2 Korintiyeku 3:6 - Mewar Alqawarang

⁶ Nang ke ɗyi nu̱ saki chem kha ma nu̱ tlu̱nar ku ɓu̱ mewar alqawarang, nu̱ ku̱nshe bibitiku nu̱ bu̱lakyang ɓa, yang nu̱ ku̱nshe Jiimba. Chin bibiti bu̱lakandi nang chin ke nu̱ ɓar ndu̱ mu̱ti, yang Jiimbyang ke nu̱ vu̱r nyifiri.

2 Korintiyeku 3:6 ပူးပေါင်းရင်းမြစ်များ

Matta 13:52

Ku̱me nang tu̱ ze wor za, “Kap Maalu̱m Taurete nu̱ dlu̱ki shogar ɓu̱ kwaaɗar mbu̱ viɗi, wa shipa nu̱ rafti nu̱ka fedki du̱ngndi mewakandi ndu̱ gu̱makandi mbu̱ gu̱nar ɓaran.”

Matta 26:28

Ku̱me nang ɗya tom ɓanga, nu̱ nyedli alqawar nu̱ke a ma mbu̱ti ku̱me nduki khang ma ndu̱m sola.

Markus 14:24

Tu̱ ze wor za, nang ke tom ɓang nu̱ mewar alqawar nu̱ke a ma mbu̱tan ku̱me nduki khang.

Luka 22:20

Tu̱ gaɓ tu̱k tu̱ da ɗyekhti ɗyim ye qu̱far anapang gaanje wa woɗa zu̱m ɗye zu̱mndi mbu̱ virkirang ba wa nu̱ shiki gumapaalyang. Tu̱ zu̱ tu̱k za, “Na ɗya shipar meewar alqawar mbu̱ tom ɓang nu̱ke a ma mbu̱ti ku̱me tunu.

Yokhana 5:21

Ba wa nu̱ke Zhinkirang ka nakhaki mu̱tiku tu̱ vu̱r nyifi ye wora, wanang tu̱k, Woyang wa ka vu̱r nyifi ye njif nyin shimki.

Yokhana 6:63

Jiimba ke nu̱ vu̱rti nyifi, zalale aa nu̱m kha manva ɓa. Ɓalarku nang zu̱ki ye nwang ɗya jiimba, ndu̱ nyifi.

Romeku 1:5

Barke ɓu̱ Yesu Masiya ndu̱ dlu̱man saki chem gwa mu̱nkir tu̱ qa rem ma khami ma pudeku ɓaran, ma ku̱ qa mi nduki nu̱ mbu̱ ghaiku kap ku̱ maita tu̱ mbu zu̱r ɓaranku.

Romeku 3:20

Jiwa nduk a nje nu̱ke ka khaki waare sola gume Magham nu̱ ku̱nshe mbu ɗyi nu̱ Bibitang zu̱ki ɓa, ku̱me Bibitang a wutkya solar ɓaarem yerem.

Romeku 4:15

Bibitang a dutkya shokhnar ɓu̱ Magham, ku̱me mbu̱ Bibitang a nje ɓa, zop nje zum ɓa.

Romeku 4:17

Ba wa nu̱ke a nje bu̱laran za, “Ngga sa to kha ma zhinkir ɓu̱ me ghaiku khang.” Shi alqawar nang ye Yibram, ku̱me wa maita Magham, chin nu̱ka jiiki ndu̱ mu̱ti tu̱ kha ndu̱ nyifiri, tu̱ qa ɗyi nu̱ke a nje ɓa ku̱ kha wa a nje, tu̱ yang shi.

Romeku 7:6

Yang leendang ɗyinerem wa vi, chem wa lawa mbe Bibitang nu̱ke chem wa mu̱t mbe ɗyi nu̱ gu̱nki rem nu̱gha. Leendang chem a shikya tlu̱nar ɓu̱ Magham ndu̱ mewar khar viti nu̱ ku̱nshe Jiimbi ɓaran. Tlu̱nar nyem shiki ye Bibitikwang wa peeta.

