2 Tasalonikeku 2:2 - Mewar Alqawarang

² ku̱ memu̱na nu shikhla ba ndolndol wanang ɓa, yang ku̱ jiimbonu shi ji za fu̱ɗar ɓu̱ Zhinerem gwaanji wa woɗa ɓar ɓa. Bai tu̱ njif nggur ze nu za chem wa zu̱ wanang sarchi nu̱ke chem a waazu gom, bai mbe zu̱r ɗyi nu̱ Magham zu̱ki yerem gom, bai tu̱k za chem bu̱lakyang lagarkati ye wor gom.

2 Tasalonikeku 2:2 ပူးပေါင်းရင်းမြစ်များ

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Markus 13:7

Mbu̱ tun wa tu̱k labar dakhlar ku bing ndu̱ nu̱ ɓakh ndu̱ tunu, damta nu ɓa, ku̱me wa ku̱s ku̱ ɗyikunang shi, yang nang ke lauɗar san dong ɓa.

Luka 21:19

Mbu̱ tun wa gu̱n memu̱na nu nyifi ɓaanu ka ɗana.

Luka 21:9

Mbu̱ tun wa tu̱k labar dakhlar ku ndu̱ ɗye ku̱zharku, tu̱k nu sawa tun ngga jiimbonu nu gha ɓa, ku̱me, ɗyinang ka shi kap, yang lauɗar si qaandi virkirang na ɓa dong ɓa.”

Yokhana 14:1

“Damta nu ɓa. Maita ma Magham, tun maita nga tu̱k.

Yokhana 14:27

“Nga njig kharmu̱ndi ɓang ye nu. Nga vu̱rkya kharmu̱ndi ɓang ye nu. Nang vu̱r ye nu wa nu̱ke larji ka vu̱rki ɓa. Damta nu ɓa, yang tu̱k nu sawa zum ɓa.”

1 Korintiyeku 1:8

Ka sa tun kha ndu̱ du̱mbu̱r tu̱k ma yir ye lauɗar san, ma ku̱ kha nu waare zop ye fu̱ɗar nu̱ke Zhinerem gwaanji Yesu Masiya kaɗa gaɓki.

1 Korintiyeku 14:32

Ai, Jiimbi ɓu̱ annabiku a mbu̱ bu̱n annabiku.

1 Korintiyeku 7:26

Nga na wa ka duk mbaari ku̱ kha nu vaanu gha wa nu̱ke tun a si ku̱me chem wa nggaasi viri nu̱ mbu̱ bonye.

Afiseku 5:6

Ku̱ nduk lamba nu ndu̱ ɓalar bamndi ɓa. Ai, shokhnar ɓu̱ Magham ka ɓa nu̱ ɗyine nu̱ zhangndi tu̱kti maa ku ku̱me pooni solarku nang.

1 Tasalonikeku 3:3

ma ku̱ bonye nang sa njif nggur tu̱ kha damtaran ɓa. Ai, tun ndu̱ ɗyinonu tun wa zu̱n za nang ke ɗyi nu̱ saki tu̱ daasa remi ye wora.

1 Tasalonikeku 4:15

Chem a zu̱ran ye nu tu̱k ba wa nu̱ ɓalar ɓu̱ Zhinkir gwaanji zu̱ki. Chem nu̱ke ka ɓa gwaki rem ndu̱ nyifiri sarchi nu̱ke Zhinerem gwaanji ka ɗa gaɓki, chem ɓu̱ kaya nduki nu̱ mu̱tki jiiri ɓar mbe ɗyenirang sar da ɓa.

1 Tasalonikeku 5:2

Tun wa zu̱n nu ɗyine fu̱ɗar ɓu̱ Zhinkir gwaanji ka ɗa ɓa wa ɓar ɓu̱ nu̱ muuru chele virkiri.

2 Tasalonikeku 2:15

Ku̱me nang, nyeezaku, tun ching gha shaanggu̱ɗang, tun khuɓ me ghai nyem shogaki ye nu, aa mbu̱ ɓala aa mbu̱ lagarkat.

2 Tasalonikeku 3:17

Nga Bulus nga kya bu̱la qaandi nang ndu̱ khara. Nang ke saidu nu̱ke a mbu̱ aa nyi lagarkati nang bu̱laki, ngga bu̱la ba wanang.

Ɗyin mbu̱ tukari 19:20

Tu̱ yang ku̱s dlu gaarang su̱yen ndu̱ annabi kotame nu̱ shiki ɗye lazhamku me ɓaranang, tu̱ lamba nduki nu̱ke bakhti ɓu̱ dlu gaarang a nje ve worang. Ndu̱ nduki nu̱ gharki ghai ye shipar ɓaranang nu̱ ku̱nshe ɗye lazhamku nu̱ shikyang. Tu̱ ku̱s dlu gaari nang su̱yen ndu̱ annabi nu̱ wollo nang tu̱ mbuk mbu̱r ɓaanda nu̱ nyifi mbu̱ giɗim ɓai nu̱ solfa.