magham nu̱ke a mbu̱ maa Akaya kap.

2 Korintiyeku 1:20

Jiwa Magham nyel alqawar nu̱ shiki nu̱ ku̱nshe nda. Nang ke ɗyi nu̱ saki nu̱ ku̱nshe Masiya Yesu chem a zu̱ran za “Amin” ma gor dlu̱m Magham.

Galatiyeku 3:26

Tun kha ma qusonggi ɓu̱ Magham kap ɓaanu nu̱ ku̱nshe maitar Masiya Yesu.

Galatiyeku 3:28

Ku̱me nang, nduk ɓu̱ shakh chele ɓu̱ Yakhudeku ndu̱ Khelene ku ɓa, woi ndu̱ maava ɓa, yang nusu ndu̱ khusku tu̱k zum ɓa. Kap ɓaarem chem ɗyi dandi mbu̱ khar ɓaarem mbe Masiya Yesu.

Afiseku 3:6

Ɗyi tukakandi nang, chin ke nduki nu̱ke ɗya Yakhudeku ɓa wa kha ma nu̱ gwar shakhti ɗye mbu̱ ge su̱yen ndu̱ chem Israileku nu̱ ku̱nshe Labar mbarkandi ɓu̱ Masiya Yesu. Yakhudeku ndu̱ nduki nu̱ke ɗya Yakhude ku ɓa wa kha wa me bar ɓu̱ man var da. Kom tu̱k ka gwa me ɓaanda mbu̱ alqawar nu̱ Magham shiki nu̱ ku̱nshe Masiya Yesu.

1 Timoti 6:19

Shir wanangang a shikya du̱ngdi ye va nda nu̱ke ka khaki ma dlu̱dlarsi khar viti ɓaanda nu̱ke a ɓari, ku̱me ka gwa nyifiri nu̱ke chin ke nyifi zhirekandi.

2 Timoti 1:10

tu̱ yang wut mu̱nkirang yerem ye dalangi nu̱ ku̱nshe ɓar ɓu̱ Nu̱ Ɗanar ɓaarem Masiya Yesu. Chin su̱yaki mu̱ti nu̱ gha ta ɓa nu̱ nyifiri nu̱ke nu̱ka shi mu̱t ɓa yerem ye yarangi nu̱ ku̱nshe Labar Mbarkandang.

2 Timoti 1:13

Khuɓ shogar zhirekandi no tu̱kki sha nang, tu̱ kha ma njiv shogar mbarkandi yoro, mbe maito ndu̱ ndolar nu̱ke ɗya ɓaarem mbe Masiya Yesu.

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

2 Timoti 2:1

Yang to yi ɓanga, kho ndu̱ du̱mbu̱r nu̱ ku̱nshe mu̱nkir nu̱ke a mbe Masiya Yesu.

2 Timoti 2:10

Yang nga gu̱n memu̱nara ndu̱ aa nu̱m ku̱me nduki datkandi, ku̱ gwa ɗanar ku nu̱ ku̱nshe Masiya Yesu, tu̱ gwa viri nu̱ mbu̱ zhaaji nu̱ke nu̱ka shi woɗa ɓa.

2 Timoti 2:3

Tun gu̱n memu̱na nu mbe bonye wa sojeku zhirekandi ɓu̱ Masiya Yesu.

2 Timoti 3:15

Kor nu̱ ɗyine ta shoga bu̱lar Ɓalar ɓu̱ Magham shakhshakhndi nu̱ shogaki njiv gwar ɗanar yoro nu̱ ku̱nshe maitar Masiya Yesu ji ɓa woi koɗomma.

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Titus 1:4

Ma yir she Titus, woi ɓanga zhirekandi mbe maito nu̱ke a kha rem kap. Mu̱nkir ndu̱ qaandi memu̱nar na viki she Magham Zhinki, ndu̱ Masiya Yesu Nu̱ Ɗanar rem ku̱ kha gha su̱yen ndu̱ to.

Yibraniyeku 9:15

Ku̱me nang Masiya khaki ma nu̱ chingndi nu̱ chele ɓu̱ mewar alqawar ɓu̱ Magham ndu̱ nduki, ma ku̱ nduki nu̱ qaki wor dlu̱ ɗye mbu̱ ge nu̱ke woɗa su̱ ɓa nu̱ Magham shiki alqawaran. Ɗyi nang kha wanang ku̱me mu̱ti wa shi nu̱ka lawaki nduki ɓar mbe solarku nu̱ shiki sarchi alqawar nu̱ gumapaalyang.

1 Yokhana 2:25

Nang ke alqawar nu̱ Woyang shiki yerem, chin ke nyifi nu̱ke nu̱ka shi woɗa ɓa.