2 Korintiyeku 4:4 - Mewar Alqawarang

⁴ Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

2 Korintiyeku 4:4 ပူးပေါင်းရင်းမြစ်များ

Matta 13:22

Pooni nu̱ nggu̱ɗki nu̱ mbu̱ njekhtikwang yang, a khar wa njif nu̱ tu̱kki ɓalar ɓu̱ Magham, yang damtar nu̱ke a mbu̱ larji ndu̱ shimndi gu̱na tu̱ nggu̱tl ɓalarang gwaari nu̱ke nu̱ kha ndu̱ boota ɓa.

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 12:31

Nang ke sarchi nu̱ke ka kumaki larji, ka komba nu̱ kwaaɗar larji nang.

Yokhana 12:35

Tu̱ Yesu ze wor za, “Yarangang a nje su̱yen ndu̱ tunu me sarchi koɗomma. Shi ma yir sarchi nu̱ke yarangang a nje su̱yen ndu̱ tunu, ma ku̱ zhum maari gwa nu ɓa. Nu̱ yir mbu̱ zhum maari nu̱ zu̱n ye maa nu̱ke chin a yir su̱ ɓa.

Yokhana 12:40

“Wa gaɓ ndu̱ wor ma pugumku, tu̱ sa memu̱na wor tu̱ shi kaaku̱ɗakh. Ma ku̱ na ndu̱ yiti wor ɓa, ku̱ da mban ndu̱ memu̱na wor, ma ku̱ ɗa gaɓ ku nu̱ sha tang shaana wor nu̱gha ɓa.”

Yokhana 12:45

Kap njif nu̱ke a nggu̱ti nga, a nakya njif nu̱ ɗa ru̱kki nga.

Yokhana 14:30

Ngam shi ɓala khang ye nu leendang tu̱k ɓa, ku̱me nu̱ kwaaɗar larji nang a nje a ɓari, yang zalale nje kha nda ɗyina ɓa.

Yokhana 15:24

Nga shi ɗyiku khang chele ɓaanda nu̱ke sar da njif nggur a nje nu̱ shiki ɓa. Mbu̱ nang shi tlu̱nar ku nang ɓa, tu̱ga sola ve wor ɓa. Yang leendang wa woɗa na ɗyiku nang shiki, yang kap ndu̱ nang tu̱ zhangndi nga gha ku, tu̱ yang zhang Zhinkir ɓang gha ku tu̱k.”

Yokhana 16:11

Yang nu̱ shi kwaari mbarkandi ku ɗyine kuma zum ɓa, ku̱me wa woɗa dla kumar nu̱ ɗyine nu̱ kwaaɗar larji nang.”

Yokhana 8:12

Tu̱ Yesu zu̱m guma ndu̱ ɓalar ye nduki a zu̱ran za, “Nga ke yarang ɓu̱ larji. Kap njif nu̱ke a mburi nga ɓu̱ shi yir mbu̱ zhum ɓa, yang ka gwa yarang nyifiri.”

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

Tlu̱nar ɓu̱ Pudeku 26:23

Nang ke ɓalar nu̱ zu̱ki ku za wa ku̱s ku̱ Masiya za bonye, tu̱ kha ma njif nu̱ gumapaali nu̱ jiiki mbe mu̱tiku. Ku̱me ka vu̱r yarang ye nduki kap nu̱ ku̱nshe nang, Yakhudeku ndu̱ nduki nu̱ke ɗya Yakhudeku ɓa.”

1 Korintiyeku 10:20

Auwo, nga ɓalarang ɗyine sadkeku nu̱ke nu̱ ghaari ghai ye mu̱lu̱mku ka dlaki, ka dla qur ɗyikwang ye khu̱kheetiku, a dlaran ku ye Magham ɓa. Yang nang shim ku tun gonta nu ndu̱ khu̱kheetiku ɓa.

2 Korintiyeku 2:11

ma ku̱ Sheɗan gwa ma lamba rem ɓa, nu̱ke chem wa zu̱n ɗye shir ɓaranang.

