2 Korintiyeku 3:1 - Mewar Alqawarang

¹ Ɗa, chem a ma kuna kya ɗyinerem tu̱k mu? Yang wa ku̱s ku̱ laɓ mi lagarkati nu̱ke ka saidaki rem ye nu mu, yang chem ka zhamndonu ma ku̱ bu̱la nu pooni lagarkatang yerem mu?

2 Korintiyeku 3:1 ပူးပေါင်းရင်းမြစ်များ

Tlu̱nar ɓu̱ Pudeku 18:27

Nu̱ Apolos shimki peetar ma yir mbu̱ dlar ghai Akaya, tu̱ nu̱ mbu Yesu kwang shaata nda, tu̱ bu̱la lagarkati ye nu̱ mbu Yesu ku nu̱ Akaya ma ku̱ dlu̱r nda ku khar wor rap. Nu̱ khu̱lki nje tu̱ kha ndu̱ shaata maɗyi ye nduki nu̱ maitaki nu̱ ku̱nshe mu̱nkir ɓu̱ Magham.

Romeku 16:1

Nga makhta mu̱dlerem Fibi ye nu, ɗya pude ɓu̱ Masiya mbu̱ tabar ɓu̱ nu̱ mbu Yesu ku nu̱ke a Kankiriya.

1 Korintiyeku 10:33

Tun shi ba wa nang ka shiki. Nga shim ku̱ aaki tu̱k mu̱ndi mbu̱ ɗyi nu̱ke nga shiran kap, yang nga shiran ku̱me ɗyina ɓa, nga shiran ma boote ɓu̱ aaki ma ku̱ nduki khang gwa ɗanar ku.

1 Korintiyeku 16:3

Sarchi nanga ɓa ki kap, ngga ru̱k ndu̱ nduki nun maitaki wora, tang vu̱r lagarkati nu̱ vu̱rtiku nun shiki ye wora, tu̱ ɗu̱ si ku Urshalima.

1 Korintiyeku 3:10

Ku̱nshe mu̱nkir nu̱ Magham shiki ya, nga sa saari du̱ndang wa njif nu̱ khaki kwartaran mbe du̱ndi, yang njif nggur a du̱ndi nu̱ ɗyinan. Yang wa ku̱s ku̱ aaki zu̱n pooni du̱ndi nu̱ke chin a shiran nu̱ ɗyinan.

1 Korintiyeku 4:15

Aa maalu̱mku a nje kha nu̱ khang mbe Masiya nu̱ke khangan wa khu̱l aru, ai zhinki kha nu khang ɓa. Nga khaki ma zhinkir ɓaanu mbe Masiya Yesu nu̱ke nga ɓa ki ndu̱ Labar Mbarkandang ye nu.

2 Korintiyeku 10:12

Ma nu̱m yerema? Ai, sar da chem ɓu̱ buu ɗyinerem ɓa, yang chem ɓu̱ kha da ndu̱ nduki nu̱ke a naran wa wor wa duk aaki ɓa. Nduki nu̱ka ku̱rki ɗyin wor ndu̱ yen, a buu ɗyin wora ndu̱ yen nggu̱bu̱ngan ku!

2 Korintiyeku 10:18

Jiwa njif nu̱ makhtaki ɗyinan ka gwaki dlu̱r ɓa, ɗya njif nu̱ke Zhinkir gwaanji makhtaki nda.

2 Korintiyeku 10:8

Ai nu̱ kha ma ɗye kawa mbu̱ ngaa tu̱kti ndu̱ ɗyina ku̱me zalale nu̱ Zhinkir gwaanji vu̱rki yerem ma ku̱ du̱n mi, yang ku̱ gu̱ɗa mi nun gha ɓa.

2 Korintiyeku 12:11

Aa nu̱ke nga gaɓ ndu̱ ɗyina wa nggu̱bu̱ng, tun saki nga. Yang wa ku̱s tu̱ga tun wa makhta nga. Aa nga mbu̱ ɗyi nggur ɓa, “Pudeku rututundi” ɓaanu nang nu̱ dukti nga ndu̱ aa nu̱m ku ɓa.

2 Korintiyeku 12:19

Bai tun ka taman za chem a shibkya ɗyinerem gume nu. Wanang ɓa, chem a ɓalar wa nu̱ Masiya shimki zu̱ mi gume Magham. Nyeezaku, zu̱n ma nu̱ ɗyine aa chem shikya nu̱m, chem a shiran ma shaata nu.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

2 Korintiyeku 5:12

Chem a khamkya ɗyinerem gume nu tu̱k ɓa, chem a shim ku̱ zu̱n nu ɗyi nu̱ saki wa shipa ku̱ shi nu wakhti nu̱ chem. Ma ku̱ ɗu̱ma nu tlogha zhamndi ɓu̱ nu̱ gwaari ɗyin ku nu̱ke a wakhti ndu̱ ɗyi nu̱ke a naran damku yang nu̱ damta ndu̱ ɗye shir ɓaanda ɓa.