2 Korintiyeku 13:7 - Mewar Alqawarang

⁷ Chem a khuɗ Magham ku̱ shi nu ɗyi malkandi ɓa, yang tun shi ɗyi mbarkandi, aa nu̱ke nduki ka na wa chem ku̱na ku̱na.

2 Korintiyeku 13:7 ပူးပေါင်းရင်းမြစ်များ

Matta 6:13

Njig na rem chem nggu̱t nu̱ mbu̱ sola ɓa, yang to shakh chele ɓaarem ndu̱ Nu̱ mu̱narang.’

Yokhana 17:15

Nang khuɗ ku̱ da na wor ɓar mbu̱ larji ɓa, nga shim ku̱ shakh na chele ɓaanda ndu̱ Nu̱ mu̱narang.

Romeku 1:28

Nu̱ke wa zhang zu̱n Magham ku gha, tu̱ Magham njig wora tu̱ ku̱s kor ɗyi bamndiku tu̱ ka shi ɗyi nu̱ke nu̱ shipa ku ɓa.

Romeku 12:17

Mbu̱ nduk wa mu̱na nu, ku̱ dli nu gaɗe ni ɓa. Shi ma khankal mbe shir ɗyi nu̱ke mbar she aaki.

Romeku 13:13

Bu ku̱ khar viti ɓaarem kha mbari wa nu̱ shipaki nduki nu̱ke a khar mbu̱ yarangi. Waare nggar zu̱mndi ku bam bam ndu̱ kuyari, ndu̱ zawar ku ndu̱ tlu̱nar ɗye zhaane ku nu̱ song kawa, ndu̱ dakhlari ndu̱ ɓar nu̱ shakhti ɗyin ndu̱ zhiri.

Romeku 16:10

Shi ma qaandi ye Apeles ɗya nu̱ zhire mbe Masiya shwat. Tun shi qaandi ye nduki nu̱ mbu̱ rafti ɓu̱ Aristobulus.

1 Korintiyeku 11:19

Yang wa ku̱s ku̱ ɗyinonu shakki ma ku̱ zu̱n nu̱ zhire ku nu̱ke a chele ɓaanu.

2 Korintiyeku 10:10

Nduki a zu̱ran za, “Lagarkatiku ɓu̱ Bulus ɗya ɗyi sharkandi ndu̱ ɓalar du̱mbu̱rkandi ku kya mban, yang mbu̱ a su̱yen ndu̱ chem, ɓalar ɓaranang du̱mbu̱ran ɓa, yang nu̱ ka zu̱ ɗyi piikandi ɓa.”

2 Korintiyeku 10:18

Jiwa njif nu̱ makhtaki ɗyinan ka gwaki dlu̱r ɓa, ɗya njif nu̱ke Zhinkir gwaanji makhtaki nda.

2 Korintiyeku 13:6

Nga sa memu̱nara tun ka zu̱n nu̱ ɗyine nyem nggu̱ɗ mbu̱ buuri nang ɓa.

2 Korintiyeku 13:8

Jiwa chem ɓu̱ shi ɗyi nggur nu̱ zhangndi zhire ɓa, chem ka gu̱n kya si zhire.

2 Korintiyeku 13:9

Chem wa ka kasha mbu̱ du̱mbu̱r ɓaarem kata, yang ɓaanu tun du̱mbu̱ran. Chem a barar ku̱ kha nu nyeedlan tu̱k.

2 Korintiyeku 6:4

Me ɓu̱ nang, chem a wutan ye nduki nu̱ ɗyine chem nu̱ tlu̱narku ɓu̱ Magham ve aa nyi njiva. Chem a gu̱n memu̱narem, mbe damtarku ndu̱ bonye ndu̱ palase.

2 Korintiyeku 8:21

Chem a ranna vaarem ku̱ shi mi ɗyi nu̱ke Magham ka tu̱kki mu̱ndan, tu̱ nduki kasha tu̱k.

Filipiyeku 4:8

Ye lauɗar san, nyeezaku, ki ma kwaari ɗyine ɗyiku nu̱ke ɗya zhire, ɗyiku nu̱ke zhaaji si, ɗyiku nu̱ke torop, ɗyiku nu̱ke shakhshakh. Kom ndu̱ ɗyiku nu̱ke ku̱ nduk shimi, ɗyiku nu̱ke ku̱ nduk na tu̱ makhta, ɗyiku nu̱ dukki mbaari, kom ndu̱ ɗyiku nu̱ke ku̱ nduk kuna.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

1 Timoti 2:2

Tun shi wanang tu̱k ye kujiku ndu̱ nu̱ kwaaɗarku kap, ma ku̱ gwa mi khar mu̱ndi ndu̱ qaandi memu̱nar mbu̱ sawar Magham maɗyikandi ndu̱ khar viti shakhshakhndi ve aa nyi njiva.

2 Timoti 2:15

Shu ɗyi nu̱ke to ka ɗu̱maki kap ma ku̱ gwa na dlu̱r mbarkandi she Magham. To kha ma nu̱ tlu̱nar nu̱ke tom tu̱k kawa mbe tlu̱nar nu̱ke ta shiran ɓa, to shoga ɓalar zhire nang ɓar torop ba wa nu̱ zu̱ki.

2 Timoti 4:18

Zhinkir gwaanji ka lawa nga ɓar mbe aa nyi ɗyi malkandi, ka khutlo nga, tu̱ ɗu̱ ndu̱ nga mbu̱ kwaaɗar ɓaran mbu̱ viɗi. Ku̱ zhaaji kha nda koɗokhsi shwat ɓa! Amin.

Yaqub 1:12

Njif nu̱ gu̱nki memu̱naran mbu̱ bonye ɓaran ɗya nu̱ barka, ku̱me ka gwa ɗye ɓi nu̱ nyifi nu̱ke ɓu̱ shi woɗa ɓa nu̱ Magham shiki alqawaran ye kap nduki nu̱ke a ndola nda.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.