2 Korintiyeku 3:8 - Mewar Alqawarang

⁸ Yang ɓu̱ zhaaji nu̱ ɗa viki nu̱ ku̱nshe tlu̱nar ɓu̱ Jiimba ɗa, khang ɓu̱ zhaaji ni ka kha kikimndana?

2 Korintiyeku 3:8 ပူးပေါင်းရင်းမြစ်များ

Yokhana 1:17

Magham vu̱r woparang nu̱ mbu̱ khar Musa, yang mu̱nkir ndu̱ zhire a ɓa mbu̱ khar Yesu Masiya daati ɓu̱ Magham.

Yokhana 7:39

Yang Yesu a shimkya ɓalar ɓu̱ Jiimbi shakhshakhndi nu̱ke nu̱ maitar nda ka ɓa dlu̱ki, jiwa ye sarchi nang nu̱ vu̱r Jiimbi Shakhshakh ndang dong ɓa, ma nu̱ke Yesu nu̱ vi nu̱ mbu̱ zhaaji ɓaran dong ɓa.

1 Korintiyeku 3:16

Alapa nun zu̱n za tun rafti ɓu̱ Magham ɓa goma, Jiimbi shakhshakhndi a nje kharan mbe nu?

2 Korintiyeku 11:4

Jiwa tun wa ka maita nduki nu̱ ka ɓa ki she nu ɗau ɗau. Tun wa maita shogar nu̱ shiki ye nu ɗyine Yesu, aa nu̱ke wa ngga yen ndu̱ chin nyem shiki waazu ɓaran ye nwang. Tun wa maita Jiimbi nu̱ shiki alqawaran ye nu, aa nu̱ke ɗya Jiimbi shakhshakhndi nun dlu̱kyang ɓa. Tun wa dlu̱ labar mbarkandi nu̱ ɗa ɓa ki si ye nu, aa nu̱ke wa ngga yen ndu̱ Labar mbarkandi nyem zu̱ki ye nwang.

2 Korintiyeku 3:17

Zhinkir gwaanji ke Jiimba. Yang ye maa nu̱ke Jiimbi ɓu̱ Zhinkir gwaanji a nje, dli ɗyin a nje.

2 Korintiyeku 3:6

Nang ke ɗyi nu̱ saki chem kha ma nu̱ tlu̱nar ku ɓu̱ mewar alqawarang, nu̱ ku̱nshe bibitiku nu̱ bu̱lakyang ɓa, yang nu̱ ku̱nshe Jiimba. Chin bibiti bu̱lakandi nang chin ke nu̱ ɓar ndu̱ mu̱ti, yang Jiimbyang ke nu̱ vu̱r nyifiri.

2 Korintiyeku 3:7

Mbu̱ yang shogar na viki she Musa nu̱ bu̱laki nu̱ ɗyin ɗye bu̱lar ndogdang a ɓa ndu̱ zhaaji ɓu̱ Magham, nu̱ke nduki nu̱ Israila nu̱ ɗu̱ma nggu̱t mbu̱ yiti Musa ɓa. Ku̱me zhaaji ni, aa nu̱ke zhaaji nang wa ka nggorya.

2 Korintiyeku 3:9

Mbu̱ ɗyi nu̱ ɗa ɓa ki ndu̱ mu̱ti wa kha ndu̱ zhaaji, yang ɗyi nu̱ ɗa ɓa ki ndu̱ tlu̱nar dambi ɓu̱ Magham ɗa, ai, ka dukti nda ndu̱ zhaaji maɗyi!

Galatiyeku 3:14

Masiya Yesu dli ɗyineremang ma ku̱ barke nu̱ vu̱rki ye Yibramang khan ɗyine nduki nu̱ ke ɗya Yakhudeku ɓa tu̱k. Nang ke ɗyi nu̱ saki chem gwa Jiimbi nu̱ shiki alqawaranang nu̱ ku̱nshe maito nyem shiki.

Galatiyeku 5:5

Yang ɓaarem, chem wa sa memu̱narem nu̱ ɗyine Magham ka sa chem gwa khar waare sola gume nda. Nang ke ɗyi nu̱ke chem a buran nu̱ ku̱nshe Jiimbi shakhshakhndi nu̱ke a tlu̱nar mbe maitar Masiya nyem shiki.

Afiseku 2:18

Ai, mbu̱r ɓaarem chem gwa zalale ɓar she Zhinkirang ve njiv da, nang ke Jiimbi shakhshakhndi.

2 Tasalonikeku 2:13

Yang wa ku̱s ku̱ kuna mi Magham aakochi ku̱me tunu, nyeezaku nu̱ke Magham a ndolaran. Ku̱me vu̱ nggarsan Magham wa daato nu tun gwa ɗanar nu̱ ku̱nshe zalale ɓu̱ Jiimbi nu̱ shiɓki nun gha kom ndu̱ nu̱ ku̱nshe maitar zhire.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.