2 Korintiyeku 4:10 - Mewar Alqawarang

¹⁰ Chem a me mu̱ti aakochi ba wa nu̱ shiki ye Yesu, ma ku̱ wut khar viti ɓu̱ Yesu nu̱ mbu̱ man vaarem nu̱ka mu̱tki nang.

2 Korintiyeku 4:10 ပူးပေါင်းရင်းမြစ်များ

Yokhana 14:19

Wa njig ba sarchi koɗomma larji ɓu̱ na nga tu̱k ɓa, yang ɓaanu tun ka na nga. Ku̱me nga nu̱ nyifi, tun ka kha ndu̱ nyifiri.

Romeku 6:5

Jiwa nu̱ke chem wa kha da ndu̱ chin mbe pooni mu̱ti ɓaran, chem ka kha da ndu̱ chin mbe jiiri ɓaran mbe mu̱tang tu̱k shwat.

Romeku 6:8

Yang nu̱ke chem wa woɗa mu̱ti su̱yen ndu̱ Masiya, chem wa maita nu̱ ɗyine chem ka shi khar ɓaarem ndu̱ nyifiri su̱yen ndu̱ chin.

Romeku 8:36

Ba wa nu̱ bu̱lar ɓalar ɓu̱ Magham zu̱ki za, “Chem a me mu̱ti aakochi ku̱me to, wa da rem ku wa ndu̱ɓangku nu̱ke a ma dla qura wor nu̱gha.”

2 Korintiyeku 1:5

Ba wa nu̱ke chem a za pooni bonye nu̱ Masiya zaki, wanang tu̱k nu̱ ku̱nshe Masiya chem ka gwa du̱ngdi memu̱nar gwaanji she Magham.

2 Korintiyeku 1:9

Tu̱ ɗyen kha yerem wa dlakya kumar mu̱ti yerem. Yang ɗyi nang ɗal ndu̱ chem wanang ku̱me maita mi ɗyinerem ɓa yang maita mi kya Magham, chin nu̱ka jiiki ndu̱ mu̱tiku.

2 Korintiyeku 13:4

Aa nu̱ke kaatli nda gha mbe katar du̱mbu̱r, tu̱ yang kha ndu̱ nyifiri nu̱ ku̱nshe zalale ɓu̱ Magham. Aa chem nang, du̱mbu̱r ɓaarem kata mbe nda, wanang tu̱k nu̱ ku̱nshe zalale ɓu̱ Magham, chem kha nu̱ nyifiri su̱yen ndu̱ chin ma ɗana nu.

2 Korintiyeku 4:11

Khar nu̱ke chem a shiran mbu̱ larji nang, chem a me mu̱ti ku̱me Yesu, ma ku̱ na khar viti ɓu̱ Yesu mbu̱ man vaarem nu̱ka mu̱tki nang.

Galatiyeku 6:17

Qu̱rse nang, ku̱ aaki damta nga ndu̱ ɗyi nggur tu̱k ɓa, ku̱me chiɓir mbirku nu̱ke a vya wa wut nu̱ ɗyine nga maavi ɓu̱ Yesu.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

2 Timoti 2:11

Balar nang ɗya zhire shwat, nu̱ zu̱ki za, Mbu̱ chem wa mu̱t su̱yen ndu̱ chin, chem ka kha ndu̱ nyifiri su̱yen ndu̱ chin,

1 Biturus 4:13

Me ɓu̱ nang, shi ma kasha ma nu̱ke tun a zakya bonye nu̱ Masiya zaki, ma ku̱ ɓa shi nu ɓong memu̱na ndu̱ kashar nu̱ke koɗokhsi ɓa ye sarchi nu̱ke a ma wut zhaaji ɓaran.

1 Biturus 4:14

Aa pu̱zo nu ku̱me dlu̱m Masiya, ai, tun nu̱ barka, ku̱me Jiimbi nu̱ zhaaji, Jiimbi ɓu̱ Magham kharan su̱yen ndu̱ tunu.

Ɗyin mbu̱ tukari 1:17

Nang naki nda tang nggu̱ɗ nu̱ gume nda wa nga mu̱tan. Tu̱ yang sa kharan nu̱ zu̱ma nu̱ ɗyina, tu̱ zu̱ za, “Tu̱k na sawa ɓa. Nga ke nu̱ gumapaali, nga ke nu̱ gana.