2 Korintiyeku 3:5 - Mewar Alqawarang

⁵ Tun a nje nu̱ wutki za maghar ɓaarem saki chem shi tlu̱nar nang ɓa. Maghar ɓaarem a vi she Magham.

2 Korintiyeku 3:5 ပူးပေါင်းရင်းမြစ်များ

Luka 21:15

Ku̱me nga vu̱r ɓalarku ndu̱ kaɗari ye nu nu̱ke nduk a nje chele ɓu̱ nu̱ zhangndi ɓaanu nu̱ke ka ɗu̱maki mbu̱m ɓalar ɓaanu nu̱ gha tu̱ keela ɗyi nun zu̱ki ɓa.

Luka 24:49

Wonji ngga ɗa ru̱k ndu̱ alqawar ɓu̱ Zhinkirang ye nu, yang bu ma mbu̱ ghai Urshalima, kope tun wa gwa zalale na ɓaki viɗi.”

Yokhana 15:5

“Nga ke qu̱far anapang tun ke me bu̱n qu̱farang. Njif nu̱ khaki nu̱ mbya nga mbe nda, chin ka khaki qusonggi khang. Jiwa mbu̱ tun a su̱yen ndu̱ nga ɓa, tun ɓu̱ ɗu̱ma shi aa nu̱m ɓa.

Romeku 15:18

Ngam ɓu̱ shi lu̱kshi ɓalar ɗyine ɗyi nggur ɓa, kope ɗyi nu̱ Masiya shiki nu̱ ku̱n sha nu̱ ɗa ɓa ki ndu̱ nduki nu̱ke ɗya Yakhudeku ɓa nu̱ Magham shiki. Tu̱ mbu zu̱r ɓaran nu̱ ku̱nshe ɓalar ɓanga ndu̱ tlu̱narku ɓanga.

1 Korintiyeku 15:10

Yang mu̱nkir ɓu̱ Magham saki tang kha wa nu̱ke nga si leendang, mu̱nkir ɓaran nu̱ kha bam ɓa. Nga shi tlu̱nar nu̱ dukki ɓu̱ pudeku nang kap, aa nu̱ke ɗya nga shiki ɓa, ɗya mu̱nkir ɓu̱ Magham nu̱ke a su̱yen ndu̱ nga.

1 Korintiyeku 3:10

Ku̱nshe mu̱nkir nu̱ Magham shiki ya, nga sa saari du̱ndang wa njif nu̱ khaki kwartaran mbe du̱ndi, yang njif nggur a du̱ndi nu̱ ɗyinan. Yang wa ku̱s ku̱ aaki zu̱n pooni du̱ndi nu̱ke chin a shiran nu̱ ɗyinan.

1 Korintiyeku 3:6

Nga kaɓki, tu̱ Apolos batl ɗyimi, yang Magham saki kaɓtang tu̱ gori.

2 Korintiyeku 12:9

tu̱ yang zu̱ ya za, “Mu̱nkir ɓang wa gama ro, ku̱me zalale ɓang ka kha nyeedlan mbu̱ tu̱ɓti ɓaaro.” Ku̱me nang ngga kasha tang shi wakhti ndu̱ tu̱ɓti ɓang nang ma ku̱ zalale ɓu̱ Masiya kha gha su̱yen ndu̱ nga.

2 Korintiyeku 2:16

She nduki nu̱ke a ɗyin njiv mu̱ti, zhi ɓu̱ ɗye zhi mu̱nkandang ɗya zhi mu̱ti, nu̱ka tlaghaki nduku, yang she nduki nu̱ke a gwa ɗanari, zhi ɓu̱ ɗye zhi mu̱nkandang ɗya zhi nyifi nu̱ka vu̱rki nyifiri. Nu̱ dar kuɗar tlu̱nar nang a nje ɓa.

2 Korintiyeku 4:7

Kap ndu̱ nang, chem nu̱ke gu̱nar nu̱ jiimbi nang a nje mbe rem, chem a khar ba wa kayang nu̱ du̱nki ndu̱ daɓa. Chem kha wanang ma ku̱ wut mi za Magham ke nu̱ zalale aa nu̱m kap, yang tun khaarem mban ɓa.

Filipiyeku 2:13

Jiwa Magham kya tlu̱nar mbu̱ memu̱na nu, viɗ ɗyine ku̱rti shimndi ɓaran, ma ku̱ shi nu ɗyi nu̱ dlu̱ki mban.

Filipiyeku 4:13

Ngga ɗu̱ma shi aa nu̱m nu̱ ku̱nshe Masiya nu̱ ka vu̱rki du̱mbu̱r shiran ya.

2 Timoti 2:2

Ɗyi no tu̱kki sha gume saidu ku khang, to shoga ye nduki nu̱ shir zhire ma ku̱ shoga ku ye nduki ngguri.

Yaqub 1:17

Aa nyi vu̱rti mbarkandi, ndu̱ vu̱rti nyeelkandi a vi mbu̱ viɗi. A zhur she Magham Zhinkir nu̱ du̱ngki fu̱ɗa, ndu̱ chera ndu̱ anjinjeku kap. Yang chin nu̱ka shi nggot ɓa.