2 Korintiyeku 3:3 - Mewar Alqawarang

³ Tun wut nu̱ ɗyine tun ke lagarkati nu̱ ɗa viki she Masiya, nu̱ke tlu̱nar ɓaarem saki tun kha wanang. Yang lagarkati nang nu̱ bu̱la ndu̱ ɗye bu̱la ɓa, bu̱la ndu̱ Jiimbi shakhshakhndi nu̱ nyifi. Nu̱ bu̱lan ɗyine ndogdi nu̱ka shiki bu̱lar nu̱ ɗyinan ɓa, yang bu̱lan mbu̱ memu̱na nduki.

2 Korintiyeku 3:3 ပူးပေါင်းရင်းမြစ်များ

Matta 16:16

Kom tu̱ Siman Biturus tlogha za, “To ke Masiya, Yi ɓu̱ Magham nu̱ nyifiri.”

1 Korintiyeku 3:5

Ki ke Apolos ɗo? Ki ke Bulusang na? Ai chem ɗya ba nu̱ tlu̱narku ɓu̱ Magham, nun maitaki Labar Mbarkandang nu̱ ku̱nshe rem, aaki chele ɓaarem shikya ɗyi nu̱ Zhinerem gwaanji vu̱rki yenda ɓa goma?

2 Korintiyeku 3:6

Nang ke ɗyi nu̱ saki chem kha ma nu̱ tlu̱nar ku ɓu̱ mewar alqawarang, nu̱ ku̱nshe bibitiku nu̱ bu̱lakyang ɓa, yang nu̱ ku̱nshe Jiimba. Chin bibiti bu̱lakandi nang chin ke nu̱ ɓar ndu̱ mu̱ti, yang Jiimbyang ke nu̱ vu̱r nyifiri.

2 Korintiyeku 3:7

Mbu̱ yang shogar na viki she Musa nu̱ bu̱laki nu̱ ɗyin ɗye bu̱lar ndogdang a ɓa ndu̱ zhaaji ɓu̱ Magham, nu̱ke nduki nu̱ Israila nu̱ ɗu̱ma nggu̱t mbu̱ yiti Musa ɓa. Ku̱me zhaaji ni, aa nu̱ke zhaaji nang wa ka nggorya.

2 Korintiyeku 6:16

Rafti ɓu̱ Magham ka kha da ndu̱ maa konom mu? Chem ke rafti ɓu̱ Magham nu̱ nyifiri. Ba wa nu̱ Magham zu̱ki, “Ngga kha su̱yen ndu̱ wora, tang baara chele ɓaanda, Ngga kha ma Maghamndi ɓaanda, wor ka kha ma nduki ɓanga.”

1 Tasalonikeku 1:9

Ku̱me nduki kya zu̱ labar pooni dlu̱r nun shiki yerem, ndu̱ shakhti ɗyinonu nun shiki ndu̱ mu̱lu̱mku, tun gaɓ nu̱ she Magham. Ma ku̱ ghar nu ghai ye Maghamndi zhirekandi nu̱ nyifiri,

Yibraniyeku 10:16

“Wonji alqawar nu̱ke nga ma shiran ndu̱ wora, qu̱rse sarchi nang, nga Zhinkir gwaanji zu̱ki. Ngga sa bibitiku ɓang nu̱ mbu̱ memu̱na wora, ngga bu̱la wor nu̱ mbu̱ kwaari ɓaanda tu̱k.”

Yibraniyeku 8:10

Wonji alqawar nu̱ke nga ma shiran ndu̱ nduki nu̱ Israila mbu̱ qaandiku nu̱ke a ɓari, nga Zhinkir gwaanji kya ɓalar nang. Ngga sa bibitiku ɓang nu̱ mbu̱ kwaari ɓaanda, ngga bu̱lan mbu̱ memu̱na wora. Ngga kha ma Maghamndi ɓaanda, tu̱ kha ma nduki ɓang ku.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

Ɗyin mbu̱ tukari 2:1

“Bu̱lo ye nu̱ ru̱kti ɓu̱ tabar nu̱ mbu Yesu ku nu̱ke a Afisa. No za, Wonji ɓalarku nu̱ ɗa viki she njif nu̱ khubki anjinjeku mutndi nu̱ mbu̱ kharan nu̱ zu̱mang, tu̱ ki yir chele ɓu̱ tokhol ɓai wor mutndang.

Ɗyin mbu̱ tukari 2:12

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Pagamum no za, Wonji ɓalarku nu̱ ɗa viki she njif nu̱ khubki kaskar nu̱ men rapndi nyamnyamndang.

Ɗyin mbu̱ tukari 2:18

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Tiyatira no za, Wonji ɓalarku nu̱ ɗa viki she Yi ɓu̱ Magham, chin nu̱ke yitan shipaki dlu̱r ɓai, saaran wa ghuri nu̱ khiiki nu̱gha.

Ɗyin mbu̱ tukari 2:8

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Su̱mirna no za, Wonji ɓalarku nu̱ ɗa viki she njif nu̱ke chin ke nu̱ gumapaali ndu̱ chin kya gana, chin mu̱tki tu̱ gaɓ tu̱ kha ndu̱ nyifiri.

Ɗyin mbu̱ tukari 3:1

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Sardis no za, Wonji ɓalar nu̱ ɗa viki she njif nu̱ khubki jiimbiku mutndi ɓu̱ Magham, ndu̱ anjinjeku mut khubtan kha ndang. Nga zu̱n ɗye shir ɓaaro. Nduki a na wa to nu̱ nyifi, yang to mu̱tan!

Ɗyin mbu̱ tukari 3:14

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Laudikiya no za, Wonji ɓalar nu̱ ɗa viki she njif nu̱ka qaki nda za Amin. Chin wutki parakh zhire ɓu̱ Magham, yang Magham shi aa nu̱m kap nu̱ ku̱nshe nda.

Ɗyin mbu̱ tukari 3:22

Nu̱ dlu̱mdi tu̱kti maa, ku̱ tu̱k ɗyi nu̱ke Jiimba a zu̱ran ye tabarku ɓu̱ nu̱ mbu Yesu ku!”

Ɗyin mbu̱ tukari 3:7

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Filadelfiya no za, Wonji ɓalar na ɓa ki she njif shakhshakhndi nu̱ zhire. Chin nu̱ke a ku̱s ɗye qu̱ndi kwaaɗar ɓu̱ Kuji Dauda, nu̱ke mbu̱ wa qu̱n tunu nu̱gha nduk a nje nu̱ke ka zaki nu̱ gha ɓa, mbu̱ yang wa za nu̱ gha, nu̱ qu̱ndan nu̱gha nje ɓa.