Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Korintiyeku 7:11 - Mewar Alqawarang

11 Na ma ɗyi nu̱ su̱bu̱rti mbi nu̱ Magham njigki ku̱ gwaanu nang a ɓa ki si ye nu. Wa sa nu tun wut maa nu̱ke nun shi torop ɓa. Wa sa tun shi shokhnari, tun tu̱k sawar tu̱k. Wa sa tun sa memu̱na nu, nun ndola vaanu ɓa. Tun daasaran ma ku̱ wu nu aaki nu̱ shiki zop wa nu̱ shipaki. Ve ɓalar nang tun wa wut mbe anyi njiva nu̱ ɗyine nun shi zop ɓa.

အခန်းကိုကြည့်ပါ။ ကော်ပီ




2 Korintiyeku 7:11
54 ပူးပေါင်းရင်းမြစ်များ  

Tu̱ Yesu nggu̱t wor mbe shokhna, memu̱naran su̱bu̱rtan ku̱me kaaku̱ɗakh ɗyin ɓaanda. Tu̱ ze nu̱ zurɗar khara za, “Shorɗo khaara gha.” Nu̱ shorɗaki, tu̱ kharanang shaana fan ndu̱ fan.


Tu̱ nu̱ mburindakwang kor ɗyi nu̱ bu̱laki mbu̱ ɓalar ɓu̱ Magham za, “Zhiri ɓu̱ rafti ɓa wa zu̱m memu̱nara.”


Sarchi nu̱ke Bulus a bu Sila ndu̱ Timoti mbu̱ ghai Atina, tu̱ memu̱naran su̱bu̱ri maɗyi ku̱me su̱ maghamndiku zum zum nu̱ke a nje nyeedlan mbu̱ ghayang.


Ɗyen wanang shwat! Yang ku̱rta wor ɓar ve man qu̱farang ku̱me song maito ɓaanda, to yang maito ɓa ka saki to zu̱m guma ndu̱ khar ve man qu̱farang. Ku̱me nang shi na me nggu̱nggal ɓa, to ka tu̱k kya sawa.


Ku̱me nu̱ ghaari ghai ye Masiya ve njiv nang kap, ɗya nu̱ mu̱ndi memu̱na Magham, wa ka gwa dlu̱r she nduki tu̱k.


Yang nu̱ke tlu̱nar malkandi ɓaarem wa wut za ɗyi nu̱ Magham shikyang torop, chem ka zu̱ nyem za nu̱m ɗo? Mbu̱ Magham wa kuma rem chem ka zu̱ nyem za nu̱ shi torop ɓa mu? (Nang ke pooni konyi ɓu̱ nduku)


ma ku̱ me barkwang keela yen ɓa, yang ku̱ nggu̱t yen ku wayen.


Magham ka kumaki nduki nu̱ke a su̱yen ndu̱ chem ɓa. Komba ma nduk malkandi nang ɓar chele ɓaanu.


Yang za tuna kham ɗyino nu! Alapa nu̱ shipa ku̱ memu̱na nu su̱bu̱ri, tun komba njif nu̱ shiki pooni ɗyinang ɓar chele ɓaanu ɓa?


Chem a khuɗ Magham ku̱ shi nu ɗyi malkandi ɓa, yang tun shi ɗyi mbarkandi, aa nu̱ke nduki ka na wa chem ku̱na ku̱na.


Bonye nu̱ njif nang zaki kha nduki khang chele ɓaanu wa kha wanang.


Me ɓu̱ nang, chem a wutan ye nduki nu̱ ɗyine chem nu̱ tlu̱narku ɓu̱ Magham ve aa nyi njiva. Chem a gu̱n memu̱narem, mbe damtarku ndu̱ bonye ndu̱ palase.


Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.


Ɓar ɓaran ɗyenda saki ɓa, labar par du̱mbu̱r nun shiki yendang saki chem kasha. Wa ze rem za tun wa shim na nga maɗyi, kom ndu̱ chiti mbi nun shiki ku̱me ɗyi nu̱ ɗatlki, ndu̱ jiiri sa nun shiki. Nang ke ɗyi nu̱ saki tang tu̱k mu̱ndan maɗyi.


