2 Korintiyeku 6:9 - Mewar Alqawarang

⁹ Wa no za nu̱ nduki zu̱nderem ɓa, yang wa zu̱nderem ku maɗyi. Wa chem a mu̱ti, yang chem a nje ndu̱ nyifiri. Wa dlabterem ku yang nu̱ tlagha rem ɓa,

2 Korintiyeku 6:9 ပူးပေါင်းရင်းမြစ်များ

Tlu̱nar ɓu̱ Pudeku 17:18

Wanang tu̱k, tu̱ Abikuriyeku ndu̱ Su̱tokiyeku nu̱ shiki zu̱ndi shi keele ndu̱ chin. Tu̱ ɓeenan chele ɓaanda zu̱ za, “Woɗye nu̱ khang ɓalar nang a zu̱kya nu̱ma?” Ɓeenan za, “Ba wa a shikya waazu ɓu̱ pooni maghamndiku nggur zum nu̱ke a nje khaarem fan ɓa.” Zu̱ wanang ku ku̱me Bulus a zu̱kya Labar Mbarkandi ɓu̱ Yesu, ndu̱ jiiri mbe mu̱ti.

Tlu̱nar ɓu̱ Pudeku 19:26

Yang tun wa tu̱ki tun a naran mbu̱ dlar ghai Afisa ɗyenda ɓa, mbu̱ dlar ghai Asiya guma da, Bulus wa dut nduki maɗyi, wa nggoɗ wor nu̱gha, a zu̱ran za maghamndi nu̱ shiki ndu̱ khar ɗya maghamndiku ɓa.

Tlu̱nar ɓu̱ Pudeku 25:19

Yang ɓalarku a nje ɗyine ghaari ghai ɓaanda nu̱ke nu̱ ra Bulus ku ɗyinan ɓa, kom ndu̱ Yesu nggur nu̱ mu̱tki yang Bulus wa maita za fan ɓa njif nang a nje ndu̱ nyifiri.

Tlu̱nar ɓu̱ Pudeku 25:26

Aa nu̱ke ɓala nje khara shwat nu̱ke ngga bu̱laki ye nu̱ du̱mbu̱rang kuji nu̱ Roma ɗyine nda ɓa. Nang ke ɗyi nu̱ saki tang a ɓa ndu̱ chin gume nu, nu̱ shi wa nu̱ke ta nje, to kuji Agu̱ripa ɓa, ku̱me qu̱rse chem wa laɓ mbu̱ ɓalar ɓaranang bai ngga gwa ɗyi nu̱ke ngga bu̱laki.

Romeku 15:19

Nga shi tlu̱nar ɗye saiduku ndu̱ ɗye lazhamku mbe zalale ɓu̱ Jiimbi shakhshakhndi. Nga ji Urshalima tang baara maari kap ma yir Ilirikum nga wopa Labar Mbarkandi ɓu̱ Masiya.

Romeku 8:36

Ba wa nu̱ bu̱lar ɓalar ɓu̱ Magham zu̱ki za, “Chem a me mu̱ti aakochi ku̱me to, wa da rem ku wa ndu̱ɓangku nu̱ke a ma dla qura wor nu̱gha.”

1 Korintiyeku 11:32

Mbu̱ yang Zhinkir gwaanji kya kuma rem, a kuma remang ma ku̱ ɓa kuma rem su̱yen ndu̱ larji ɓa.

1 Korintiyeku 15:31

Nga me mu̱ti aakochi nyeezaku. Tu̱kti ndu̱ tun nu̱ke nga shiran ku̱me Masiya Yesu Zhinerem gwaanji saki tang zu̱ wanang.

1 Korintiyeku 4:9

Ye nar ɓanga, chem pudeku chem ke gaɓtan gana mbe aa nu̱m, chem wa shipa nduki nu̱ dlaki kumar tlaghar mu̱ti ye wora ve dalangi. Chem wa kha ma ɗyi nu̱ke larji nang kap, ndu̱ nu̱ ru̱ktiku ɓu̱ Magham, nu̱ nduki saki yiti ye wora.

2 Korintiyeku 11:6

Bai nang magha ɓala wa wor ɓa, yang nga shi zu̱ndi. Chem wa wut nang ye nu ve aa nyi njiva.

2 Korintiyeku 4:2

Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.

2 Korintiyeku 5:11

Nu̱ke chem nu̱ sawar Magham, nang ke ɗyi nu̱ saki chem a me ɓaarem ma dut mi nduki ku̱ sawa nda tu̱k. Magham wa zu̱nderem kap, ngaa taman tun wa zu̱n ndu̱ nang mbu̱ memu̱na nu.