2 Korintiyeku 4:2 - Mewar Alqawarang

² Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.

2 Korintiyeku 4:2 ပူးပေါင်းရင်းမြစ်များ

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 6:21

Yang leendang tun gwakya nu̱m mbe ɗyiku nu̱ khaki ye nu ma ɗye kawar nang na? Ai, lauɗar si ɗyiku nang ɗya mu̱ɗi!

1 Korintiyeku 4:5

Ku̱me nang ku̱ kuma nu nduk me ku̱ sarchi ni shi dong ɓa, bu ma ɓar ɓu̱ Zhinerem gwaanji nu̱ke ka lauɗaki su̱ kumar aa nu̱m. Chin ka wutki ɗyiku nu̱ke a nje tukaran mbu̱ zhumi, tu̱ fet ɗyi nu̱ nduki ku̱rki mbu̱ memu̱na wor ye dalangi. Nang ke sarchi nu̱ke aaki ka gwaki makhtar she Magham wa nu̱ shipaki.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 11:3

Yang nga sawa ku̱ su̱tang shi ghu̱rti ye nu tu̱ lamba nu wa nu̱ lambaki Khawa, tu̱ kwaari ɓaanu su̱bu̱r tun ku̱na vu̱r ɗyinonu guma da ye Masiya ma ku̱ kha nu ma nu̱ song zhire mbe nda ɓa.

2 Korintiyeku 11:6

Bai nang magha ɓala wa wor ɓa, yang nga shi zu̱ndi. Chem wa wut nang ye nu ve aa nyi njiva.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

2 Korintiyeku 5:11

Nu̱ke chem nu̱ sawar Magham, nang ke ɗyi nu̱ saki chem a me ɓaarem ma dut mi nduki ku̱ sawa nda tu̱k. Magham wa zu̱nderem kap, ngaa taman tun wa zu̱n ndu̱ nang mbu̱ memu̱na nu.

2 Korintiyeku 6:8

Nu̱ ku̱nshe vu̱rti zhaaji nu̱ wuti kata, zu̱r ɗyi malkandi, ndu̱ zu̱r ɗyi mbarkandi nu̱ ɗyinerem, chem nu̱ zhire yang a daran ku wa chem a shingga vaarem nu̱ ɗyine wora.

2 Korintiyeku 7:14

Nga ze nda nga za nga makhta nu maɗyi, ku̱me nun wut kawa ya ɓa. Ba wa nu̱ke ɗyi nang zu̱ki ye nu kap ɗya zhire, wanang tu̱k, makhtar nu nu̱ke chem a shiran ɗya zhire she Titus.

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

Afiseku 5:12

Jiwa ɗya ɗye kawa ku̱ nduk zu̱ su̱ pooni ɗyiku nu̱ke nu̱ song sawar Magham ku ka shiki ku mbu̱ tuka.