2 Korintiyeku 5:5 - Mewar Alqawarang

⁵ Magham nu̱ ɗyinan daasaki pooni mbu̱mndi nu̱ke a ma ɗaatli nang, tu̱ vu̱r Jiimbi ɓaran yerem ma ku̱ wut za chem ku̱si ɓaran dong, ma bu ɗyi nu̱ke a ɓar gana fan.

2 Korintiyeku 5:5 ပူးပေါင်းရင်းမြစ်များ

Romeku 8:23

Yang du̱ngdikwang ɗyenda kya tlu̱rtang ɓa, chem ndu̱ vaarem chem a shiran tu̱k. Chem nyem gwaki Jiimbi shakhshakhndi nu̱ke chin ke vu̱rti nu̱ gumapaali nu̱ vu̱rki yeremang, chem a tlu̱rti mbu̱ nyifi ɓaarem, chem a ku̱rsaran wa nu̱m gom. Ma ku̱ Magham gaɓ ndu̱ chem ma qusonggi ɓaran parakhndi, tu̱ dli ɗyin man vaarem nang.

2 Korintiyeku 1:22

Wa sa ɗyi nu̱ saidaki za chem ɓaran nu̱ ɗyinerem, tu̱ sa Jiimbi ɓaran nu̱ mbu̱ memu̱narem mu̱nki. Ma ku̱ wut chem ku̱si ɓaran dong ma ku̱ wut ɗyi nu̱ke a ɓar gana fan.

2 Korintiyeku 4:17

Jiwa bonye koɗommandi nu̱ke chem a zaran nang ɓu̱ shoɓ ɓa, yang ka vu̱r zhaaji khangndi yerem koɗokh si ɓa.

Afiseku 2:10

Ai, chem ndu̱ ɗyinerem chem tlu̱nar ɓu̱ Magham, du̱ngnderem mbe Masiya Yesu, ma ku̱ shi mi tlu̱narku mbarkandi nu̱ Magham woɗaki daasaran yerem ma ku̱ shi mi gumapaali.

Afiseku 4:30

Ku̱r ma vaanu, ku̱ su̱bu̱r nu memu̱na Jiimbi shakhshakhndi ɓu̱ Magham nu̱gha ɓa, ku̱me chin ke saidu ɓu̱ Magham nu̱ke ka naki nu̱ si Fu̱ɗar wuri za tun ɓaran.

1 Yokhana 3:24

Kap nu̱ mbu zu̱r ɓaranku kharan mbe nda, chin kharan mbe wor tu̱k. Wonji ɗyi nu̱ saki chem zu̱n za shwat a nje kharan mbe rem, chem zu̱n nu̱ ku̱nshe Jiimbi nu̱ vu̱rki yerem.