2 Korintiyeku 8:2 - Mewar Alqawarang

² Aa nu̱ke wa za bonyeku maɗyi ku̱me damtarku ndu̱ bonye nu̱ gwaki vaanda mban. Yang kap ndu̱ nang, tu̱ ɓong memu̱nar maɗyikandi sa wor tu̱ shi mu̱nkir ye nduki nu̱ ku̱nshe vu̱rti nu̱ shiki ku, aa nu̱ke nungndan ku.

2 Korintiyeku 8:2 ပူးပေါင်းရင်းမြစ်များ

Matta 20:15

Zalala khara shi nga ɗyi nang shimki ndu̱ mu̱zhindi ɓang de? Yang ta shikya zhiri mbarkir nang shikya mu?’

Romeku 12:8

Mbu̱ ɗya nu̱ par du̱mbu̱r ye nduki, ku̱ ki pa du̱mbu̱r ye nduki. Mbu̱ yang ɗya nu̱ shaatar nduki, ku̱ shi khaaran nggaran. Mbu̱ ɗya nu̱ khar ma dle guma, ku̱ vu̱r ɗyinan ma kwaaɗar nu̱ zhire. Mbu̱ yang ɗya nu̱ wuti ɗaana, ku̱ shi memu̱naran da.

Romeku 2:4

Yang ɓa, ta ndu̱mkya khang mu̱nkir ɓu̱ Magham, ndu̱ kanaɗyi ɓaran, ndu̱ song wuti shokhnar ɓaran ɗau ɗau nu̱ke a shiran yorang mu? Alapa no zu̱n za mu̱nkir nu̱ke Magham a shiran yorang a shiran ma ku̱ nggoɗ na ɓa goma?

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 2:9

Nga bu̱la lagarkati nang ye nu, ma na nga mbu̱ tun ka mbu zu̱r ɓang aa nyi sarchi.

2 Korintiyeku 6:10

chem a su̱yen ndu̱ chiti mbu yang ba chem a kashari. Aa nu̱ke chem nungndan, yang chem sa nduki khang tu̱ shi gu̱na. Wa tun kha rem ɓa, yang aa nu̱m kap ɗya ɓaarem.

2 Korintiyeku 9:11

Ka shi barke ye nu aakochi mbu̱ aa nyi tunu, ma ku̱ vu̱r nu mbu̱ mu̱ndi memu̱na aa nyi sarchi. Nduki khang ka kuna Magham ku̱me vu̱rtiku nu̱ke tun a ma ru̱ktan ye wor nu̱ mbu̱ khaarem.

2 Korintiyeku 9:13

Tlu̱nar nun shiki nang, ka sa nduki tu̱ gor dlu̱m Magham ku̱me tun wa mbu ɗyi nu̱ Labar mbarkandi ɓu̱ Masiya zu̱ki, nu̱ke tun wa maita, kom ndu̱ shaatar nun shiki ye wor ndu̱ ɓeeni nduki kha nu nggaran.

1 Tasalonikeku 1:6

Yang tun wa da ɗyin sarerem, ndu̱ ɓu̱ Zhinkir gwaanji, tun wa dlu̱ ɓalar ɓu̱ Magham ndu̱ kashar nu̱ke Jiimbi shakhshakhndi ka saki ye nduku, aa nu̱ke tun wa za bonye maɗyi.

1 Tasalonikeku 2:14

Jiwa nyeezaku, shoga ma tunu she tabar ɓu̱ nu̱ mbu Magham mbe Masiya Yesu, wor nu̱ke a mbu̱ dlar ghai Yakhudiya, nu̱ke tun wa za bonye kha nduki nu̱ mbu̱ ghai ɓaanu, ba wa nu̱ zaki ku mbu̱ khar Yakhudeku.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

Ɗyin mbu̱ tukari 2:9

Nga zu̱n bonyeku nu̱ke ta mban ndu̱ nungndi ɓaaro, yang to gu̱naran (mbu̱ Jiimba). Nga zu̱n pooni su̱bu̱rti dlu̱m nu̱ke nduki nu̱ka qaki vaanda za wor Yakhudeku yang wanang ɓa, ɗya kib ghaari ghai ɓu̱ Sheɗan ku.