Yang aa nu̱ke ɗyen wa shi wanang, memu̱nara ɓong. Aa nu̱ke nang tu̱k mu̱ndi su̱bu̱rti memu̱na nu nang shiki ɓa, yang ba su̱bu̱rti memu̱na nwang wa sa tun nggoɗi tu̱ ɗye shir ɓaanu kha mbari. Su̱bu̱rti memu̱na nwang ɗya shimndi ɓu̱ Magham, ku̱me nang ɗyi nyem shikyang, nyem shi zop ye nu ɓa.


ku̱me nga zu̱n tun wa da ye memu̱na nu, nang ke ɗyi nu̱ saki tang makhta nu gume nduki nu̱ Makidoniya. Nga ze wor nga za ma ji sonyi nu̱ peetaki nduki nu̱ Akaya a shim shaata nu. Komkomi ɓaanu wa sa tu̱ ji ku nu̱ viɗi ma daasa vaanda.


Mbu̱ memu̱na nu wa su̱bu̱ri, ku̱ njig nu tu̱ sa nu ma sola ɓa. Ku̱ fu̱ɗar nggu̱ɗ tu̱ na shokhna ɓa.


Shakh ma ɗyinonu ndu̱ tlu̱narku bamndi nu̱ke a mbu̱ zhum nu̱ke nduki a shiran, tun yang pota su̱ wora.


Ku̱me nang, raptaku, nga khutonu ba wa nun ka tu̱kki ɓalar ɓang aakochi aa nga nje su̱yen ndu̱ tun ɓa, yang leendang shaata man si nu̱ke nga nje su̱yen ndu̱ tun tu̱k ɓa. Zu̱m ma guma tun ki tlu̱nar nu̱ gwar ɗanar ɓaanu ndu̱ sawari ndu̱ dlu̱rti vari.


Ku̱ aaki taɓa mbu̱ mu̱dlen ɓa yang ku̱ wut me ghu̱rti ye mu̱dlen mbe ɗyinang ɓa, ku̱me Magham ka kuma pooni ɗyiku nang ɗo, ba wa nyem zu̱ki ye nu gumapaali, chem dut dlu̱mndo nang tu̱k.


Yang nduki nu̱ shiki sola, to wu wor gume nduki, ma ku̱ ɓeenan tu̱k sawa.


Shu ɗyi nu̱ke to ka ɗu̱maki kap ma ku̱ gwa na dlu̱r mbarkandi she Magham. To kha ma nu̱ tlu̱nar nu̱ke tom tu̱k kawa mbe tlu̱nar nu̱ke ta shiran ɓa, to shoga ɓalar zhire nang ɓar torop ba wa nu̱ zu̱ki.


Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.


Nu̱ke alqawar viri nu̱ mbu̱ maasi ɓaran a nje ma ɓar leendang, chem ku̱r vaarem maɗyi ɗo ma ku̱ njif nggur ku̱na gwa viri nu̱ mban ɓa.


Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.


Ma nu̱ke tun wa ka qa Magham “Zhinki” sarchi nu̱ke tun a barari. Ku̱me nang tun shi khar ɓaanu ndu̱ sawa ma ɓar ye sarchi nu̱ke tun ka woɗaki khar runggi nu̱ke tun a shiran mbu̱ larji nang. Ku̱me Magham ɗya nu̱ kuma yang ka kuma tlu̱nar ɓu̱ aa nyi nduku waare shimndi ɗyin.


Me ɓu̱ nang tun kha wa ɓeelar qusonggi nu̱ke a kasha zar ɓiɓi me ɗyinan, tun kasha ɓalar ɓu̱ Magham wanang ma ku̱ gor nu tun khu̱l ye gwar ɗanari,


Tun ɗana ɓeenan wa tun lawakya wor ɓar mbu̱ ɓai. Ɓu̱ ɓeenan yang, tun tu̱k zhiyaye ɓaanda, yang shi ma ndu̱ sawa, aa ɗye sar ɓu̱ pooni nduki nang tun tu̱k zhaane ni ku̱me wa yoɓ nu̱ gha nu̱ ru̱knar ɓu̱ manva nda.


Ngga wukya nduki nu̱ke nga shimndan tang ɗu̱r wora. Ku̱me nang kho ndu̱ zhire to nggoɗ khar viti ɓaaro.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