2 Korintiyeku 6:4 - Mewar Alqawarang

⁴ Me ɓu̱ nang, chem a wutan ye nduki nu̱ ɗyine chem nu̱ tlu̱narku ɓu̱ Magham ve aa nyi njiva. Chem a gu̱n memu̱narem, mbe damtarku ndu̱ bonye ndu̱ palase.

2 Korintiyeku 6:4 ပူးပေါင်းရင်းမြစ်များ

Luka 21:19

Mbu̱ tun wa gu̱n memu̱na nu nyifi ɓaanu ka ɗana.

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Tlu̱nar ɓu̱ Pudeku 2:22

“Nyeeza Israila tu̱k ma ɓalar nang. Yesu ye Nazaret ɗya njif nu̱ Magham wutki ye nu za chin wa maita nda shwat. Magham wa wut ye nu ku̱nshe ɗye lazhamku ndu̱ tlu̱nar gwaanji gwaanjiku ndu̱ ɗyiku nu̱ Magham shiki ku̱nshe nda chele ɓaanu, ba wa nun zu̱nki, ku̱me shi ɗyiku nang kap mbu̱ yitonu.

Tlu̱nar ɓu̱ Pudeku 20:34

Tun wa zu̱n nu̱ vaanu nu̱ ɗyine nga shi tlu̱nar ndu̱ khara ma gwa nga ɗye khar viti ɓanga ndu̱ nduki nu̱ kya su̱yen ndu̱ nga.

Tlu̱nar ɓu̱ Pudeku 9:16

Ngga wut bonye nu̱ke ka zaki ku̱me dlu̱ma yenda.”

Romeku 14:18

Ku̱me nu̱ ghaari ghai ye Masiya ve njiv nang kap, ɗya nu̱ mu̱ndi memu̱na Magham, wa ka gwa dlu̱r she nduki tu̱k.

Romeku 16:10

Shi ma qaandi ye Apeles ɗya nu̱ zhire mbe Masiya shwat. Tun shi qaandi ye nduki nu̱ mbu̱ rafti ɓu̱ Aristobulus.

Romeku 3:5

Yang nu̱ke tlu̱nar malkandi ɓaarem wa wut za ɗyi nu̱ Magham shikyang torop, chem ka zu̱ nyem za nu̱m ɗo? Mbu̱ Magham wa kuma rem chem ka zu̱ nyem za nu̱ shi torop ɓa mu? (Nang ke pooni konyi ɓu̱ nduku)

Romeku 5:8

Yang Magham wa wut ndolar ɓaran maɗyikandi yerem, ma nu̱ke ye sarchi nu̱ke chem a mbu̱ solar ɓaarem, Masiya mu̱tki ku̱me chem.

1 Korintiyeku 3:5

Ki ke Apolos ɗo? Ki ke Bulusang na? Ai chem ɗya ba nu̱ tlu̱narku ɓu̱ Magham, nun maitaki Labar Mbarkandang nu̱ ku̱nshe rem, aaki chele ɓaarem shikya ɗyi nu̱ Zhinerem gwaanji vu̱rki yenda ɓa goma?

1 Korintiyeku 4:1

Wa shipa ku̱ kwaari ɓaanu khan ɗyine chem ɗya nu̱ tlu̱narku ɓu̱ Masiya, yang Magham wa vu̱r du̱ngdi ɗyiku tukakandi ɓaran yerem.

1 Korintiyeku 9:11

Nu̱ke chem wa kaɓ pooni nu̱ke ɗya ɓu̱ jiimba nu̱ mbu̱ memu̱na nu, ka kha nggamaala mbu̱ chem wa gwa ɗyin me kha nu mu?

2 Korintiyeku 11:23

Mbu̱ wor nu̱ tlu̱narku ɓu̱ Masiya, nga duk wor mbe nang! (Nga ɓalar nang wa nga yirtan!) Ai, nga duk wor tlu̱nar maɗyi, nga gwa gu̱ndi sar khang, wa dlabti nga ku sar khang, sar khang nga me mu̱ti.

2 Korintiyeku 11:27

Nga shi tlu̱nar tang za bonye, mbe song ɗyeniri, ndu̱ meeri, ndu̱ khuzhumndi. Nga kha waare ɗye zu̱mndi sar khang, tang za mbiti, ndu̱ song ɗye sar nu̱ke ngga saki.

2 Korintiyeku 11:9

Nga mbu̱ song sarchi nu̱ke nga su̱yen ndu̱ tunu, yang nang shim kha nga ma taɗa ye nu ɓa. Nyeezerem nu mbu Yesu ku nu̱ke a Makidoniya a ɓa ki ndu̱ ɗyi nu̱ke nga gangndan ya. Nang kha ma shipiti ye nu sarchi naandang ɓa, yang ngga zu̱m guma ndu̱ shiran wanang.

2 Korintiyeku 12:10

Ku̱me nang nga kasha tu̱ɓti ɓang, ndu̱ gangndi dakhlar ndu̱ bonye ndu̱ kakanshi nu̱ke nduki a shiran ya ku̱me Masiya. Ku̱me nang khaki nu̱ song du̱mbu̱r nang ke maa nu̱ke ngga khaki ndu̱ du̱mbu̱ri.

