2 Korintiyeku 6:1 - Mewar Alqawarang

¹ Mbe tlu̱nar nu̱ke chem a shiran ndu̱ Magham, chem a khutonu, ku̱ njig nu mu̱nkir ɓaran tu̱ kha bam ɓa.

2 Korintiyeku 6:1 ပူးပေါင်းရင်းမြစ်များ

Matta 23:37

“Awai, Urshalima, Urshalima! Nu̱ tlaghar annabiku, nu̱ mbukti nduki na ru̱kki ye nu! Sar kim nga shimki kanggu̱la nga nu ba wa nu̱ke kuzha ka tabaki qusonggi ɓaran nu̱ mbu̱ khobkan, yang tun wa zhang gha.

Tlu̱nar ɓu̱ Pudeku 11:23

Nu̱ ɗu̱ki, tu̱ na mu̱nkir nu̱ Magham shiki ye wora, tu̱ kasha, tu̱ pa du̱mbu̱r ye wor ku̱ ching nu̱ ɗyine maito ɓaanda mbe Zhinerem gwaanji ndu̱ memu̱nar da.

Tlu̱nar ɓu̱ Pudeku 14:3

Yang kap ndu̱ nang, tu̱ Bulus ndu̱ Barnaba shoɓ nje maɗyi a ɓalarku ndu̱ memu̱na wor da nu̱ ku̱nshe zalale ɓu̱ Magham. Tu̱ Magham gu̱n su̱ ɓalar mu̱nkir ɓaran nu̱ vu̱rki zalale ye wor tu̱ shi ɗye saiduku ndu̱ ɗye lazhamku.

Romeku 12:1

Ku̱me nang, nyeezaku, nga khutonu, mbe khang nar zhiyaye ɓu̱ Magham tun vu̱r ɗyinonu wa sadke nu̱ nyifiri, shakhshakhndi, pooni sadke nu̱ke Magham a shimndan. Nang ke njiv tlu̱nar mbarkandi ye Magham.

1 Korintiyeku 3:9

Jiwa chem a khar raptiki mbu̱ tlu̱nar ɓu̱ Magham, yang tun ke dam ɓu̱ Magham ndu̱ du̱ndi ɓaran tu̱k.

2 Korintiyeku 10:1

Nga Bulus ndu̱ ɗyina, nga kya khutonu, nga nu̱ ka qaki nga “Nu̱ ɓu̱tokh ɗyin” mbu̱ nga su̱yen ndu̱ tunu, yang tang ka kha “Njif shanggu̱ɗangndi” ye nu mbu̱ nga nje su̱yen ndu̱ tun ɓa. Ku̱me katar ɗyin ndu̱ khar nduk tu̱tu̱kndi ɓu̱ Masiya,

Galatiyeku 2:21

Ɓang nang zhang mu̱nkir ɓu̱ Magham gha ɓa. Yang mbu̱ nduk ka gwa jeembu she Magham nu̱ ku̱nshe mburi bibitang, nang wa wut nu̱ ɗyine Masiya shikya mu̱ti bamndi.”

Galatiyeku 3:4

Yang leendang bonyeku zum zumndi nun zaki nang ku̱ kha bam mu? Tun a na wa ɗyen ka shi?

1 Tasalonikeku 3:5

Nang ke ɗyi nu̱ saki nang kanaɗa ɓa, tang ru̱k ma tu̱k nga labar maito ɓaanu. Nga sawa ku̱ nu̱ lambar nang, chin Sheɗan lamba nu, ku̱ tlu̱nar ɓaarem kha bam ɓa.

Titus 2:11

Jiwa mu̱nkir ɓu̱ Magham nu̱ ɗanari a vi ye dalangi ma ɓar she nduki kap.

Yibraniyeku 12:15

Ku̱r ma vaanu ma ku̱ aaki mbu̱ɗ gwar mu̱nkir ɓu̱ Magham ɓa. Ku̱ aaki kha ndu̱ ɗyooti mbi nu̱ka ɓa ki ndu̱ su̱bu̱rti tu̱ka su̱bu̱r nduki khangang ɓa.

Yibraniyeku 12:25

Ku̱r ma vaanu ɗo zhang nu njif nu̱ke a ɓalarang gha ɓa. Zu̱n man gha nu̱ ɗyine, mbu̱ nduki nu̱ zhangki nduki nu̱ wuki wor mbu̱ larji nang nu̱ lawa ku ɓa, chem ɗa! Chem ka lawa mbu̱ khar njif nu̱ke a wurerem mbu̱ viɗi kikimndana?

Yibraniyeku 4:1

Nu̱ke alqawar viri nu̱ mbu̱ maasi ɓaran a nje ma ɓar leendang, chem ku̱r vaarem maɗyi ɗo ma ku̱ njif nggur ku̱na gwa viri nu̱ mban ɓa.

1 Biturus 4:10

Ku̱ aaki shi boote ndu̱ vu̱rti nu̱ Magham shiki yenda ma shaata yen, ma ku̱ kha nu ma nu̱ du̱ngndi ɗyiku zum zum nu̱ Magham vu̱rki du̱ngdan ye nu mbe mu̱nkir ɓaran.