2 Korintiyeku 5:9 - Mewar Alqawarang

⁹ Dukti nang, chem ma shim ku̱ tu̱k mu̱ndi ɓaarem, aa chem a mbu̱ larji nang aa chem a mbu̱ viɗi.

2 Korintiyeku 5:9 ပူးပေါင်းရင်းမြစ်များ

Yokhana 6:27

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

Tlu̱nar ɓu̱ Pudeku 10:35

A shimkya nu̱ sawar nda kom ndu̱ njif nu̱ka shiki ɗyi nu̱ke torop nang ke njif nu̱ke khar viti ɓaran wa kha mbar she Magham aa a vi mbu̱ aa nyi dlar ghai.

Romeku 14:18

Ku̱me nu̱ ghaari ghai ye Masiya ve njiv nang kap, ɗya nu̱ mu̱ndi memu̱na Magham, wa ka gwa dlu̱r she nduki tu̱k.

Romeku 14:8

Mbu̱ chem a nje ndu̱ nyifiri, chem a khar ɓu̱ Zhinkir gwaanji, mbu̱ yang chem wa mu̱ɗi, chem mu̱ɗ ku̱me Zhinkir gwaanji. Ku̱me nang aa chem a nje ndu̱ nyifiri aa chem wa mu̱ɗi, chem a mbu̱ ɓu̱ Zhinkir gwaanji.

Romeku 15:20

Shimndi ɓang chin ke waazu Labar Mbarkandi kap ye maa nu̱ke nu̱ zu̱n Masiya ku ɓa, ma ku̱ kha wa nga du̱ndi nu̱ ɗyine maa nu̱ke njif nggur saki saari du̱ndang ɓa.

1 Korintiyeku 15:58

Ku̱me nang, nyeezaku nu̱ke nga ndolaran, ching ma gha shaanggu̱ɗang, song nu ɓar ɓa, tun a vu̱r vaanu ye tlu̱nar ɓu̱ Zhinerem gwaanji. Ku̱me tun wa zu̱n nu̱ ɗyine bonye nu̱ke tun a shiran ku̱me Zhinerem gwaanji ɓu̱ kha bam ɓa.

2 Korintiyeku 5:6

Nang ke ɗyi nu̱ saki aakochi nyem ka tu̱k sawar aa nu̱m ɓa, chem wa zu̱n mbu̱ chem a mbu̱ man var nu̱ larji nang, chem ɓakh ndu̱ rafti ɓaarem nu̱ke a nje she Zhinkir gwaanji.

2 Korintiyeku 5:8

Chem wa maita shwat yang nga zu̱ran ye nu, chem wa shim ku̱ shakh mi ndu̱ man vaarem nang ma ku̱ kha mi gha su̱yen ndu̱ Zhinerem gwaanji mbu̱ viɗi.

Afiseku 1:6

Shi wanang ma ku̱ kuna mi zhaaji ɓu̱ mu̱nkir ɓaran nu̱ vu̱rki yerem mu̱nki ndu̱ yele tu̱k nu̱ ku̱nshe Yi ɓaran nu̱ke a ndolaran.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

Kolosiyeku 1:29

Ma ku̱ ɗu̱ma nga tang shi ɗyinang, nga shi bonye tang shi wute, nga tlu̱nar nu̱ du̱mbu̱r maɗyikandi nu̱ Masiya vu̱r ki ya yang a tlu̱nar mbya.

1 Tasalonikeku 4:1

Ye lauɗar san nyeezaku, chem wa shoga pooni khar viti nu̱ke Magham a shimndan ye nu, ba wa nu̱ke tun a khar ɓaanu. Leendang chem a qari su̱yen ndu̱ khuti ye nu mbe Zhinerem gwaanji Yesu tun shaata nu̱ si maɗyi.

1 Tasalonikeku 4:11

Sa ma ye memu̱nanu ma ku̱ shi nu khar sheɗakandi, tun vu̱r vaanu nu̱ ve tlu̱nar nu̱ke a gume nu ɗyenda, tun a tlu̱nar ndu̱ khanu ba wa nyem zu̱ki za shi nu.

1 Timoti 4:10

(Chem a bonye ndu̱ wute), ku̱me chem a sa memu̱narem ye Magham nu̱ nyifiri chin nu̱ke ɗya nu̱ ɗanar aaki, yang nu̱ shi wa nduki nu̱ maitaki ɓa.

Yibraniyeku 12:28

Yang nang ɗo, nu̱ke chem a ma viri nu̱ mbu̱ kwaaɗar nu̱ke ɓu̱ shi yakhta ɓa, ku̱ kuna mi, chem ghar ghai ye Magham wa nu̱ke a shimndan. Mbu̱ sawar ndu̱ vu̱rti gorkiri,

Yibraniyeku 4:11

Ku̱me nang, shi mi ɗyi nu̱ke chem ka shiki kap ma vi mi nu̱ mbu̱ maasi nang. Ku̱ aaki ku̱na viri nu̱ mban wa nu̱ ku̱naki ku ku̱me zhangndi tu̱kti maa ɓa.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.