2 Korintiyeku 9:8 - Mewar Alqawarang

⁸ Magham ka ɗu̱ma vu̱r barke ye nu dukti ɗyi nu̱ke tun a gangndan, ma ku̱ gwa nu ɗyi nu̱ke tun a gangndan aakochi, tun gwa tu̱ duk wanang tu̱k, ma ku̱ shi nu mbarkir ye nduki.

2 Korintiyeku 9:8 ပူးပေါင်းရင်းမြစ်များ

Tlu̱nar ɓu̱ Pudeku 9:36

Yang nu̱ mbu Yesu nggur a nje mbu̱ ghai Joppa dlu̱man za Tabita nang ke Dorka. Nokhzi nang wa shi mbarkir ye nduki tu̱ shaata nu̱ nungndi ku khang.

1 Korintiyeku 15:58

Ku̱me nang, nyeezaku nu̱ke nga ndolaran, ching ma gha shaanggu̱ɗang, song nu ɓar ɓa, tun a vu̱r vaanu ye tlu̱nar ɓu̱ Zhinerem gwaanji. Ku̱me tun wa zu̱n nu̱ ɗyine bonye nu̱ke tun a shiran ku̱me Zhinerem gwaanji ɓu̱ kha bam ɓa.

2 Korintiyeku 13:3

Yang ma nu̱ke tun a shim zu̱n nu nu̱ ɗyine Masiya a ɓalar nu̱ ku̱nsha, tun ka na nu̱ ve nang, Masiya nu̱ kha tu̱ɓtan mbe nu ɓa, me ɓu̱ nang, wa wut zalale ɓaran mbe nu.

2 Korintiyeku 8:19

Yang tu̱k, tabar ɓu̱ nu̱ mbu Yesu ku datki nda ku̱ ki yir su̱yen ndu̱ chem mbu̱ tlu̱nar mu̱nkir nu̱ke chem a shiran ma vu̱r zhaaji ye Zhinkir gwaanjang. Shir wanangang ka wut chem wa sa ye memu̱na rem ku̱ shaata mi nu.

2 Korintiyeku 8:2

Aa nu̱ke wa za bonyeku maɗyi ku̱me damtarku ndu̱ bonye nu̱ gwaki vaanda mban. Yang kap ndu̱ nang, tu̱ ɓong memu̱nar maɗyikandi sa wor tu̱ shi mu̱nkir ye nduki nu̱ ku̱nshe vu̱rti nu̱ shiki ku, aa nu̱ke nungndan ku.

2 Korintiyeku 8:7

Tun kya guma mbe aa nu̱m, mbe maitar Masiya, mbe ɓala, mbe zu̱ndi zhire, mbe shimndi tlu̱nar ɓu̱ Magham, ndu̱ ndolar nun ka wutki yerem. Ku̱me nang chem a shim ku̱ zu̱m nu guma mbe pooni vu̱rti nu̱ memu̱na nu ka daki ye nu nang.

2 Korintiyeku 9:11

Ka shi barke ye nu aakochi mbu̱ aa nyi tunu, ma ku̱ vu̱r nu mbu̱ mu̱ndi memu̱na aa nyi sarchi. Nduki khang ka kuna Magham ku̱me vu̱rtiku nu̱ke tun a ma ru̱ktan ye wor nu̱ mbu̱ khaarem.

Afiseku 2:10

Ai, chem ndu̱ ɗyinerem chem tlu̱nar ɓu̱ Magham, du̱ngnderem mbe Masiya Yesu, ma ku̱ shi mi tlu̱narku mbarkandi nu̱ Magham woɗaki daasaran yerem ma ku̱ shi mi gumapaali.

Afiseku 3:20

Leendang ku̱ zhaaji kha Magham nu̱ke ka ɗu̱ma shi ɗyi nu̱ke chem ɓu̱ ɗu̱ma shigaran ɓa, ka ɗu̱ma shi dukti ɗyi nyem khuɗki ndu̱ nyem korki, ba wa nu̱ke zalale ɓaran a tlu̱nar mberem.

Filipiyeku 4:11

Nang zu̱ wanang ku̱me nga mbu̱ song ɓa. Ai, nga shoga khar mbe aa nyi damta mbu̱ aa nyi tun nang gwaki ɗyina mban.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

2 Tasalonikeku 2:17

Bu ku̱ vu̱r qaandi memu̱nar ye nu, tu̱ pa du̱mbu̱r ye nu mbe aa nyi tlu̱na ndu̱ ɓalar mbarkandi.

2 Timoti 2:21

Kap njif nu̱ shakki ɗyinan ndu̱ ɗyiku nu̱ke zhaaji su̱ ɓandi nang, ka kha ma ɗyi nu̱ khaki shakhshakh ma tlu̱nar nu̱ke zhaaji su̱ ye nu̱ raftang, a nje daasaran ma aa nyi tlu̱nar mbarkandi.

2 Timoti 3:17

Ma ku̱ njif ɓu̱ Magham kha nyeedlan, daasaran ma aa nyi pooni tlu̱nar mbarkandi.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Titus 3:14

Wa ku̱s ku̱ nduki ɓaarem vu̱r ɗyin wor tu̱ shoga tlu̱nar ɗyi mbarkandi, ma ku̱ shi shaatar ku mbu̱ gangndi tun wa ji. Ku̱ shi khar bamnda ku ɓa.

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.

1 Biturus 4:10

Ku̱ aaki shi boote ndu̱ vu̱rti nu̱ Magham shiki yenda ma shaata yen, ma ku̱ kha nu ma nu̱ du̱ngndi ɗyiku zum zum nu̱ Magham vu̱rki du̱ngdan ye nu mbe mu̱nkir ɓaran.