2 Korintiyeku 2:12

Sarchi nanga ɓa ki Tu̱rowas ma wopa Labar mbarkandi ɓu̱ Masiya, Zhinkir gwaanji wa qu̱n njiv ya,

2 Korintiyeku 3:11

Mbu̱ ɗyi nu̱ke ka nggoryaki wa kha ndu̱ zhaaji, chin nu̱ke nu̱ka shi nggorya ɓa nda ɗa ka kha kikimndana?

2 Korintiyeku 3:14

Yang memu̱na wor kaaku̱ɗakh, ku̱me ma ɓar ye meeni ɗyi nggur a nje nu̱ka nggu̱tlki wor nar zhire nu̱ke a nje mbu̱ bu̱lar geema alqawarang sarchi nu̱ke a nggu̱tan ku. Nang wa wut nu̱ ɗyine ma ɓar ye meeni nu̱ ghar ɗyi nu̱ lu̱paki mbu̱ yitanang ɓar ɓa, ku̱me Masiya ɗyenda ka gharki lu̱parang ɓara.

2 Korintiyeku 3:18

Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Afiseku 6:12

Ai, dakhlar ɓaaremang chem a shiran ndu̱ nduk wa chem ɓa. Chem a shiran ndu̱ khu̱kheetiku nu̱ mu̱narku nu̱ke a mu̱na viɗi. Kom ndu̱ nu̱ kwaaɗarku, ndu̱ nu̱ zalaleku, ndu̱ wor nu̱ke kwaaɗar qaandi virkir zhumndi nang a kha wora.

Filipiyeku 2:6

Aa nu̱ke chin Magham, nu̱ da khar ɓaran ku̱rku̱r ndu̱ Magham ma ɗyi nggur ɓa,

Kolosiyeku 1:15

Magham nu̱ke nduk nu̱ka na nda ɓa ndang, Masiya ke shipar ɓaran. Masiya ke gomi, chin kya viɗi ɗyine aa nu̱m kap,

Kolosiyeku 1:27

Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.

1 Timoti 1:11

Nang ke shogar nu̱ khaki torop ndu̱ Labar mbarkandi nu̱ zhaaji nu̱ke Magham nu̱ barka vu̱rki ya ma ku̱ wopa nga.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Yibraniyeku 6:4

Jiwa ka shi shar ku̱ nduki nu̱ gwaki yarang ɓalar ɓu̱ Magham, ndu̱ nduki nu̱ darki vu̱rti ɓu̱ Magham nu̱ mbu̱ viɗi, ndu̱ nduki nu̱ gwaki me ɓaanda mbe Jiimbi shakhshakhndi.

2 Bitu̱rus 1:19

Ɗyiku nang wa kha torop ndu̱ ɓalar ɓu̱ annabiku. Wa shi mbar ku̱ gaɓ nu ndu̱ khangkal ɓaanu nu̱ ɗyin ɓalar nang ma ku̱ kha wa ɓai nu̱ke a vu̱r yarang mbu̱ zhum maari kope sarchi nu̱ke maa ɗatlki. Sarchi nu̱ yarang ɓu̱ pazar ɗatli maa viki ye nu mbu̱ memu̱na nu.

1 Yokhana 2:11

Njif nu̱ke a zhang mu̱dlen kharan mbu̱ zhumi, yang a yir mbu̱ zhum tu̱k, nu̱ zu̱n ye maa nu̱ke chin a yir su̱ ɓa, ku̱me zhum maarang wa sa nda tu̱ kha puguman.

1 Yokhana 2:8

Yang kap ndu̱ nang nga bu̱lakyang bibiti mewakandi ye nu. Nduk ka na zhire nang nu̱ mbe nda ndu̱ tunu, ku̱me zhum maari a peetari, yarang zhirekandi wa nggaasi wuti.

1 Yokhana 5:19

Chem wa zu̱n nu̱ ɗyine chem qusonggi ɓu̱ Magham, yang larji kap a mbu̱ khar Sheɗan.