2 Korintiyeku 8:7 - Mewar Alqawarang

⁷ Tun kya guma mbe aa nu̱m, mbe maitar Masiya, mbe ɓala, mbe zu̱ndi zhire, mbe shimndi tlu̱nar ɓu̱ Magham, ndu̱ ndolar nun ka wutki yerem. Ku̱me nang chem a shim ku̱ zu̱m nu guma mbe pooni vu̱rti nu̱ memu̱na nu ka daki ye nu nang.

2 Korintiyeku 8:7 ပူးပေါင်းရင်းမြစ်များ

Matta 25:22

“Tu̱ njif nu̱ dlu̱ki kulup mu̱zhindi rapndang a ɓa tu̱ zu̱ za, ‘Nu̱ rafa,’ ta vu̱r kulup rap ya, ‘Wonji nga gwa kulup rap nu̱ ɗyinan.’

Romeku 15:14

Nyeezaku, nga ndu̱ ɗyina nga saida nu̱ ɗyine tun nu̱ mbarkir maɗyikandi, wonji tun nyeedlan ndu̱ zu̱ndi maɗyikandi tu̱k, tun wa khu̱l ma ku̱ shoga nu ye yen.

1 Korintiyeku 1:5

Jiwa tun gu̱naran mbe nda nu̱ ku̱nshe ɓalar ɓaanu ndu̱ zu̱ndi nun shiki kap,

1 Korintiyeku 12:13

Ku̱me shi baptismyang yerem kap mbu̱ Jiimbi da ndu̱ man var da, aa to Yakhude nduku, aa to Khelene, aa to maava, aa to ye ghai, kap ɓaarem chem za mbu̱ Jiimbi dandi nang.

1 Korintiyeku 12:8

Njif nggur wa gwa vu̱rti nu̱ke ɓalar ɓaran aakochi nyeedlan ndu̱ kaɗari, nu̱ ku̱nshe Jiimbi shakhshakhndi, tu̱ njif nggur gwa ɓalar nu̱ke nyeedlan ndu̱ zu̱ndi nu̱ ku̱nshe chin Jiimbi dandi nang.

1 Korintiyeku 13:2

Aa nga ka zu̱ ɓalar ɓu̱ Magham, tang zu̱n ɗyi tukakandi kap, tang shi zu̱ndi ɗyine tun kap, aa maito ɓang maɗyi wa nu̱m gom, nu̱ke ngga ɗu̱ma ɓu̱t dlengku, yang za nga nu̱ ndola ɓa, nga aa nu̱m ɓa.

1 Korintiyeku 13:8

Ndola nu̱ ka shi woɗa ɓa. (Ma nu̱ke zu̱r ɓalar ɓu̱ Magham ye nduki a si ka tu̱ɓi,) ma nu̱ke me ghiindiku a si ka woɗa, ma nu̱ke zu̱ndi a si ka peeta.

1 Korintiyeku 14:12

Wanang tu̱k ye nu. Nu̱ke tun a kasha gwar vu̱rtiku ɓu̱ Jiimba, tun vu̱r du̱mbu̱r ɓaanu ye boote ndu̱ vu̱rtiku nu̱ke ka du̱nki tabar ɓu̱ nu̱ mbu Yesu.

1 Korintiyeku 4:7

Ki zu̱ki yor za ta duk mu̱dlwang na? Nu̱m kya kha nu̱ke Magham vu̱rki yoro vu̱r vu̱r ɓa? Yang mbu̱ wanang nu̱m saki ta me wakhti wa no za to gwa bam ɓa?

2 Korintiyeku 7:7

Ɓar ɓaran ɗyenda saki ɓa, labar par du̱mbu̱r nun shiki yendang saki chem kasha. Wa ze rem za tun wa shim na nga maɗyi, kom ndu̱ chiti mbi nun shiki ku̱me ɗyi nu̱ ɗatlki, ndu̱ jiiri sa nun shiki. Nang ke ɗyi nu̱ saki tang tu̱k mu̱ndan maɗyi.

2 Korintiyeku 8:6

Nar nang saki chem khuɗ Titus nyem za ku̱ zu̱m guma ndu̱ tlu̱nar tabar vu̱rti nu̱ke memu̱na nduki daki ye wor nang she nu tu̱k, ma nu̱ke chin nggaki san.

2 Korintiyeku 9:14

Nduki nang ka shi barar ye nu, a kwaaronu mbu̱ memu̱na wor ku̱me mu̱nkir nu̱ peetaki tamandi ɓu̱ nduku, nu̱ Magham vu̱rki du̱mbu̱r shiran ye nu.

2 Korintiyeku 9:8

Magham ka ɗu̱ma vu̱r barke ye nu dukti ɗyi nu̱ke tun a gangndan, ma ku̱ gwa nu ɗyi nu̱ke tun a gangndan aakochi, tun gwa tu̱ duk wanang tu̱k, ma ku̱ shi nu mbarkir ye nduki.

Afiseku 4:29

Ku̱ ɓalar malkandi a vi mbu̱ me nu ɓa, zu̱ ma kya ɗyi nu̱ke ka khaki ndu̱ boota ma ku̱ pa nu du̱mbu̱r ye yen wa nu̱ke a gangndan ku. Shir wanangang ka sa tu̱ ɓalar ɓaanu kha ndu̱ boota ye nduki nu̱ke a tu̱ktan.

Filipiyeku 1:11

Nga barari ku̱ khar viti ɓaanu kha nyeedlan ndu̱ tlu̱nar mbarkandi ku nu̱ ka wutki ɗye shir mbarkandi nu̱ke nduk ka gwa poonan she Yesu Masiya ɗyenda ma vu̱r zhaaji ndu̱ khamndi Magham.

Filipiyeku 1:9

Nga barar ku̱ Magham sa tu̱ ndolar ɓaanu ndu̱ zu̱ndi Magham nun shiki ndu̱ dar mbu̱ aa nyi tun shaata tu̱ duk wanang.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

2 Timoti 2:1

Yang to yi ɓanga, kho ndu̱ du̱mbu̱r nu̱ ku̱nshe mu̱nkir nu̱ke a mbe Masiya Yesu.

Yibraniyeku 12:28

Yang nang ɗo, nu̱ke chem a ma viri nu̱ mbu̱ kwaaɗar nu̱ke ɓu̱ shi yakhta ɓa, ku̱ kuna mi, chem ghar ghai ye Magham wa nu̱ke a shimndan. Mbu̱ sawar ndu̱ vu̱rti gorkiri,

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

2 Bitu̱rus 3:18

Me ɓu̱ nang, tun ki gwaari mbe mu̱nkir ndu̱ zu̱ndi Zhinerem gwaanji Yesu Masiya Nu̱ Ɗana rem, tun gwa shaatar mbe zu̱ndi nda aa nyi sarchi. Ku̱ zhaaji kha nda leendang nu̱ aakochi koɗokhsi ɓa. Amin.

Ɗyin mbu̱ tukari 3:17

Jiwa ta zu̱ no za, ‘Nga nu̱ gu̱na, nga shi yele, nang mbu̱ɗ aa nu̱m ɓa.’ Yang no zu̱n ɓa to bootaran, to ɗye zhiyaye, to nungndan, so nggaran, yang to puguman tu̱k.