2 Korintiyeku 8:3 - Mewar Alqawarang

³ Nga maita nu̱ ɗyine ji ma shi vu̱rti nang ku wa nu̱ke du̱mbu̱r ɓaanda ka ɗu̱maki, tu̱ yang vu̱r dukti du̱mbu̱r ɓaanda. Vu̱r ku ku̱me memu̱na wor wa da ye wora, nduk a nje nu̱ rannaki wor ɓa.

2 Korintiyeku 8:3 ပူးပေါင်းရင်းမြစ်များ

Markus 14:8

Wa shi komkomi maɗyi ku̱me wa pasha mor ye vara maa daasa par mu̱ti ɓanga.

Tlu̱nar ɓu̱ Pudeku 11:29

Tu̱ nu̱ mbu Yesu kwang shi sawari ku̱ shaata nda nyeezi wor nu̱ke a Yakhudiya, yang aaki ka vu̱rkya ɗyi nu̱ke du̱mbu̱r ɓaran ka ɗu̱maki.

Romeku 10:2

Nga zu̱n ɗya nu̱ memu̱nar zhiri ghaari ghai ye Magham ku, yang a shiran ku waare zu̱ndi zhire ni.

1 Korintiyeku 16:2

Aa nyi fu̱ɗar nu̱ gumapaali mbu̱ qaandiku mut ndang, ku̱ aaki ki gwa ɗyi nggur mbe gwar ɓaran a vu̱rtan a du̱ngdan gha, njig nu kope nga ɓa kom tun ki tabaran ɓa.

1 Korintiyeku 9:17

Mbu̱ nga shiran ku̱me shimndi ɓanga, tu̱ga wa ku̱s ku̱ ɓiiri nga. Yang nu̱ke nga shiran ku̱me shimndi ɓang ɓa, wa kha ma tlu̱nar ɓanga.

Galatiyeku 4:15

Tun wa kasha maɗyi ye sarchi naandang! Yang leendang a fu̱n kashar nun shiki ku̱me nga ɗo? Ku̱me nga maita nu̱ ɗyine ye sarchi naandang mbu̱ ka shi, tu̱ga tun ka fu̱lokh yito nu tun vu̱r ya!

Filipiyeku 2:13

Jiwa Magham kya tlu̱nar mbu̱ memu̱na nu, viɗ ɗyine ku̱rti shimndi ɓaran, ma ku̱ shi nu ɗyi nu̱ dlu̱ki mban.

Kolosiyeku 4:13

Aa nga ndu̱ ɗyina ngga saida pooni tlu̱nar maɗyikandi nu̱ke Apafaras a shiran ma ku̱ shaata nji nu ndu̱ nduki nu̱ Laudikiya ndu̱ nu̱ Khirapolis.

1 Tasalonikeku 2:8

Chem wa damta ndu̱ tun maɗyi, nang ke ɗyi nu̱ saki nyem wopa Labar Mbarkandang ye nu ɗyenda ɓa, chem wa vu̱r nyifi ɓaarem tu̱k ku̱me tunu, nu̱ke tun wa vi nu̱ mbu̱ memu̱na rem maɗyi.

Filimon 1:14

Yang nang shim shi nga ɗyi nggur waare shimndi ɓaa ɓa, nang shim ku̱ me mbarkir ɓa kha wa no shim shiran ɓa yang nduk wa ranna ro.

1 Biturus 4:11

Njif nu̱ke vu̱rti ɓaran ɗya nu̱ waazu, ku̱ shi waazwang wa Magham ndu̱ ɗyinan kya ɓalarang nu̱ ku̱nshe nda. Mbu̱ yang vu̱rti ɓaran ɗya nu̱ tlu̱nar ye nduku, ku̱ ki tlu̱nar nang ndu̱ du̱mbu̱r nu̱ Magham vu̱rki yenda kap. Shi ma wanang ma ku̱ vu̱r nu gorkir ye Magham nu̱ ku̱nshe Yesu Masiya. Zhaaji ndu̱ kwaaɗar ɗya ɓaran koɗokhsi ɓa. Amin.

1 Biturus 5:2

Khutlo ma shapir ɓu̱ Magham nu̱ vu̱rki nggu̱tan ye nu tun a tlu̱nar wa dlegumeku. Na nu wa a shikya ranna nu ɓa, ku̱ memu̱na nu da ye nu tun shi ba wa nu̱ke Magham a shimndan. Shi nu tlu̱nar nang ku̱me mu̱zhin ɓa, shi ma ku̱me memu̱na nu wa da ye nu ku̱ shi nu tlu̱narang.