2 Korintiyeku 3:18 - Mewar Alqawarang

¹⁸ Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

2 Korintiyeku 3:18 ပူးပေါင်းရင်းမြစ်များ

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 12:41

Yishaya zu̱ wanang ku̱me wa na zhaaji ɓu̱ Yesu tu̱ vu̱r labar ɓaran.

Yokhana 17:22

Nga vu̱r zhaaji no vu̱rki yang ye wora ku̱ kha da ku ba wa nu̱ke chem da.

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Romeku 12:2

Ku̱ mbu nu su̱ ɗyi nu̱ke nduki nu̱ larji nang a san ɓa, nggoɗ ma nu̱ ku̱nshe nggooti memu̱nanu, kom tun ka ɗu̱ma buuran tun zu̱n yel mbu̱ ɗya shimndi ɓu̱ Magham. Tun ka ɗu̱ma zu̱ndan nu̱ ɗyine shimndi ɓu̱ Magham mbari, dlu̱ran kom nyeedlan.

Romeku 13:14

Me ɓu̱ nang tun da ɗye shir mbarkandi ɓu̱ Zhinerem gwaanji Yesu Masiya, ku̱ mbu nu su̱ ɗye shir ɓu̱ manva ma ku̱ sa nu ma mbu shimndi ɓaran ɓa.

Romeku 8:29

Jiwa Magham wa zu̱n nduki nyin datki nu̱ ɗawi, wor ke nduki nu̱ Magham bu̱laki nu̱ ve wor ku̱ da shipar ɓu̱ Yi ɓaran, ma ku̱ Yi ɓaranang kha ma nu̱ gumapaali chele nyeezanku khangndi.

Romeku 8:4

Magham shi wanang yerem ma nyel tlu̱nar dambi nu̱ Bibitang zu̱ki za ku̱ shi mi. Shi nang yerem, chem nu̱ke chem a khar viti ɓaarem mbe Jiimba, nyem ka shi nu̱ ku̱nshe ɗye shir ɓu̱ nduk ɓa.

Romeku 8:7

Aaki damtaki ndu̱ ɗyiku ɓu̱ manva ɗya nu̱ zhangndi ɓu̱ Magham, ku̱me ɓu̱ mbu bibiti ɓu̱ Magham ɓa, yang ɓu̱ ɗu̱ma shiran zum ɓa.

1 Korintiyeku 13:12

Aa nu̱ke leendang chem a na shipar ɗyikwang wa mbu̱ ɗye nar nu̱ke vu̱lu̱ng vu̱lu̱ng, yang ye fu̱ɗaran chem ka na yiti ndu̱ yiti. Leendang zu̱ndi ɓanga shel ɓa, yang ye fu̱ɗar nang ngga zu̱n maɗyi ba wa nu̱ Magham zu̱nki nga.

1 Korintiyeku 15:49

Yang ba wa nyem daki shipar ɓu̱ njif nu̱ shiki nda ndu̱ kalau nang, chem ka da shipar ɓu̱ njif nu̱ ɗa ɓa ki viɗang tu̱k.

2 Korintiyeku 3:17

Zhinkir gwaanji ke Jiimba. Yang ye maa nu̱ke Jiimbi ɓu̱ Zhinkir gwaanji a nje, dli ɗyin a nje.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

Galatiyeku 6:15

Dlarsi ndu̱ song dlarsi ɗya aa nu̱m ɓa, ɗyi nu̱ khaki nu̱ boota chin ke ku̱ nduk kha ma mewar du̱ngdi.

Kolosiyeku 3:10

tun wa da mewar ɗye shir mbarkandi. Nang ke njif mewakandi nu̱ Magham du̱ngki nu̱ke a gaɓti nu̱ chin tu̱ kha mewa aa nyi sarchi ma ku̱ kha wa chin, ma ku̱ sa nu tun zu̱n nda mbari.

1 Timoti 1:11

Nang ke shogar nu̱ khaki torop ndu̱ Labar mbarkandi nu̱ zhaaji nu̱ke Magham nu̱ barka vu̱rki ya ma ku̱ wopa nga.

Titus 3:5

tu̱ Magham ɗana rem. Yang shi nang ku̱me dambi ɓaarem ɓa, shi ku̱me ɗaanar ɓaran tu̱ ɗana rem nu̱ ku̱nshe wurti nu̱ Jiimbi shakhshakhndi nu̱ saki tu̱ khaarem mewa chem kha ndu̱ mewar nyifiri.

Yaqub 1:23

Ku̱me njif nu̱ka tu̱kki ɓalarang ɗyenda yang nu̱ka tlu̱na ɗyen ɓa wa shipa njif nu̱ nggu̱tki mbu̱ yitan mbu̱ ɗye nari,

1 Yokhana 3:2

Raptaku nu̱ke nga ndolaran, leendang chem qusonggi ɓu̱ Magham. Nu̱ wut ɗyi nu̱ke chem ka khaki gana fan dong ɓa. Yang chem wa zu̱n nu̱ ɗyine mbu̱ Masiya a gaɓi chem ka kha wa chin, ku̱me chem ka na nda wa nu̱ke a si.