2 Korintiyeku 8:9 - Mewar Alqawarang

⁹ Tun wa zu̱n mu̱nkir ɓu̱ Zhinerem gwaanji Yesu Masiya. Aa nu̱ke gu̱naran, tu̱ gaɓ ndu̱ ɗyinan ma nu̱ nugun ku̱me tunu. Ma ku̱ kha nu gu̱naran gume Magham nu̱ ku̱nshe nungndi ɓaran.

2 Korintiyeku 8:9 ပူးပေါင်းရင်းမြစ်များ

Matta 17:27

Kap ndu̱ wanang, ma ku̱ nduki nang shi shokhna ndu̱ chem ɓa, ɗu̱ me ɗyim chitndi to mbuk nggilingndi. To qu̱n mbu̱ me yurvi no nggaki su̱ ku̱san. To ka gwa mu̱zhindi ye vi, to vu̱r ye wora. Nang ke mu̱zhindi zhaanggal ɓanga ndu̱ ɓaaro.”

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Matta 8:20

Tu̱ Yesu ze nda za, “Gwa kha birimbirimku, aa ɗyikhtiku nu̱ viɗi pugdi a nje kha wora, yang Yi ɓu̱ nduk maa qan khanda ɓa.”

Markus 6:3

Nang ke ba kafinte nang de, woi ɓu̱ Maryam khachin Yaqub ndu̱ Yusufu ndu̱ Yakhuda ndu̱ Siman, wonji khachinkirku ɓaran nusukandiku su̱yen ndu̱ chin de? Tu̱ kha ma ɗye shokhna ye wora.

Luka 16:11

Mbu̱ nun shi zhire mbe gu̱nar larji ɓa, ki ka vu̱rki gu̱nar zhirekandi ye nwa?

Luka 2:7

Tu̱ kha ye khuski gomir ɓaran, tu̱ ɗyikhla nda nu̱ mbu̱ kapari, yang ku̱me song maa kha, tu̱ sa nda nu̱ mbu̱ ɗye zu̱r ɗye zu̱mndi ye ɗye nggarku.

Luka 8:3

Kom ndu̱ Yuwanna nokhzi Kuuza, nu̱ tlu̱nar mbu̱ rafti ɓu̱ Kuji Khiridus, su̱yen ndu̱ Susana ndu̱ ɓeena nusuki khang, wa vu̱r ɗyin me khar wor ma shaata Yesu nu̱ Pudekwang.

Luka 9:58

Tu̱ yang, Yesu tlogha za, “Aa birimbirimku ndu̱ geeku ɓaanda, ɗyikhtiku nu̱ viɗi ndu̱ pugdiku ɓaanda, yang rafa kha Yi ɓu̱ nduk ɓa, aa maa qaandi bamndi nu̱ke ka saki ɗyinan ye maaran a nje ɓa.”

Yokhana 1:10

Tu̱ kha mbu̱ larji, aa nu̱ke shi larjyang nu̱ ku̱nshe nda, yang kap ndu̱ nang, larji nu̱ zu̱n nda ɓa.

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:17

Magham vu̱r woparang nu̱ mbu̱ khar Musa, yang mu̱nkir ndu̱ zhire a ɓa mbu̱ khar Yesu Masiya daati ɓu̱ Magham.

Yokhana 12:30

Tu̱ Yesu ze wor za, “Su̱qur nang a ɓa ku̱me nga ɓa, a ɓa ku̱me tunu.

Yokhana 16:15

Ɗyi nu̱ke a kha Zhinkirang kap ɗya ɓanga. Nang ke ɗyi nu̱ saki tang zu̱ nga za Jiimbyang ka da ɗyi nang zu̱ki tu̱ zu̱ ye nu.

Yokhana 17:19

Nga kha wakaran ku̱me wora, nga shim ku̱ gwa wakar zhirekandi ku.”

Romeku 11:12

Yang mbu̱ solar nu̱ shiki kwang a ɓa ndu̱ barke maɗyikandi ye larji, tu̱ tu̱ɓti ɓaanda a ɓa ndu̱ barke ye nduki nu̱ke ɗya Yakhudeku ɓa. Mbu̱ wa gaɓ nu̱ she Magham ku guma da, khang ɓu̱ barke ni ka kha kikimndana!

