2 Tasalonikeku 3:5 - Mewar Alqawarang

⁵ Bu ku̱ Zhinerem gwaanji mbu ndu̱ tun mbe ndolar ɓu̱ Magham nang, tun ching gha shaanggu̱ɗang mbe du̱mbu̱r ɓu̱ Masiya.

2 Tasalonikeku 3:5 ပူးပေါင်းရင်းမြစ်များ

Romeku 5:5

Yang sar memu̱nar nang ɓu̱ kha bam sar da ɓa, ku̱me Magham wa wuuta ndolar ɓaran yerem nu̱ mbu̱ memu̱narem nu̱ ku̱nshe Jiimbi shakhshakhndi nu̱ vu̱rki yerem.

Romeku 8:25

Yang mbu̱ chem wa sa memu̱narem nu̱ ɗyine ɗyi nu̱ke nyem gwa dong ɓa, ai, chem wa ka bu ndu̱ kaɗanyi.

Romeku 8:28

Chem wa zu̱n nu̱ ɗyine mbu̱ aa nu̱m kap Magham wa ka tlu̱na ɗyi mbarkandi ye nduki nu̱ke a ndola nda, nang ke nduki nu̱ qaki ma ku̱ shi shimndi ɓaran.

1 Korintiyeku 8:3

Yang njif nu̱ke a ndola Magham, Magham wa zu̱n nda.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

1 Tasalonikeku 1:3

Chem a kor tlu̱nar maito ɓaanu gume Maghamndi ɓaarem, ndu̱ Zhinkir ɓaarem, ndu̱ wute nu̱ke tun a san ku̱me ndola. Kom ndu̱ sar memu̱nar mbe kanaɗyi ku̱me sar memu̱nar nun shiki ɗyine Zhinerem gwaanji Yesu Masiya aakochi.

1 Tasalonikeku 3:11

Bu ku̱ Maghamndi ɓaarem ndu̱ Zhinerem nu̱ vaaran, ndu̱ Zhinerem gwaanji Yesu, daasa njiv ɓar ɓaarem she nu yerem.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

1 Biturus 4:1

Nu̱ke Masiya wa za bonye mbu̱ man va, da ma ɗyin saaran tu̱k. Ai, kap njif nu̱ zaki bonye mbu̱ man va, wa shakh ndu̱ tlu̱nar sola.

2 Bitu̱rus 3:12

Tun shi khar ɓaanu tun a kasha ɓar ɓu̱ fu̱ɗar ɓu̱ Magham. Tun shim ku̱ fu̱ɗar nang a ɓa ɗau, nang ke, fu̱ɗar nu̱ke maa viɗi ka ɓa vaki mbu̱ ɓai. Ɗyiku nu̱ shiki mu̱na viɗi ndu̱ maa vu̱ghai sang, ka yela ku tu̱ su̱ya mbu̱ ɓaiyang.

1 Yokhana 4:19

Chem a wut ndola ku̱me Magham nggaki su̱ wut ndola yerem.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 13:10

Njif nu̱ shimki nda ndu̱ tlu̱nar maava, ka ɗu̱kya ndu̱ chin ma tlu̱nar maava. Njif nu̱ shimki ku̱ tlagha nda nu̱ gha ndu̱ kaskari, ka tlagha nda ndu̱ kaskari. Ɗyinang a shimkya daati ɓu̱ Magham ku̱ kha nu̱ kanaɗyi ndu̱ gu̱ndi memu̱nar du̱mbu̱rkandi ndu̱ maito ɓu̱ nu̱ mburi Magham.