2 Korintiyeku 2:12 - Mewar Alqawarang

¹² Sarchi nanga ɓa ki Tu̱rowas ma wopa Labar mbarkandi ɓu̱ Masiya, Zhinkir gwaanji wa qu̱n njiv ya,

2 Korintiyeku 2:12 ပူးပေါင်းရင်းမြစ်များ

Tlu̱nar ɓu̱ Pudeku 14:27

Nu̱ khu̱lki ku, tu̱ taba nu̱ mbu Yesu ku tu̱ vu̱r labar kap ɗyi nu̱ Magham shiki nu̱ ku̱nshe wora, kom ndu̱ njiv maito nu̱ Magham qu̱nki ye nduki nu̱ke ɗya Yakhudeku ɓa.

Tlu̱nar ɓu̱ Pudeku 16:11

Chem njig Tu̱rowas mbu̱ ye du̱mbu̱l ɗyim nyem ching gha ɓa, chem ɗu̱ Chenjesi Samotires. Vi dumaaran tu̱k chem ɗu̱ Niyapolis.

Tlu̱nar ɓu̱ Pudeku 16:8

Tu̱ mbu tleebi dlar ghai Misiya tu̱ ɗu̱ ku Tu̱rowas.

Tlu̱nar ɓu̱ Pudeku 20:8

Pitileku a nje khang mbu̱ dangkali nu̱ tabaki ku nu̱ njang.

Romeku 1:1

Lagarkati nang a vi she Bulus, maavi ɓu̱ Masiya Yesu, nu̱ qaki nda ma ku̱ kha ma pude ɓu̱ Yesu, tu̱ waka nda nu̱ gha ma ku̱ wopa Labar mbarkandi ɓu̱ Magham.

1 Korintiyeku 16:9

Ku̱me njiv tlu̱nar mbarkandi wa qu̱n ya fan maɗyi, aa nu̱ke nu̱ zhangndiku a nje khang.

1 Korintiyeku 9:12

Mbu̱ zalale shir tun wanang a nje kha nduki ngguri, ai, chem wa duk wor zalale nang. Yang kap ndu̱ nang nyem shi tlu̱na ndu̱ zalale nang ɓa, chem wa gu̱n memu̱na mi nu̱ aa nu̱m ma ku̱ nggu̱tli mi tlu̱nar Labar mbarkandi ɓu̱ Masiya Yesu ɓa.

1 Korintiyeku 9:14

Wanang tu̱k, Zhinkir gwaanji wa zu̱ za nu̱ tlu̱nar Labar Mbarkandang ku̱ gwa ɗye khar viti ɓaanda nu̱ ku̱nshe tlu̱nar ɓaanda.

1 Korintiyeku 9:16

Tlu̱nar wopar Labar Mbarkandang ɓu̱ sa nga tang ki makhta ɗyina ɓa, ku̱me wa ku̱s ku̱ shi nga tlu̱nar nang, ngga kha ma ɗye zhiyaye mbu̱ nang wopa Labar Mbarkandang ɓa.

2 Korintiyeku 10:14

Yang nu̱ke tun a mbu̱ dalang ɓaarem, yir ndu̱ Labar mbarkandi ɓu̱ Masiya nyem shiki ye nwang nyem peeta koɗokh ɓaarem ɓa, yang tu̱k nyem shi wakhti tu̱ peeta gha ɓa.

2 Korintiyeku 11:4

Jiwa tun wa ka maita nduki nu̱ ka ɓa ki she nu ɗau ɗau. Tun wa maita shogar nu̱ shiki ye nu ɗyine Yesu, aa nu̱ke wa ngga yen ndu̱ chin nyem shiki waazu ɓaran ye nwang. Tun wa maita Jiimbi nu̱ shiki alqawaran ye nu, aa nu̱ke ɗya Jiimbi shakhshakhndi nun dlu̱kyang ɓa. Tun wa dlu̱ labar mbarkandi nu̱ ɗa ɓa ki si ye nu, aa nu̱ke wa ngga yen ndu̱ Labar mbarkandi nyem zu̱ki ye nwang.

2 Korintiyeku 11:7

Yang nga shi zop nang wopaki Labar Mbarkandang ye nu mu̱nki, tang wut katar ɗyin ma ku̱ kha nu ndu̱ zhaaji mu?

2 Korintiyeku 4:3

Mbu̱ Labar mbarkandi nu̱ke chem a woparan nang wa kha tukaran, kha tukaran ye nduki nu̱ke a ɗyin njiv su̱yari.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

2 Korintiyeku 8:18

Chem a ru̱kti nda ku̱ ɗa ɓa she nu su̱yen ndu̱ mu̱dlerem nu̱ke aa nyi tabar ɓu̱ nu̱ mbu Yesu ku a kuna nda ku̱me wopar Labar Mbarkandang.

2 Korintiyeku 9:13

Tlu̱nar nun shiki nang, ka sa nduki tu̱ gor dlu̱m Magham ku̱me tun wa mbu ɗyi nu̱ Labar mbarkandi ɓu̱ Masiya zu̱ki, nu̱ke tun wa maita, kom ndu̱ shaatar nun shiki ye wor ndu̱ ɓeeni nduki kha nu nggaran.

Kolosiyeku 4:3

Shi ma barar yerem tu̱k, ma ku̱ Magham qu̱n njiv nu̱ke chem ka wopaki ɓalar ɓaran, chem wut ɗyi tukakandi ɓu̱ Magham nang ye nduki, chin ke, labar ɓu̱ Masiya. Ɗyi tukakandi nang saki nga nje khiiran zhaaru̱m.

1 Tasalonikeku 3:2

Chem wa ru̱k Timoti khaterem, nu̱ke a tlu̱nar ndu̱ chem mbu̱ tlu̱nar ɓu̱ Magham nu̱ wopar Labar mbarkandi ɓu̱ Masiya. Ma ku̱ pa du̱mbu̱r ye nu, tu̱ vu̱r shokhku̱rokh me bu̱n ye nu mbe maito ɓaanu,