Romeku 15:3

Jiwa aa Masiya nu̱ ɗyinan nu̱ shi khar ɓaran ma mu̱n mban ɓa. Ba wa nu̱ke a nje bu̱laran za, “Pu̱ziku ɓu̱ nu̱ pu̱zor ku aa ɓa nu̱ ɗyina.”

Romeku 5:8

Yang Magham wa wut ndolar ɓaran maɗyikandi yerem, ma nu̱ke ye sarchi nu̱ke chem a mbu̱ solar ɓaarem, Masiya mu̱tki ku̱me chem.

Romeku 8:32

Magham nu̱ nggu̱tlerem ndu̱ Yi ɓaran ɓa, tu̱ yang vu̱rti nda ku̱me chem kap. Yang Magham nu̱ vu̱rki Yi ɓaranang, ɓu̱ vu̱r aa nu̱m yerem kharan nggaran ɓa goma?

1 Korintiyeku 1:4

Nga kuna Magham aakochi ku̱me mu̱nkir nu̱ vu̱rki ye nu nu̱ ku̱nshe Masiya Yesu.

1 Korintiyeku 15:47

Njif nu̱ gumapaalyang shir nda ndu̱ kalau ghai, a ɓa vu̱ghai. Nu̱ rapndang yang a ɓa viɗi.

2 Korintiyeku 13:14

Bu ku̱ mu̱nkir ɓu̱ Zhinerem gwaanji Yesu Masiya, ndu̱ ndolar ɓu̱ Magham, ndu̱ khar mu̱nkandi ɓu̱ Jiimbi shakhshakhndi, kha gha su̱yen ndu̱ tun kap.

2 Korintiyeku 6:10

chem a su̱yen ndu̱ chiti mbu yang ba chem a kashari. Aa nu̱ke chem nungndan, yang chem sa nduki khang tu̱ shi gu̱na. Wa tun kha rem ɓa, yang aa nu̱m kap ɗya ɓaarem.

Afiseku 2:7

Yang Magham shi nang ma ku̱ wut mu̱nkir ɓaran nu̱ke koɗokhsi ɓa ye aa nyi sarchi nu̱ke a ɓari. Wut mu̱nkir ɓaran nang, mbe Masiya Yesu.

Afiseku 3:19

Nga barar tu̱k ku̱ zu̱n nu ndolar ɓu̱ Masiya nu̱ dukki du̱mbu̱r ku̱ nduk zu̱ni, ma ku̱ nyedli nu ndu̱ kap pooni nyedli ɓu̱ Magham.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

1 Timoti 6:18

Ze wor ku̱ shi me mbarkirku, tu̱ kha gu̱naran tu̱k mbe tlu̱nar mbarkandi, ku̱ ki vu̱rtan ye nduki khar wor nggaran, nu̱ shimndi shakhti ɗyi ɓa nda ndu̱ nduki.

Yibraniyeku 1:2

Yang ye lauɗarsi qaandi virkirku nang shi ɓalarang nu̱ ku̱nshe Yi ɓaran. Magham du̱ng aa nu̱m ndu̱ aa nu̱m nu̱ ku̱nshe Yi ɓaranang. Datkya chin tu̱k ma ku̱ aa nu̱m kha ma ɓaran.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

Ɗyin mbu̱ tukari 2:9

Nga zu̱n bonyeku nu̱ke ta mban ndu̱ nungndi ɓaaro, yang to gu̱naran (mbu̱ Jiimba). Nga zu̱n pooni su̱bu̱rti dlu̱m nu̱ke nduki nu̱ka qaki vaanda za wor Yakhudeku yang wanang ɓa, ɗya kib ghaari ghai ɓu̱ Sheɗan ku.

Ɗyin mbu̱ tukari 21:7

Njif nu̱ raki wute nang kap ka gwa ɗye mbu̱ ge khara, tang kha ma Maghamndi ɓaran, tu̱ kha ma yi ɓang tu̱k.

Ɗyin mbu̱ tukari 3:18

Nga vu̱r sawari yoro, ku̱ masa na ginarwe sha, ginarwe nu̱ shiɓki nu̱ gha ndu̱ ɓai, ma ku̱ gwa na gu̱nari, ndu̱ luktiku ɓongndi to san ve vaaro ma ku̱ za na kawar ɓu̱ so nu̱ke a nje nggaran nang. Moso kuzhi khaati yiti sha to san ve yitoro, ma ku̱ yitor na maari.