2 Korintiyeku 2:14 - Mewar Alqawarang

¹⁴ Nga kuna Magham, chin nu̱ka khaki nu̱ gume rem aakochi chem a ra wute mbe Masiya. A boote ndu̱ chem ma ɗyem chem a wopa Labar mbarkandi ɓu̱ Masiya aa fu̱n wa ɗye zhi mu̱nkandi nu̱ zhiran dlu̱ki aa fu̱n.

2 Korintiyeku 2:14 ပူးပေါင်းရင်းမြစ်များ

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Romeku 1:8

Gumapaali nga kuna Maghamndi ɓanga nu̱ ku̱nshe Yesu Masiya ku̱me tun kap, nu̱ke labar maito ɓaanu wa ɗu̱ aa fu̱n mbu̱ larji.

Romeku 15:19

Nga shi tlu̱nar ɗye saiduku ndu̱ ɗye lazhamku mbe zalale ɓu̱ Jiimbi shakhshakhndi. Nga ji Urshalima tang baara maari kap ma yir Ilirikum nga wopa Labar Mbarkandi ɓu̱ Masiya.

Romeku 6:17

Yang Magham ɗye kuna, ku̱me aa nu̱ke ɗau fara tun maavi ɓu̱ sola, leendang tun a mbu shogar nyem shiki ye nu ndu̱ memu̱na nu da.

Romeku 8:37

Yang mbu̱ ɗyiku nang kap, chem wa duk du̱mbu̱r ku̱ nduk qa rem za chem rakya wuta ɗyenda, ɗyiku nang yang shi nu̱ ku̱nshe chin nu̱ ndolaremang.

1 Korintiyeku 12:8

Njif nggur wa gwa vu̱rti nu̱ke ɓalar ɓaran aakochi nyeedlan ndu̱ kaɗari, nu̱ ku̱nshe Jiimbi shakhshakhndi, tu̱ njif nggur gwa ɓalar nu̱ke nyeedlan ndu̱ zu̱ndi nu̱ ku̱nshe chin Jiimbi dandi nang.

1 Korintiyeku 15:37

Yang ɗyi no kaɓkyang nang ke ɗyi nu̱ke ka ɗa ɓanaki ɓa, to kaɓkya ye pon, aa ye alkama, aa ɓu̱ ɗyi nggur zum, yang ka ɗa ɓanakya ɗyi nggur zum.

1 Korintiyeku 15:57

Ku̱ kunar kha Magham nu̱ka saki chem shi loobo nu̱ ku̱nshe Zhinerem gwaanji Yesu Masiya.

2 Korintiyeku 1:11

Wa nu̱ke tun a shaata rem ndu̱ barari. Nduki khang ka kuna Magham ku̱me chem, ndu̱ ku̱me barke nu̱ke chem ka gwaki nu̱ ku̱nshe tloghar su̱ barar ɓu̱ ndukiku khang.

2 Korintiyeku 8:16

Nga kuna Magham nu̱ saki nu̱ memu̱na Titus ku̱ shaata nu ba wa nang shimki shiran.

2 Korintiyeku 9:15

Kuna mi Magham ku̱me mu̱nkir ɓaran nu̱ peetaki me zu̱r ɓu̱ nduku.

Afiseku 5:2

Tun shi khar viti ɓaanu mbe ndola ba wa nu Masiya ndolaki rem, tu̱ vu̱r ɗyinan ku̱me chem, vu̱rti nu̱ke zhiran mu̱ni, yang ɗya sadke nu̱ dlaki ye Magham.

Afiseku 5:20

Tun ki kuna Magham Zhinki mbu̱ dlu̱m Zhinerem gwaanji Yesu Masiya aakochi mbu̱ anyi tunu.

Filipiyeku 4:18

Tun wa shi aa nu̱m ya, ɗyi nun shiki wa duk ɗyi nu̱ke nga gangndan. Mba zhiran, nu̱ke nga gwa ɗyiku nun ru̱kki su̱ ya mbu̱ khar Apafaroditus. Nang ɗya sadke nu̱ke zhiran mu̱n maɗyi, ɗya vu̱rti mbarkandi nu̱ke Magham ka dlu̱ki san tu̱ tu̱k mu̱ndan.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

Kolosiyeku 1:6

Labar mbarkandi nang a ɓar ndu̱ barke, a gwa dlu̱r aa fu̱n mbu̱ larji tu̱k, ba wa nu̱ shiki chele ɓaanu sarchi nun nggaki su̱ tu̱k labar mu̱nkir ɓu̱ Magham, tun da mbu̱ zhire nu̱ke a mban.

Kolosiyeku 2:15

Wa lawa ɗye dakhlar ɓu̱ nu̱ zalale ku ndu̱ nu̱ kwaaɗarku ɓara, tu̱ wuɗ kawar ye wor ye dalangi, nu̱ ku̱nshe duti wor gaanje nda mbu̱ kashar zu̱mndi loobo dakhlar ɓaran.

1 Tasalonikeku 1:8

Ku̱me ɓalar ɓu̱ Zhinkir gwaanji wa ɗu̱ aa fu̱n ku̱me tunu, nu̱ ɗu̱ mbu̱ ghai Makidoniya ndu̱ Akaya ɗyenda ɓa, nduki kap wa zu̱n maito ɓaanu mbe Magham, aa nyem zu̱ aa nu̱m nu̱ ɗyinan ɓa.

1 Tasalonikeku 3:9

Chem ka shikya nyi pooni kuna ye Magham ku̱me pooni kashar nyem shiki gume Maghamndi ɓaarem ku̱me tuna?

1 Timoti 2:8

Nga shim aakochi ku̱ khuzuku aa fu̱n ghar khar wor shakhshakhndi nu̱ viɗi a bararku waare shokhnar ndu̱ keele.

2 Timoti 2:2

Ɗyi no tu̱kki sha gume saidu ku khang, to shoga ye nduki nu̱ shir zhire ma ku̱ shoga ku ye nduki ngguri.

Ɗyin mbu̱ tukari 7:12

a zu̱ran ku za, “Amin! Khamndi, ndu̱ zhaaji, ndu̱ kaɗari, ndu̱ kunari, ndu̱ gorkir, ndu̱ zalale, ndu̱ du̱mbu̱r ku̱ kha Maghamndi ɓaarem aakochi koɗokhsi ɓa! Amin!”