2 Tasalonikeku 1:9 - Mewar Alqawarang

⁹ Ka za bonyeku tu̱ su̱ya wor nu̱gha guma da, ka shakh wor ndu̱ Magham ndu̱ zhaaji zalale ɓaran.

2 Tasalonikeku 1:9 ပူးပေါင်းရင်းမြစ်များ

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Matta 22:13

“Tu̱ kujirang ze nu̱ tlu̱narku ɓaran za, ‘Gu̱n ma khaaran ndu̱ saaran nu̱gha, tun mbukti nda nu̱ mbu̱ zhum malkandi, ye maa nu̱ke kaɗa shiki ghoori ndu̱ ku̱ti dliindi.’

Matta 24:30

“Kom shipar ɓu̱ Yi ɓu̱ Nduk kaɗa vi viɗi. Nduki nu̱ larji kap ka shi ghoori ku̱me sawa. Ka na Yi ɓu̱ Nduk a ɓar mbu̱ ku̱zapti ndu̱ zalale ndu̱ zhaaji maɗyikandi.

Matta 25:41

“Kom ka ze nduki nu̱ ɗyin bu̱n gu̱ɗawang za, ‘Ɗu̱ma ya ɓar fan, tun nu̱ miiki barke ɓaanu, vima nu̱ mbu̱ ɓai nu̱ke nu̱ka shi piita ɓa yang tu̱b su̱ ɓa, nu̱ daasaki ye sheɗan ndu̱ nu̱ ru̱ktiku ɓaran.

Matta 25:46

“Nduki nang ka vi nu̱ mbu̱ bonye nu̱ke ɓu̱ shi woɗa ɓa, yang nu̱ dambi ku ka vi nu̱ mbu̱ nyifi nu̱ke ɓu̱ shi woɗa ɓa.”

Matta 26:24

Yi ɓu̱ Nduk ka mu̱ɗ ba wa nu̱ bu̱laki ɗyine nda. Yang njif nu̱ke a ma vu̱r Yi ɓu̱ Nduk ɓarang ɗya ɗye zhiyaye! Ka duk yenda tu̱ga nu̱ kha nda ɓa.”

Matta 7:23

Kom yang ngga ze wor nga za, ‘Sar da nang zu̱ndo nu ɓa, ɗu̱ ma ya ɓar fan, tun nu̱ tlu̱nar malkandi.’

Luka 13:27

“Yang ka ɓa ze nu za, ‘Nang zu̱ndo nu ɓa, yang nang zu̱n maa nu na viki su̱ ɓa, gal ma gha ya fan nduki malkandi nu̱ tlu̱nar zopku!’

Yokhana 5:14

Qu̱rsan tu̱ Yesu a gwa nda mbu̱ Rafti ɓu̱ Maghamang tu̱ ze nda za, “Nggu̱tka, ta shaana! Shi na sola tu̱k ɓa, ma ku̱ ɗyi nu̱ dukki nang gwa ɓa.”

Filipiyeku 3:19

Yang ka su̱ya ku ye lauɗar san. Mbu wor ke maghamndi ɓaanda. A worol ku ndu̱ ɗye kawar nu̱ shiki ku. Ɗyin larji ke damtar ɓaanda.

1 Tasalonikeku 5:3

Ye sarchi nu̱ke nduki a zu̱ran za, “Chem a khar mu̱nkandi memu̱narem qaandan.” Tu̱ mu̱ti ɓu̱tl nu̱ ve wora, ba wa nu̱ke khaati khar woi ka ku̱ski nu̱ ghu̱rɓandi nu̱ke a ma kha woi, yang ɓu̱ lawa ku mbe bonyang ɓa.

2 Tasalonikeku 2:8

Kom ka ɓa wut kuji tonggu̱rong nang ye dalangi, yang ye fu̱ɗar gaɓti ɓu̱ Zhinerem gwaanji Yesu, ba khu̱kheeti mbu̱ men, ka tu̱pa nda ɓar ɗyin zhakhɗye kwaaɗar ɓaran. Du̱mbu̱r yarang ɓar ɓaran ka su̱ya nda nu̱ gha.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 10:29

Yang njif nu̱ ndu̱mki Yi ɓu̱ Magham ɗa, wa gaɓ ndu̱ tom alqawar nu̱ wakaki nda nu̱ gha nang tu̱ kha bam, tu̱ pu̱z Jiimbi shakhshakhndi nu̱ mu̱nki! Tun a taman za ka shikya nyi pooni kumar gu̱rgu̱rndi nu̱ shipaki njif nang na?

2 Bitu̱rus 2:17

Nu̱ lambar ku nang a shipa giɗim nu̱ ɗyiman njiiki. A khar ku wa tu̱tanggal nu̱ khu̱kheeti ka kooki ɓara. Magham wa daasa maa khar ye wor mbu̱ zhum maari chit su̱ɗu̱kndi.

2 Bitu̱rus 3:7

Nu̱ ku̱nshe ɓalar ɓu̱ Magham tu̱k, maa viɗi ndu̱ maa vu̱ghai nu̱ke chem a naran leendangang, a bu ku su̱ya wor ɓar ndu̱ ɓai. Magham njig nang ma ɓar ye sarchi nu̱ke a ma kuma nu̱ song sawar nda, tu̱ su̱ya wor nu̱gha.

Yakhuda 1:13

A khar wa zo ɗyim nu̱ka gu̱rki nu̱ viɗi a me yirti mbu̱ gaawu gwaanji, a pakh ɗyin wor ku mbu̱ ɗye kawar ɓaanda wa khubulbutli ɗyim. A khar wa anjinjeku nu̱ke a baara maaku bam bam, zhum maɗyikandi nu̱ke koɗokhsi ɓa a nje du̱ngdan ku̱me wora.

Ɗyin mbu̱ tukari 20:11

Kom tang na zhakhɗye nggur gwaanji ɓong, ndu̱ njif nggur kharan ɗyinan. Tu̱ maa vu̱ghai ndu̱ maa viɗi ɗa ɓar gume nda, ku̱me maa nje ku̱me wor ɓa.

Ɗyin mbu̱ tukari 20:14

Kom tu̱ mbuk Mu̱ɗi ndu̱ ye maa khar ɓu̱ mu̱tiku nu̱ mbu̱ giɗim ɓai. Giɗim ɓai nang ke, mu̱ti nu̱ rap.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”

Ɗyin mbu̱ tukari 22:15

Yang nduki nu̱ke a dam ɗya nduki nu̱ke zopan, ndu̱ nu̱ ɓu̱tli ghai ku, ndu̱ nu̱ zawar ku, ndu̱ nu̱ tlaghar mu̱ti ku, ndu̱ nu̱ ghaari ghai ye mu̱lu̱m ku, ndu̱ nu̱ shimndi wollo ndu̱ shir wollo.