2 Tasalonikeku 2:1 - Mewar Alqawarang

¹ Nyeezaku, viɗ ɗyine ɓalar gaɓti ɓu̱ Zhinerem gwaanji Yesu Masiya, ndu̱ taba rem nu̱ke a ma shiran nu̱ she nda. Chem a khutonu,

2 Tasalonikeku 2:1 ပူးပေါင်းရင်းမြစ်များ

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Matta 16:28

Zhire nga zu̱ran ye nu, ɓeena nduki a nje ku fan chingndan nu̱ke ɓu̱ mu̱ɗku ɓa, kope wa na ɓar ɓu̱ Yi ɓu̱ Nduk mbu̱ kwaaɗar ɓaran.”

Matta 24:31

Kaɗa ru̱k nu̱ ru̱ktiku ɓaran tu̱ pi domndi nu̱ qur maɗyi, tu̱ taba nduki nu̱ datki ɗokhatla ndu̱ mugu, kona ndu̱ zan ndu̱ aa fu̱n mbu̱ larji.

Matta 25:32

Ka taba nduki nu̱ larji kap nu̱ gume nda, ka shakh wor nu̱gha zum zum, ba wa nu̱ke nu̱ khutlo ka shakki chele ɓu̱ guno wutiku ndu̱ guno ndu̱ɓangku.

Markus 13:27

Yang ka ru̱k nu̱ ru̱ktiku ɓaran ta kanggu̱la daatiku ɓaran nu̱ ye maa da. Ji ɗyin daatiku nu̱ke a ɗokhatla, ma yir mugu, kom ndu̱ nu̱ke a kona maa yir zan. Ji ɗyin tleebi larji nang ma yir tleebi larji nang ndang.

Romeku 12:1

Ku̱me nang, nyeezaku, nga khutonu, mbe khang nar zhiyaye ɓu̱ Magham tun vu̱r ɗyinonu wa sadke nu̱ nyifiri, shakhshakhndi, pooni sadke nu̱ke Magham a shimndan. Nang ke njiv tlu̱nar mbarkandi ye Magham.

Afiseku 1:10

Ku̱rti ɓaran chin ke, mbu̱ sarchi wa nyedli, chin ka taba aa nu̱m ɗyi nu̱ke a viɗi kap ndu̱ ɗyiku nu̱ vu̱ghai tu̱ khan mbu̱ bu̱n zalale ɓu̱ Masiya.

1 Tasalonikeku 2:19

Jiwa nu̱m ke ɗye sar memu̱na rem, ndu̱ kashar ɓaarem, ndu̱ ɗye zhar nu̱ zhaaji ɓaarem gume Zhinerem gwaanji Yesu fu̱ɗa ɓar ɓaran, mbu̱ tun ɓa?

1 Tasalonikeku 3:13

Bu ku̱ Magham vu̱r shokhku̱rokh memu̱nar ye nu tun kha waare zop, shakhshakh gume nda nu̱ke chin ke Zhinerem, ye fu̱ɗar nu̱ke Zhinerem gwaanji Yesu ka ɗa gaɓki su̱yen ndu̱ nduki ɓaran shakhshakhndi ku.

1 Tasalonikeku 4:1

Ye lauɗar san nyeezaku, chem wa shoga pooni khar viti nu̱ke Magham a shimndan ye nu, ba wa nu̱ke tun a khar ɓaanu. Leendang chem a qari su̱yen ndu̱ khuti ye nu mbe Zhinerem gwaanji Yesu tun shaata nu̱ si maɗyi.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

2 Timoti 4:1

Nga ɓalar nang yor gume Magham ndu̱ Masiya Yesu, nu̱ke ka ɓa kumaki nu̱ nyifiri ku ndu̱ nduki nu̱ mu̱tki, nu̱ pitl gaɓti ɓaran ndu̱ kwaaɗar ɓaran.