2 Korintiyeku 12:12

Ɗyiku nu̱ wutki puda ɗa ɗye lazhamku ndu̱ ɗye saiduku ndu̱ shir ɗyiku nu̱ke nduk nu̱ su̱n ndu̱ naran ɓa, chele ɓaanu nu̱ke nga shi tlu̱nar ɓang ndu̱ kanaɗyi. Ɗye lazhamku nang wa saida za nga pude nu̱ zhire.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

2 Korintiyeku 3:6

Nang ke ɗyi nu̱ saki chem kha ma nu̱ tlu̱nar ku ɓu̱ mewar alqawarang, nu̱ ku̱nshe bibitiku nu̱ bu̱lakyang ɓa, yang nu̱ ku̱nshe Jiimba. Chin bibiti bu̱lakandi nang chin ke nu̱ ɓar ndu̱ mu̱ti, yang Jiimbyang ke nu̱ vu̱r nyifiri.

2 Korintiyeku 4:17

Jiwa bonye koɗommandi nu̱ke chem a zaran nang ɓu̱ shoɓ ɓa, yang ka vu̱r zhaaji khangndi yerem koɗokh si ɓa.

2 Korintiyeku 4:2

Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.

2 Korintiyeku 4:8

A damta remi ku ve aa nyi njiva, yang kap ndu̱ nang nu̱ ɗu̱ma datl me bu̱nerem chem ku̱na shi tlu̱nar nang ɓa. Fu̱ɗa ngguri memu̱narem wa ka kha rap rap, yang nyem fet memu̱narem ɓar ɗyinan ɓa.

2 Korintiyeku 7:11

Na ma ɗyi nu̱ su̱bu̱rti mbi nu̱ Magham njigki ku̱ gwaanu nang a ɓa ki si ye nu. Wa sa nu tun wut maa nu̱ke nun shi torop ɓa. Wa sa tun shi shokhnari, tun tu̱k sawar tu̱k. Wa sa tun sa memu̱na nu, nun ndola vaanu ɓa. Tun daasaran ma ku̱ wu nu aaki nu̱ shiki zop wa nu̱ shipaki. Ve ɓalar nang tun wa wut mbe anyi njiva nu̱ ɗyine nun shi zop ɓa.

Kolosiyeku 1:11

Ku̱ Magham pa du̱mbu̱r ye nu ndu̱ du̱mbu̱r ɓaran nu̱ zhaaji tun gwa tun ching gha mbari, ma ku̱ gu̱n nu memu̱na nu ndu̱ ɗyi nu̱ke a ɗaatli, tun a kanaɗyi mbe kasha.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

1 Tasalonikeku 3:7

Ku̱me nang, nyeezaku, mbu̱ bonye ɓaarem ndu̱ palase nyem zaki chem wa gwa du̱mbu̱r mbu̱ memu̱na rem ku̱me maito ɓaanu.

1 Tasalonikeku 5:14

Chem a khutonu tu̱k, nyeezaku, wu ma nu̱ shimndi khar bam ku nang, tun pa du̱mbu̱r ye nduki nu̱ sawarku, tun shaata nduki nu̱ke khukhutan ku mbe maito, tun da kanaɗyi ndu̱ aaki.

1 Timoti 2:15

Yang kap ndu̱ nang ka ɗana nusuku nu̱ ku̱nshe khar qusongga, mbu̱ wa zu̱m guma mbu̱ maito ndu̱ ndola ndu̱ khar shakhshakhndi, ndu̱ ku̱si ɗyin.

1 Timoti 4:6

Mbu̱ ta wut ɗyiku nang ye nyeezerem to ka kha ma nu̱ tlu̱nar mbarkandi ɓu̱ Masiya Yesu, nu̱ gorki mbu̱ ɓalar maito nang ndu̱ shogar mbarkandi nu̱ke ta khutloran ma ɓar meeni.

1 Timoti 6:11

Yang to njif ɓu̱ Magham, shokh ɗyinor ndu̱ ɗyiku nang, to sa ɗyinor ma laɓ ɗyi toropndi, ndu̱ khar viti nu̱ke Magham a shimndan, ndu̱ maito ndu̱ ndola, ndu̱ sar memu̱na mbe kaɗanyi, ndu̱ ɗu̱bar memu̱na.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

2 Timoti 2:24

Ku̱ nu̱ tlu̱nar ɓu̱ Magham kha ma nu̱ keele ɓa, ku̱ kha ma nu̱ mbarkir ye aaki, ku̱ kha ma njif nu̱ke ka ɗu̱maki shoga ɓara, yang nu̱ zhangndi nduk ɓa.

2 Timoti 4:5

Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

Yibraniyeku 12:1

Ku̱me nang, nu̱ke tabar ɓu̱ nu̱ saiduku khang maɗyi a nje kararan ndu̱ chem, bu ku̱ mbuk mi kap ɗyi nu̱ke ka nggu̱tlki rem ɗar gha, ndu̱ aa nyi solar nu̱ takhshaki rem nu̱ gha. Chem shi ɗar nu̱ke a gume rem nang ndu̱ shokhku̱rokh me bu̱n.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 3:10

Nu̱ke ta khutlo ɓalar ɓanga mbe gu̱ndi memu̱nar mbe kanaɗyi no shiki, ngga kangga mbe sarchi bonye nu̱ke a ɓari ɗyine larji ma buu nduki nu̱ke a mban.