2 Tasalonikeku 3:1 - Mewar Alqawarang

¹ Ye lauɗar san, nyeezaku, shi ma barar yerem ma ku̱ ɓalar ɓu̱ Zhinerem gwaanji dlu̱ maari ɗau ɗau, tu̱ gwa zhaaji ba wa nu̱ gwaki chele ɓaanu.

2 Tasalonikeku 3:1 ပူးပေါင်းရင်းမြစ်များ

Matta 9:38

Ku̱me nang, khuɗ ma nu̱ damang ku̱ ɗa ru̱k nu̱ tlu̱narku ma ku̱mndang.”

Luka 10:2

Tu̱ yang ze wor za, “Tlu̱nar ku̱mndang khang ka, yang nu̱ tlu̱narkwang wa kata. Ku̱me nang, khuɗ ma nu̱ damang, ku̱ ɗa ru̱k nu̱ tlu̱nar ku ma ku̱mndang.

Tlu̱nar ɓu̱ Pudeku 12:24

Tu̱ ɓalar ɓu̱ Magham ki zu̱m guma tu̱ dlu̱ ɗyin maari.

Tlu̱nar ɓu̱ Pudeku 19:20

Nu̱ wanang tu̱ ɓalar ɓu̱ Zhinkir gwaanji shaata yir aa fu̱n tu̱ shi du̱mbu̱r maɗyi.

Tlu̱nar ɓu̱ Pudeku 6:7

Tu̱ ɓalar ɓu̱ Magham shaata yir aa fu̱n. Tu̱ nu̱ mbu Yesu ku shaata shir khang maɗyi mbu̱ ghai Urshalima. Kuruku khang tu̱ maita labar mbarkandang.

Romeku 15:30

Nyeezaku, ku̱me Zhinerem gwaanji Yesu Masiya ndu̱ ndolar nu̱ke Jiimba ka vu̱rki, nga khutonu tun shaata nga mbe wute nu̱ke nga shiran, tun shi barar ye Magham ku̱me nga.

1 Korintiyeku 16:9

Ku̱me njiv tlu̱nar mbarkandi wa qu̱n ya fan maɗyi, aa nu̱ke nu̱ zhangndiku a nje khang.

2 Korintiyeku 1:11

Wa nu̱ke tun a shaata rem ndu̱ barari. Nduki khang ka kuna Magham ku̱me chem, ndu̱ ku̱me barke nu̱ke chem ka gwaki nu̱ ku̱nshe tloghar su̱ barar ɓu̱ ndukiku khang.

2 Korintiyeku 13:11

Ye lauɗar san, nyeezaku, kope fu̱ɗa ngguri. Shi ma tun kha nyeedlan, tu̱k ma khuti ɓanga, kha ma ma tun da tun shi khar mu̱nkandi ndu̱ yen. Nang ka saki tu̱ Maghamndi nu̱ ndola kha gha su̱yen ndu̱ tunu.

Kolosiyeku 4:3

Shi ma barar yerem tu̱k, ma ku̱ Magham qu̱n njiv nu̱ke chem ka wopaki ɓalar ɓaran, chem wut ɗyi tukakandi ɓu̱ Magham nang ye nduki, chin ke, labar ɓu̱ Masiya. Ɗyi tukakandi nang saki nga nje khiiran zhaaru̱m.

1 Tasalonikeku 1:5

ku̱me Labar mbarkandi nyem a ɓa ki su̱ ye nu. Nu̱ ɗa ɓa ye nu mbe ɓala ɗyenda ɓa, aa ɓa ye nu ndu̱ zalala, ndu̱ Jiimbi shakhshakhndi ndu̱ zhire nyelkandi shwat. Tun wa zu̱n pooni khar nyem shiki chele ɓaanu ma ku̱ gwa nu boote ni.

1 Tasalonikeku 1:8

Ku̱me ɓalar ɓu̱ Zhinkir gwaanji wa ɗu̱ aa fu̱n ku̱me tunu, nu̱ ɗu̱ mbu̱ ghai Makidoniya ndu̱ Akaya ɗyenda ɓa, nduki kap wa zu̱n maito ɓaanu mbe Magham, aa nyem zu̱ aa nu̱m nu̱ ɗyinan ɓa.

1 Tasalonikeku 2:1

Ai, nyeezerem, tun ndu̱ ɗyinonu tun wa zu̱n nu̱ ɗyine ɓar ɓaarem she nu nu̱ kha bam ɓa.

1 Tasalonikeku 2:13

Chem a kuna Magham aakochi ku̱men, nu̱ke sarchi nun tu̱kki ɓalar ɓu̱ Magham she rem tun dli, nun dlu̱ wa ɗya ɓalar ɓu̱ nduk ɓa. Tun dlu̱ ba wa nu̱ke a si, ɗya ɓalar ɓu̱ Magham nu̱ke a tlu̱nar mbu̱ memu̱na nu, tun nun maitaki.

1 Tasalonikeku 4:1

Ye lauɗar san nyeezaku, chem wa shoga pooni khar viti nu̱ke Magham a shimndan ye nu, ba wa nu̱ke tun a khar ɓaanu. Leendang chem a qari su̱yen ndu̱ khuti ye nu mbe Zhinerem gwaanji Yesu tun shaata nu̱ si maɗyi.

1 Tasalonikeku 5:17

Tun ki barar laada su̱ ɓa.

1 Tasalonikeku 5:25

Nyeezaku, shi ma barar yerem.

2 Timoti 2:9

Nga za bonye nang ku̱me Labar mbarkandi nu̱ke nga woparanang, tu̱ gu̱ndi nga nu̱gha ndu̱ yakhli wa njif nu̱ shiki zop ngguri. Yang nduk a nje nu̱ke ka ɗu̱maki gu̱n ɓalar ɓu̱ Magham nu̱gha ɓa.