2 Korintiyeku 8:1 - Mewar Alqawarang

¹ Nyeezaku, nga shim ku̱ zu̱n nu ɗyi nu̱ke mu̱nkir ɓu̱ Magham saki tabar ɓu̱ nu̱ mbu Yesu ku nu̱ Makidoniya tu̱ shi.

2 Korintiyeku 8:1 ပူးပေါင်းရင်းမြစ်များ

Matta 25:22

“Tu̱ njif nu̱ dlu̱ki kulup mu̱zhindi rapndang a ɓa tu̱ zu̱ za, ‘Nu̱ rafa,’ ta vu̱r kulup rap ya, ‘Wonji nga gwa kulup rap nu̱ ɗyinan.’

Tlu̱nar ɓu̱ Pudeku 11:23

Nu̱ ɗu̱ki, tu̱ na mu̱nkir nu̱ Magham shiki ye wora, tu̱ kasha, tu̱ pa du̱mbu̱r ye wor ku̱ ching nu̱ ɗyine maito ɓaanda mbe Zhinerem gwaanji ndu̱ memu̱nar da.

Tlu̱nar ɓu̱ Pudeku 16:9

Mbu̱ virkiri tu̱ yiti Bulus qu̱n mbu̱ Jiimba. Nu̱ qu̱nki tu̱ na khuski nggur nu̱ke ɗya khuzi Makidoniya chingndan a khuti nda za, “A ɓo mbu̱ ghai Makidoniya to shaata rem.”

Tlu̱nar ɓu̱ Pudeku 24:17

“Na ɗo, qu̱rse sonyi ku koɗom ta nga gaɓ nu̱ Urshalima ndu̱ shaatar ye nu̱ nungndiku chele nduki ɓanga, kom tang shi vu̱rti ye Magham tu̱k.

Romeku 15:26

Tabar ɓu̱ nu̱ mbu Yesu ku nu̱ke a Makidoniya ndu̱ Akaya wa kasha vu̱rti ɗyiku ma shaatar nduki ɓu̱ Magham nu̱ke a mbu̱ song far mbu̱ ghai Urshalima.

1 Korintiyeku 15:10

Yang mu̱nkir ɓu̱ Magham saki tang kha wa nu̱ke nga si leendang, mu̱nkir ɓaran nu̱ kha bam ɓa. Nga shi tlu̱nar nu̱ dukki ɓu̱ pudeku nang kap, aa nu̱ke ɗya nga shiki ɓa, ɗya mu̱nkir ɓu̱ Magham nu̱ke a su̱yen ndu̱ nga.

2 Korintiyeku 11:9

Nga mbu̱ song sarchi nu̱ke nga su̱yen ndu̱ tunu, yang nang shim kha nga ma taɗa ye nu ɓa. Nyeezerem nu mbu Yesu ku nu̱ke a Makidoniya a ɓa ki ndu̱ ɗyi nu̱ke nga gangndan ya. Nang kha ma shipiti ye nu sarchi naandang ɓa, yang ngga zu̱m guma ndu̱ shiran wanang.

2 Korintiyeku 9:12

Ai, tlu̱nar mu̱nkir nu̱ke tun a shiran nang, a shaatakya nu̱ mbu Yesu ɗyenda ɓa, nduki a kuna Magham ku̱men.

2 Korintiyeku 9:2

ku̱me nga zu̱n tun wa da ye memu̱na nu, nang ke ɗyi nu̱ saki tang makhta nu gume nduki nu̱ Makidoniya. Nga ze wor nga za ma ji sonyi nu̱ peetaki nduki nu̱ Akaya a shim shaata nu. Komkomi ɓaanu wa sa tu̱ ji ku nu̱ viɗi ma daasa vaanda.

2 Korintiyeku 9:4

Mbu̱ nga ɓa su̱yen ndu̱ nu̱ mbu Yesu ku nggur nu̱ke a Makidoniya, nang shim ku̱ ɗa ɓa ku tu̱ gwa nu nun daasa vu̱rti ɓaanwang ɓa. Mbu̱ ɗyen wa shi wanang, chem ka tu̱k kawa ku̱me pooni makhtar nang shiki ye nu maɗyi gume worang, yang kawaran ɓang ɗyenda ɓa, kap ndu̱ tun tu̱k.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Kolosiyeku 1:29

Ma ku̱ ɗu̱ma nga tang shi ɗyinang, nga shi bonye tang shi wute, nga tlu̱nar nu̱ du̱mbu̱r maɗyikandi nu̱ Masiya vu̱r ki ya yang a tlu̱nar mbya.

1 Tasalonikeku 4:10

Yang ye zhire ni tun a ndola nyeezerem nu̱ke a mbu̱ dlar ghai Makidoniya. Yang tu̱k ba chem a khutonu, nyeezerem, shaatama nu̱ si maɗyi.