Romeku 8:2

Nu̱ke bibiti ɓu̱ Jiimbi nu̱ka vu̱rki nyifiri wa lawa nga mbe bibiti solar ndu̱ mu̱ti nu̱ ku̱nshe Masiya Yesu.

1 Korintiyeku 11:25

Tu̱ shi wanang tu̱k, qu̱rse zu̱mndan tu̱ da ɗyekhtang tu̱ zu̱ za, “Ɗyekhti nang ɗya mewar alqawar, nu̱ tom ɓanga. Aa nyi sarchi nu̱ke tun a zaran, tun shi ku̱me kor nu nu̱ nga.”

1 Korintiyeku 12:28

Mbu̱ tabar ɓu̱ nu̱ mbu Yesu, gumapaali Magham wa vu̱r pudeku, nu̱ rapan annabiku, nu̱ kunungan tu̱ vu̱r maalu̱mku. Tu̱ vu̱r nu̱ shir ɗye lazham ku, ndu̱ nu̱ shaanar khaatiku, ndu̱ shaatar nduki, ndu̱ nu̱ kwaaɗarku, ndu̱ nu̱ ɓalar ndu̱ me ghiindiku zum zum.

1 Korintiyeku 15:45

A nje bu̱laran za, “Njif nu̱ gumapaali, chin Adamu, wa kha ma nduk nu̱ nyifi.” Yang Adamu nu̱ gana ɗya jiimbi nu̱ka vu̱rki nyifiri.

1 Korintiyeku 3:10

Ku̱nshe mu̱nkir nu̱ Magham shiki ya, nga sa saari du̱ndang wa njif nu̱ khaki kwartaran mbe du̱ndi, yang njif nggur a du̱ndi nu̱ ɗyinan. Yang wa ku̱s ku̱ aaki zu̱n pooni du̱ndi nu̱ke chin a shiran nu̱ ɗyinan.

1 Korintiyeku 3:5

Ki ke Apolos ɗo? Ki ke Bulusang na? Ai chem ɗya ba nu̱ tlu̱narku ɓu̱ Magham, nun maitaki Labar Mbarkandang nu̱ ku̱nshe rem, aaki chele ɓaarem shikya ɗyi nu̱ Zhinerem gwaanji vu̱rki yenda ɓa goma?

2 Korintiyeku 11:23

Mbu̱ wor nu̱ tlu̱narku ɓu̱ Masiya, nga duk wor mbe nang! (Nga ɓalar nang wa nga yirtan!) Ai, nga duk wor tlu̱nar maɗyi, nga gwa gu̱ndi sar khang, wa dlabti nga ku sar khang, sar khang nga me mu̱ti.

2 Korintiyeku 3:14

Yang memu̱na wor kaaku̱ɗakh, ku̱me ma ɓar ye meeni ɗyi nggur a nje nu̱ka nggu̱tlki wor nar zhire nu̱ke a nje mbu̱ bu̱lar geema alqawarang sarchi nu̱ke a nggu̱tan ku. Nang wa wut nu̱ ɗyine ma ɓar ye meeni nu̱ ghar ɗyi nu̱ lu̱paki mbu̱ yitanang ɓar ɓa, ku̱me Masiya ɗyenda ka gharki lu̱parang ɓara.

2 Korintiyeku 3:3

Tun wut nu̱ ɗyine tun ke lagarkati nu̱ ɗa viki she Masiya, nu̱ke tlu̱nar ɓaarem saki tun kha wanang. Yang lagarkati nang nu̱ bu̱la ndu̱ ɗye bu̱la ɓa, bu̱la ndu̱ Jiimbi shakhshakhndi nu̱ nyifi. Nu̱ bu̱lan ɗyine ndogdi nu̱ka shiki bu̱lar nu̱ ɗyinan ɓa, yang bu̱lan mbu̱ memu̱na nduki.

2 Korintiyeku 3:7

Mbu̱ yang shogar na viki she Musa nu̱ bu̱laki nu̱ ɗyin ɗye bu̱lar ndogdang a ɓa ndu̱ zhaaji ɓu̱ Magham, nu̱ke nduki nu̱ Israila nu̱ ɗu̱ma nggu̱t mbu̱ yiti Musa ɓa. Ku̱me zhaaji ni, aa nu̱ke zhaaji nang wa ka nggorya.

