2 Korintiyeku 4:18 - Mewar Alqawarang

¹⁸ Ku̱me nyem sa yiterem nu̱ ɗyine ɗyi nu̱ke nduki a naran ndu̱ ye yiti wor ɓa, chem a sa kya yiterem nu̱ ɗyine ɗyi nu̱ke nu̱ka shi na ɓa. Ku̱me ɗyi nu̱ke nduki a naranang, ka woɗa ɗau, yang ɗyi nu̱ke nu̱ka shi na ɓa ndang nu̱ka shi woɗa ɓa.

2 Korintiyeku 4:18 ပူးပေါင်းရင်းမြစ်များ

Matta 25:46

“Nduki nang ka vi nu̱ mbu̱ bonye nu̱ke ɓu̱ shi woɗa ɓa, yang nu̱ dambi ku ka vi nu̱ mbu̱ nyifi nu̱ke ɓu̱ shi woɗa ɓa.”

2 Korintiyeku 5:7

Jiwa chem a shikya khar maito, chem a shikya khar ɗyi nu̱ yiterem naki ɓa.

2 Tasalonikeku 2:16

Bu ku̱ Zhinerem gwaanji Yesu Masiya ndu̱ ɗyinan, ndu̱ Magham Zhinkir ɓaarem, nu̱ke a ndolarem, vu̱r shokhku̱rokh me bu̱n yerem nu̱ke nu̱ka shi woɗa ɓa, ndu̱ sar memu̱nar mbarkandi nu̱ ku̱nshe mu̱nkir ɓaran.

Yibraniyeku 11:1

Maito ke zu̱ndi zhire ɓu̱ ɗyi nyem saki memu̱na rem nu̱ ɗyinan, ɗya maitar ɗyi nu̱ke yiterem nu̱ na ɓa.

Yibraniyeku 11:13

Nduki nang kap mu̱t mbe maito ɓaanda. Yang nu̱ dlu̱ ɗyi nu̱ Magham shiki alqawaranang ɓa dong, tu̱ na ɗyi nu̱ke a ɓakh, wa tu̱k mu̱ndi naran ku, tu̱ saida ku nu̱ ɗyine wora khar runggu, wor qusa larji nang ɓa.

Yibraniyeku 9:11

Masiya ɗya gorkir ɓu̱ kuruku, nu̱ ɗa ɓa ki ndu̱ ɗyiku mbarkandi nu̱ke a nje khaarem leendang. Wa vi nu̱ mbu̱ shekhɗekh nu̱ dukki ndu̱ gwaari, tu̱ duk ndu̱ mbaari tu̱k, yang ɗya nduk shiki ɓa, ku̱me a mbu̱ du̱ngndi nang ɓa.

1 Yokhana 2:25

Nang ke alqawar nu̱ Woyang shiki yerem, chin ke nyifi nu̱ke nu̱ka shi woɗa ɓa.