2 Korintiyeku 5:1 - Mewar Alqawarang

¹ Jiwa chem wa zu̱n mbu̱ wa gu̱ɗa shekhɗekh nu̱ke chem kharan mban nang nu̱gha, nang ke man vaarem nu̱ke chem a boote si mbu̱ khar viti ɓaarem mbu̱ larji nang, Magham nu̱ ɗyinan ka shiki rafti yerem mbu̱ viɗi. Yang nu̱ke rafti nang ɗya nduk du̱nki ɓa, ka kha ba a nje aakochi ɓu̱ gu̱ɗa ɓa.

2 Korintiyeku 5:1 ပူးပေါင်းရင်းမြစ်များ

Markus 14:58

“Chem wa tu̱kki a zu̱ran za, chin ka gu̱ɗa Rafti ɓu̱ Magham nu̱ nduki du̱nki nang nu̱gha. Chin du̱n nggur nu̱ke ɗya nduk du̱nki ɓa, mbu̱ qaandi kunung ɗyenda.”

Tlu̱nar ɓu̱ Pudeku 7:48

“Yang kap ndu̱ nang, Magham nu̱ viɗi nu̱ka khan mbu̱ raftiku nu̱ nduk du̱nki ɓa. Ba wa nu̱ annabyang zu̱ki za,

1 Korintiyeku 3:9

Jiwa chem a khar raptiki mbu̱ tlu̱nar ɓu̱ Magham, yang tun ke dam ɓu̱ Magham ndu̱ du̱ndi ɓaran tu̱k.

2 Korintiyeku 4:7

Kap ndu̱ nang, chem nu̱ke gu̱nar nu̱ jiimbi nang a nje mbe rem, chem a khar ba wa kayang nu̱ du̱nki ndu̱ daɓa. Chem kha wanang ma ku̱ wut mi za Magham ke nu̱ zalale aa nu̱m kap, yang tun khaarem mban ɓa.

2 Korintiyeku 5:4

Sarchi nu̱ke chem kharan mbu̱ man var nu̱ larji nang, chem a tlu̱rti ku̱me chem damtaran. Nyem shim ku̱ shakh mi ndu̱ man var nu̱ larji nang ɓa, chem a shimkya ku̱ lu̱pa rem nu̱gha ndu̱ nu̱ viɗang, ma ku̱ ɗyi nu̱ke nu̱ka shi mu̱t ɓa ndang lu̱pa ɗyi nu̱ka mu̱tkyang nu̱ gha guma da.

Kolosiyeku 2:11

Tun wa gwa mewar dlarsi mbe nda, yang ɗya pooni dlarsi nu̱ke nduk ka shiki ndu̱ kharan ɓa, ɗya pooni dlarsi nu̱ke Masiya shiki ye nu, nu̱ fetki ɗye shir malkandi ɓaanu nu̱ manva ɓara.

2 Timoti 1:12

Nga za bonye ku̱men ba wa nu̱ke nga zaran leendang. Yang kap ndu̱ nang nu̱ kha ya ma ɗye kawa ɓa ku̱me nga zu̱n njif nang maitaki, nga zu̱n nu̱ ɗyine ka bu ɗyin du̱ngdi nang vu̱rki yenda kap, kope Fu̱ɗar naandang.

Yibraniyeku 11:10

Jiwa a nggu̱t kya ghai nu̱ke buuri sar saaran ndu̱ daasaran ndu̱ njif nu̱ du̱nki ɗya Magham ndu̱ ɗyinan.

Yibraniyeku 9:11

Masiya ɗya gorkir ɓu̱ kuruku, nu̱ ɗa ɓa ki ndu̱ ɗyiku mbarkandi nu̱ke a nje khaarem leendang. Wa vi nu̱ mbu̱ shekhɗekh nu̱ dukki ndu̱ gwaari, tu̱ duk ndu̱ mbaari tu̱k, yang ɗya nduk shiki ɓa, ku̱me a mbu̱ du̱ngndi nang ɓa.

Yibraniyeku 9:24

Jiwa Masiya nu̱ vikya nu̱ mbu̱ Kib shakhshakhndi nu̱ nduk du̱nki ɓa, ɗya ba zhire shipar ɓu̱ nu̱ viɗang. Masiya vikya nu̱ mbu̱ viɗi, ma ku̱ ɗu̱ nji gume Magham ku̱me chem.

1 Biturus 1:4

Yang chem a sa memu̱narem ye gwar ɗye mbu̱ ge nu̱ Zhinkir gwaanji du̱ngki gha viɗi ku̱me qusonggi ɓaran. Yang du̱ngdi nang nu̱ka mu̱tl ɓa, nu̱ka shi su̱bu̱r ɓa, yang ɗyiman ɓu̱ vi ɓar ɓa.

2 Bitu̱rus 3:11

Yang nu̱ke ka ɓa su̱ya ɗyiku nang nu̱gha kap wanang, shipa ku̱ khar ɓaanu kha kikimndana? Shi ma khar viti shakhshakhndi, tun vu̱r vaanu ye sawar Magham mbe aa nu̱m.

1 Yokhana 3:14

Chem wa zu̱n nu̱ ɗyine chem wa peeta mu̱ti ma yir she nyifiri ku̱me chem a ndola nyeezerem. Njif nu̱ke nu̱ka ndola nyeezan ɓa, a mbu̱ bu̱n mu̱ti ma ɓar ye meeni.

1 Yokhana 3:19

Nang ke njiv nyem zu̱nki nu̱ ɗyine chem nu̱ zhire, yang aa gume Magham memu̱narem da vaarem zu̱ran,

1 Yokhana 3:2

Raptaku nu̱ke nga ndolaran, leendang chem qusonggi ɓu̱ Magham. Nu̱ wut ɗyi nu̱ke chem ka khaki gana fan dong ɓa. Yang chem wa zu̱n nu̱ ɗyine mbu̱ Masiya a gaɓi chem ka kha wa chin, ku̱me chem ka na nda wa nu̱ke a si.