2 Korintiyeku 3:9

Mbu̱ ɗyi nu̱ ɗa ɓa ki ndu̱ mu̱ti wa kha ndu̱ zhaaji, yang ɗyi nu̱ ɗa ɓa ki ndu̱ tlu̱nar dambi ɓu̱ Magham ɗa, ai, ka dukti nda ndu̱ zhaaji maɗyi!

Galatiyeku 3:21

Yang ɗa, Bibitang a zhang yen ndu̱ alqawar ɓu̱ Maghamang mu? Ɗyen wanang shwat ɓa! Mbu̱ tu̱ga aa ɓa ndu̱ Bibiti nu̱ka vu̱rki nyifiri ye nduki, tu̱ga nduk ka gwa dambi ɓu̱ Magham nu̱ ku̱nshe mbu Bibitang.

Afiseku 2:1

Ɗau fara tun wa shi khar wa nduki nu̱ mu̱tki, ku̱me zop ɓaanu ndu̱ khar nu̱ke tun a shiran mbu̱ solarku.

Afiseku 2:5

ba ye sarchi nu̱ke chem mu̱tan mbu̱ solarku ɓaarem, tu̱ vu̱r nyifiri yerem su̱yen ndu̱ Masiya. Ɗana nu nu̱ ku̱nshe mu̱nkir ɓaran.

Afiseku 3:7

Wa gaɓ ndu̱ nga tu̱k ma nu̱ tlu̱nar Labar mbarkandi nang. Yang tlu̱nar nang ɗya vu̱rti ɓu̱ Magham ya, nu̱ vu̱rki ya nu̱ ku̱nshe mu̱nkir ɓaran, nang ke zalale nu̱ke a tlu̱nar mbya.

1 Timoti 4:6

Mbu̱ ta wut ɗyiku nang ye nyeezerem to ka kha ma nu̱ tlu̱nar mbarkandi ɓu̱ Masiya Yesu, nu̱ gorki mbu̱ ɓalar maito nang ndu̱ shogar mbarkandi nu̱ke ta khutloran ma ɓar meeni.

2 Timoti 1:11

Magham wa sa tang kha ma nu̱ waazu, ndu̱ pude ɓu̱ Yesu, ndu̱ maalu̱m ku̱me Labar mbarkandi dandi nang.

Yibraniyeku 12:24

Tun a ɓakya she Yesu nu̱ daasaki mewar alqawar chele ɓu̱ Magham ndu̱ nduki ɓaran, kom tu̱ batl tom nu̱ka shiki ɓalar mbarkandi tu̱ duk tom ɓu̱ Khabila.

Yibraniyeku 13:20

Ku̱ Magham nu̱ qaandi memu̱na, nu̱ke nu̱ ku̱nshe tom alqawar nu̱ke koɗokh si ɓa jiiki ndu̱ Zhinerem gwaanji Yesu ɓar mbe mu̱ti. Chin ke nu̱ khutlo gwaanji ɓu̱ shapir ɓu̱ ndu̱ɓangkwang,

Yibraniyeku 7:22

Yesu wa kha ma nu̱ wuti alqawar nu̱ dukki mbaari nu̱ ku̱nshe ku̱mndar nang shwat.

Yibraniyeku 8:13

Nu̱ ku̱nshe qar alqawarang, “Mewakandang” wa gaɓ ndu̱ nu̱ gumapaalyang tu̱ kha gu̱maran ɗo. Yang tu̱k ɗyin zhu, nu̱ gu̱maki tu̱k, ka su̱ya ɓu̱ shoɓ ɓa.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

1 Yokhana 1:1

Chem a shikya ɓalar ye nu ɗyine njif nu̱ke a nje gumapaali, nyem tu̱kki, chem na ndu̱ yiterem, chem nggu̱ti nda chem su̱ɓa ndu̱ khaarem. Chem a shikya bu̱lar ye nu ɗyine Ɓalar nu̱ vu̱rti Nyifiri.