2 Tasalonikeku 2:8 - Mewar Alqawarang

⁸ Kom ka ɓa wut kuji tonggu̱rong nang ye dalangi, yang ye fu̱ɗar gaɓti ɓu̱ Zhinerem gwaanji Yesu, ba khu̱kheeti mbu̱ men, ka tu̱pa nda ɓar ɗyin zhakhɗye kwaaɗar ɓaran. Du̱mbu̱r yarang ɓar ɓaran ka su̱ya nda nu̱ gha.

2 Tasalonikeku 2:8 ပူးပေါင်းရင်းမြစ်များ

Matta 13:19

Mbu̱ nduk wa tu̱k ɓalar kwaaɗarang yang nu̱ da mban ɓa, Sheɗan ka ɗa ɓa tu̱ lawa ɗyi nu̱ kaɓki nu̱ mbu̱ memu̱naranang ɓara. Nang ke pooni nu̱ nggu̱ɗki nu̱ yiti njivang.

Matta 13:38

Damang ɗya larji, pooni mbarkandang ɗya qusa kwaaɗarang, gululang ɗya qusonggi ɓu̱ nu̱ mu̱narang.

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Matta 16:28

Zhire nga zu̱ran ye nu, ɓeena nduki a nje ku fan chingndan nu̱ke ɓu̱ mu̱ɗku ɓa, kope wa na ɓar ɓu̱ Yi ɓu̱ Nduk mbu̱ kwaaɗar ɓaran.”

1 Korintiyeku 1:28

Ɗyiku nu̱ mbu̱ larji nu̱ nduki ndu̱mki, tu̱ na wa zhaaji ɓaanda kata, tu̱ na boota su̱ ɓa yang ɗya aa nu̱m ɓa, nang ke ɗyiku nu̱ke Magham datki a boote si ma ku̱ gu̱ɗa ɗyi nu̱ naki wa boota sang.

2 Tasalonikeku 2:3

Ku̱ aaki lamba nu aa kikimndi ɓa, ku̱me fu̱ɗar nang ɓu̱ ɗa ɓa ɓa kope wa shi tonggu̱rong nang, kuji tonggu̱rong ka ɗa vi, nang ke njif nu̱ daasaki mu̱ti yenda.

1 Timoti 6:14

To khutlo woparku nang waare ɗye zop ndu̱ ɗye pu̱zi ma yir ye sarchi nu̱ Zhinerem gwaanji Yesu Masiya kaɗa gaɓki.

2 Timoti 1:10

tu̱ yang wut mu̱nkirang yerem ye dalangi nu̱ ku̱nshe ɓar ɓu̱ Nu̱ Ɗanar ɓaarem Masiya Yesu. Chin su̱yaki mu̱ti nu̱ gha ta ɓa nu̱ nyifiri nu̱ke nu̱ka shi mu̱t ɓa yerem ye yarangi nu̱ ku̱nshe Labar Mbarkandang.

2 Timoti 4:1

Nga ɓalar nang yor gume Magham ndu̱ Masiya Yesu, nu̱ke ka ɓa kumaki nu̱ nyifiri ku ndu̱ nduki nu̱ mu̱tki, nu̱ pitl gaɓti ɓaran ndu̱ kwaaɗar ɓaran.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 10:27

Me ɓu̱ nang kumar a nje nu̱ke ɗya ɗye sawa su̱yen ndu̱ gu̱rgu̱r ɓai nu̱ke ka ɓa vaki nu̱ zhangndiku ɓu̱ Magham.

1 Yokhana 2:13

Tun zhinkirku, nga bu̱laran ye nu ku̱me tun wa zu̱n chin nu̱ke a nje ji vu̱ nggarsan. Tun nyakhtlirku, nga bu̱laran ye nu ku̱me tun wa zu̱m loobo ɗyine Nu̱ mu̱nar nang. Tun qusongga, nga bu̱laran ye nu ku̱me tun wa zu̱n Zhinkirang.

1 Yokhana 3:12

Ku̱ kha nu wa Kayinu nu̱ gaɓki ma ɓu̱ Sheɗan tu̱ tlagha khachinang nu̱gha ɓa. Nu̱m saki tu̱ tlagha mu̱dlenang nu̱gha? Tlagha nda ku̱me tlu̱nar ɓaran maatlin, yang ɓu̱ khachinang mbari.

1 Yokhana 5:18

Chem wa zu̱n kap njif nu̱ke ɗya woi ɓu̱ Magham, nu̱ka zu̱m guma ndu̱ shir sola ɓa, ku̱me Yi ɓu̱ Magham a kangga nda, ma ku̱ Sheɗan su̱ɓa nda ɓa.

Ɗyin mbu̱ tukari 1:16

Wa khuɓ anjinjeku mut mbu̱ kharan nu̱ zu̱ma, kaskar nu̱ke men rap nyamnyamndi a viri mbu̱ men. Mbu̱ yitanang a wuti wa fu̱ɗar nu̱ chingki nu̱ tala.

Ɗyin mbu̱ tukari 13:5

Tu̱ vu̱r zalale ye dlu gaari nang tu̱ gwa men tu̱ ku̱s ɓalarku nu̱ gwaari ɗyin ndu̱ wuti ndu̱mndi ye Magham, tu̱ tlogha yenda ku̱ kha ndu̱ zalale kwaaɗar me chere ɗyin vat qu̱m rap.

Ɗyin mbu̱ tukari 19:15

Tu̱ kaskar nu̱ke menang nyamnyam maɗyi a vi mbu̱ men. Ka zu̱m loobo ɗyine dlar maa ku ndu̱ kaskar nang. Ka shi kwaaɗar ɗyine wor tu̱k ndu̱ zaaɓir vi nu̱ kwaaɗa, tu̱ khatl ye anap ku nu̱gha tu̱k ye maa ɗyooti ye anap nu̱ shokhnar maɗyikandi ɓu̱ Magham Nu̱ zalale aa nu̱m kap.

Ɗyin mbu̱ tukari 2:16

Nggoɗ ma leendang! Mbu̱ wanang ɓa, ngga ɗa ɓa ɗau tang dakhla wor ndu̱ kaskar nu̱ka viki mbu̱ myang.

Ɗyin mbu̱ tukari 20:10

Yang chin Nu̱ Mu̱nar nu̱ lambaki worang, tu̱ mbukti nda nu̱ mbu̱ giɗim ɓai gu̱rgu̱rndi nu̱ ɓai solfa, ye maa nu̱ mbukki dlu gaari nang nu̱ mban su̱yen ndu̱ annabi kotame nang. Ka za bonyeku fara virkir ndu̱ fu̱ɗari, aakochi koɗokhsi ɓa.