2 Tasalonikeku 2:10 - Mewar Alqawarang

¹⁰ Ka shi lambar maatlindi ye nduki nu̱ke a ve njiv su̱yari, ku̱me wa zhang ndola zhire gha ma ku̱ gwa ɗanar ku.

2 Tasalonikeku 2:10 ပူးပေါင်းရင်းမြစ်များ

Matta 13:11

Tu̱ Yesu tlogha ye wor za, “Wa vu̱r ye nu ku̱ zu̱n nu ɗyi tukakandi nu̱ke a mbu̱ kwaaɗar ɓu̱ Magham, yang ɓaanda nu̱ vu̱r na ye wor ɓa.

Yokhana 3:17

Ji Magham na ru̱k Yi ɓaran nu̱ mbu̱ larji ma ku̱ kuma larji ɓa, a ru̱k nda ma ku̱ larji ɗana nu̱ ku̱nshe nda.

Yokhana 5:34

Kap ndu̱ nang, nang dla vara nu̱ ve saidu ɓu̱ nduk ɓa. Nga zu̱ wanang ma gwa nu ɗanari.

Romeku 10:1

Nyeezaku, ɗyi nang shimki guma ndu̱ aa nu̱m kap chin ke ku̱ Israila gwa ɗanari. Nang ke barar ɓang ye Magham nu̱ke nga shiran ku̱me wora.

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

Romeku 6:17

Yang Magham ɗye kuna, ku̱me aa nu̱ke ɗau fara tun maavi ɓu̱ sola, leendang tun a mbu shogar nyem shiki ye nu ndu̱ memu̱na nu da.

1 Korintiyeku 1:18

Labar mu̱ti ɓu̱ Yesu ɗyin qu̱far kaatlang ɗya ɓalar bamndi she nduki nu̱ saghaki, yang she rem, chem nyem ɗanaki, labar mu̱ti ɓu̱ Yesu ɗyin qu̱far kaatli ɗya zalale ɓu̱ Magham.

1 Korintiyeku 16:22

Kap njif nu̱ke a shim Zhinerem gwaanji ɓa ku̱ Magham mi barke ɓaran. A ɓo, Zhinerem gwaanji.

2 Korintiyeku 11:13

Pooni nduki nang ɗya pude zhirekandi ku ɓa, ɗya nu̱ tlu̱nar wollo ku. Tu̱ ka mbu̱m vaanda wa wor pudeku ɓu̱ Masiya.

2 Korintiyeku 11:15

Ku̱me nang ɓu̱ kha ma ɗye lazham mbu̱ maaviku ɓaran wa mbu̱m vaanda tu̱ kha wa nu̱ tlu̱nar dambi ku ɓa. Ka gwa ɗye ɓi nu̱ khaki torop ndu̱ tlu̱nar ɓaanda ve lauɗar san.

2 Korintiyeku 2:15

Jiwa chem a khar wa ɗye zhi mu̱nkandi nu̱ Masiya zoɓaki ye Magham, tu̱ zhiranang dlu̱ maari tu̱ ɗu̱ chele nduki nu̱ke a ɗana wor ndu̱ nduki nu̱ke a ɗyin njiv yir ma mu̱ti.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

1 Tasalonikeku 2:16

A nggu̱tlerem ku za ku̱ shi mi waazu ye nduki nu̱ke ɗya Yakhudeku ɓa ma ku̱ gwa ɗanar ku ɓa. Ɗyi nu̱ke a shiran kwang a sa solar ɓaanda ku̱ kha nyeedlan aakochi. Yang shokhnar ɓu̱ Magham a ɓa ɗyine wora ye lauɗarsan.

2 Tasalonikeku 2:12

tu̱ kuma nduki nu̱ zhangki maita zhire gha, tu̱ ka tu̱k mu̱ndi ɓu̱ mu̱na tu̱k.

2 Tasalonikeku 2:13

Yang wa ku̱s ku̱ kuna mi Magham aakochi ku̱me tunu, nyeezaku nu̱ke Magham a ndolaran. Ku̱me vu̱ nggarsan Magham wa daato nu tun gwa ɗanar nu̱ ku̱nshe zalale ɓu̱ Jiimbi nu̱ shiɓki nun gha kom ndu̱ nu̱ ku̱nshe maitar zhire.

1 Timoti 2:4

chin nu̱ke a shim ku̱ aaki gwa ɗanari, tu̱ zu̱n zhire tu̱k.

Yibraniyeku 3:13

Tun ki pa du̱mbu̱r ye yen aa nyi fu̱ɗa. Shi ma boote ndu̱ aa nyi sarchi nu̱ka qaki za “Meeni”, ma ku̱ aa da chele ɓaanu kha ndu̱ kaaku̱ɗakh memu̱na nu̱ ku̱nshe lambar ɓu̱ sola ɓa.

2 Bitu̱rus 2:12

Yang nduki nang, a ɓalar ndu̱mndi ku ve Magham ɗyine ɗyiku nu̱ke nu̱ zu̱n ku ɓa. A nje ku wa dlu gaariku nu̱ke khangkal ve wor ɓa, a mbukya ɗyi nu̱ke man var wor a shimndan ɗyenda. Kha wor ma ku̱ ku̱s wor tu̱ tlagha nu̱ gha. Ai, ka mu̱t ku ba wa no za ɗya dlu̱ gaari ku.

2 Bitu̱rus 2:18

Nduki nang wa ka shi ɓalar bamndiku nu̱ gwaari ɗyin a boote nu̱ shimndi ɓu̱ man va, tu̱ ka dut nduki nu̱ke nu̱ shoɓ ndu̱ lawar chele nduki galkandi nang ɓa.