2 Korintiyeku 7:1 - Mewar Alqawarang

¹ Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

2 Korintiyeku 7:1 ပူးပေါင်းရင်းမြစ်များ

Matta 12:33

“Qu̱far mbarkandi ka khakya yen mbarkandi, qu̱far malkandi ka khakya yen malkandi. Nduk ka zu̱n qu̱fa nu̱ ku̱nshe khar yen.

Matta 5:48

Ku̱me wanang, tun kha nyeedlan wa nu̱ke Zhinonu nu̱ke a mbu̱ viɗi nyeedlan.

Matta 5:8

Barkya ve nduki nu̱ke memu̱na wor shakhshakh, ku̱me wor ka ɓa naki Magham.

Tlu̱nar ɓu̱ Pudeku 9:31

Kom tu̱ nu̱ mbu Yesu ku nu̱ Yakhudiya ndu̱ Galili ndu̱ Samariya gwa qaandi memu̱na. Tu̱ me bu̱n wor shi shokhku̱rokh tu̱ gwa du̱mbu̱r ku ku̱nshe shaatar ɓu̱ Jiimbi shakhshakhndi. Tu̱ shaata ku maɗyi, a khar ɓaanda ndu̱ sawar Zhinkirang.

Romeku 5:20

Vu̱r Bibitang ma ku̱ sola a vi ye dalangi. Yang sarchi nu̱ sola shaataki, tu̱ mu̱nkir ɓu̱ Magham shaata maɗyi.

1 Korintiyeku 6:20

Magham masa nu masa, tu̱ ɓi. Ku̱me nang vu̱r ma zhaaji ye Magham ndu̱ man vaanu.

2 Korintiyeku 1:20

Jiwa Magham nyel alqawar nu̱ shiki nu̱ ku̱nshe nda. Nang ke ɗyi nu̱ saki nu̱ ku̱nshe Masiya Yesu chem a zu̱ran za “Amin” ma gor dlu̱m Magham.

Afiseku 2:3

Chem kap wa wora ɗau fara, chem a mbu shimndiku ɓu̱ man vaarem, chem a shikya ɗyi nu̱ man vaarem ndu̱ memu̱narem zu̱ki yerem ɗyenda. Ku̱me ɗye shir ɓaarem ɗya ɓu̱ man va, tu̱ga shokhnar ɓu̱ Magham a ɓa ɗyinerem ba wa nu̱ke a nje ɗyine wora.

1 Tasalonikeku 3:13

Bu ku̱ Magham vu̱r shokhku̱rokh memu̱nar ye nu tun kha waare zop, shakhshakh gume nda nu̱ke chin ke Zhinerem, ye fu̱ɗar nu̱ke Zhinerem gwaanji Yesu ka ɗa gaɓki su̱yen ndu̱ nduki ɓaran shakhshakhndi ku.

1 Tasalonikeku 4:7

Nu̱ Magham qa rem ma ku̱ kha mi ma nu̱ zopku ɓa, qa rem ma ku̱ kha mi shakhshakh.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

Yibraniyeku 12:23

Tun a ɓakya she tabar ɓu̱ nu̱ mbu Yesu ku, gomirku ɓaran, nu̱ bu̱laki dlu̱m wor nu̱ mbu̱ viɗi. Tun a ɓakya she Magham nu̱ke chin nu̱ kumar aaki, ndu̱ jiimbi nduki nu̱ dambi nu̱ gaɓki ndu̱ wor tu̱ kha nyeedlan ku.

Yibraniyeku 12:28

Yang nang ɗo, nu̱ke chem a ma viri nu̱ mbu̱ kwaaɗar nu̱ke ɓu̱ shi yakhta ɓa, ku̱ kuna mi, chem ghar ghai ye Magham wa nu̱ke a shimndan. Mbu̱ sawar ndu̱ vu̱rti gorkiri,

Yibraniyeku 4:1

Nu̱ke alqawar viri nu̱ mbu̱ maasi ɓaran a nje ma ɓar leendang, chem ku̱r vaarem maɗyi ɗo ma ku̱ njif nggur ku̱na gwa viri nu̱ mban ɓa.

Yibraniyeku 6:9

Raptaku, aa nu̱ke chem a pooni ɓalar nang, chem wa maita nu̱ ɗyine ɓaanu tun wa dlu̱ barke nu̱ dukki mbaari qu̱rse ɗanar ɓaanu.

Yaqub 4:8

Kha ma bing ndu̱ Magham, Magham ka shi bing ndu̱ tunu. Tun nu̱ solar ku, tun kwaɗa ɗye shir ɓaanu tun kha wakaran. Tun nu̱ke memu̱nanu rap rap yang, shiɓ ma memu̱na nun gha

1 Biturus 1:15

Yang nu̱ke Magham nu̱ qaki nu shakhshakh, tun kha shakhshakh tu̱k mbe ɗye shir ɓaanu kap.

1 Biturus 1:17

Ma nu̱ke tun wa ka qa Magham “Zhinki” sarchi nu̱ke tun a barari. Ku̱me nang tun shi khar ɓaanu ndu̱ sawa ma ɓar ye sarchi nu̱ke tun ka woɗaki khar runggi nu̱ke tun a shiran mbu̱ larji nang. Ku̱me Magham ɗya nu̱ kuma yang ka kuma tlu̱nar ɓu̱ aa nyi nduku waare shimndi ɗyin.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 2:11

Raptaku nu̱ke nga ndolaran, nu̱ke tun a shikya khar runggu mbu̱ larji nang, maa kha nu fan ɓa, nga khutonu, shakh ma ɗyinonu ndu̱ ɗye shir malkandi nu̱ melakh ɓu̱ nduku, ɗye shir nang a wute ndu̱ jiimbonu.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.

1 Yokhana 1:9

Yang mbu̱ chem wa zu̱ solarku ɓaarem ye Magham, ai, ɗya nu̱ nyedli alqawar, nu̱ shir zhire, ka yaapa solar ɓaarem yerem, tu̱ shibterem nu̱gha mbe song dambi ɓaarem kap.

1 Yokhana 3:3

Kap njif nu̱ saki memu̱naran nu̱ ɗyine Masiya wa ka shi khar shakhshakhndi wa nu̱ke chin shakhshakh.