2 Korintiyeku 13:5 - Mewar Alqawarang

⁵ Buu ma ɗyinonu ma zu̱n nu mbu̱ tun a mbu Masiya Yesu mbe zhire; tun ki buu ɗyinonu. Alapa nun zu̱n za Masiya a nje mbe nu ɓa goma? A nje shwat, mbu̱ nun nggu̱ɗ mbu̱ buuri nang ɓa.

2 Korintiyeku 13:5 ပူးပေါင်းရင်းမြစ်များ

Yokhana 14:23

Tu̱ Yesu tlogha yenda, “Kap njif nu̱ke a ndola nga, ka khutlo ɓalar ɓanga, Zhinkir ɓang ka ndola nda tu̱k, chem ka ɗa ɓa she nda chem kha gha su̱yen ndu̱ chin.

Yokhana 15:4

Kha ma nu̱ mbya, tang khan mbe nu. Ba wa nu̱ke bu̱n qu̱far anap ɓu̱ ɗu̱ma kha woi waare man qu̱far anapang ɓa, wanang tu̱k tun ɓu̱ ɗu̱ma kharan ɓa kope tun wa khan mbya.

Yokhana 17:23

Nga mbe wora, to kharan mbya tu̱k, ma ku̱ kha da ku shiku̱tku̱t. Kom nduki nu̱ larji ka zu̱n za to ru̱kki nga, yang ta ndola wor wa no ndolaki nga.

Yokhana 17:26

Nga wutor ye wora, yang ngga zu̱m guma ndu̱ shiran, ma ku̱ ndolar no shiki yang khan mbe wora, tang khan mbe wor tu̱k.”

Yokhana 6:56

Kap njif nu̱ke a nji dlu vara, tu̱ ki za tom ɓanga kharan mbya, nga kharan mbe nda tu̱k.

Yokhana 6:6

Yang Yesu shi ɓalar nang ma nanji ɗyi nu̱ke Filibus ka shiki, ku̱me Yesu wa zu̱n ɗyi nu̱ke chin a ma shiran.

Romeku 1:28

Nu̱ke wa zhang zu̱n Magham ku gha, tu̱ Magham njig wora tu̱ ku̱s kor ɗyi bamndiku tu̱ ka shi ɗyi nu̱ke nu̱ shipa ku ɓa.

Romeku 8:10

Mbu̱ Masiya a nje kharan mbe nu, aa nu̱ke vaanu a mu̱ti ku̱me sola, Jiimbi shakhshakhndi a vu̱r nyifiri ye nu ku̱me ku̱ Magham dlu̱ronu ma nu̱ dambi ku.

1 Korintiyeku 11:28

Yang ku̱ nduk shi kwaari dong, me ku̱ nji ɓurti tolirang tu̱ za mbu̱ ɗyekhtang.

1 Korintiyeku 11:31

Yang mbu̱ chem wa kuma vaarem dong kom chem zu̱mi, Magham ɓu̱ kuma rem ɓa.

1 Korintiyeku 3:16

Alapa nun zu̱n za tun rafti ɓu̱ Magham ɓa goma, Jiimbi shakhshakhndi a nje kharan mbe nu?

1 Korintiyeku 6:15

Alapa nun zu̱n za man vaanu ɗya me bar ɓu̱ Masiya ɓa goma? Alambu̱ram! Ngam ɓu̱ gaɓ ndu̱ me bar ɓu̱ Masiya tu̱ kha ma ɓu̱ man mu̱nggu̱l ɓa.

1 Korintiyeku 6:19

Nun zu̱n za man vaanu ɗya rafti ɓu̱ Jiimbi shakhshakhndi nu̱ke a mbe nu nun dlu̱ki she nda ɓa goma? Tun ɓu̱ shi zalale ndu̱ vaanu ɓa.

1 Korintiyeku 6:2

Alapa nun zu̱n za nduki ɓu̱ Magham ka kumaki larji ɓa goma? Yang mbu̱ke tun ka kumaki larji, tun ɓu̱ ɗu̱ma kuma ɗyi pichichindiku nang ɓa?

1 Korintiyeku 9:24

Tun wa zu̱n mbu̱ nduki a palam ɗari, chele ɓu̱ nu̱ ɗar kwang, aakya wuta ku̱ peeta nji mu̱dlen, yang nduk kaada ka gwaki ɗye ɓiirang ɓa goma? Ki ma pooni ɗar nu̱ke ka saki tun gwa ɗye ɓiirang ɗo.

1 Korintiyeku 9:27

Nga ru̱k vara, tang gaɓ ndu̱ chin ma maava, ku̱me ku̱ ɓa mbukti nga gha qu̱rse nga wopa Labar Mbarkandang ye nduki ɓa.

2 Korintiyeku 6:16

Rafti ɓu̱ Magham ka kha da ndu̱ maa konom mu? Chem ke rafti ɓu̱ Magham nu̱ nyifiri. Ba wa nu̱ Magham zu̱ki, “Ngga kha su̱yen ndu̱ wora, tang baara chele ɓaanda, Ngga kha ma Maghamndi ɓaanda, wor ka kha ma nduki ɓanga.”

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

Galatiyeku 4:19

Tun qusonggi ɓanga, nang ke bonye nu̱ rapan nang zaki wa nokhzi nu̱ke a ɗyin purman ma kha nun dam. Yang ngga zu̱m guma ndu̱ bonye nang kope ɗye shir ɓu̱ Masiya wa kha gha mbu̱ memu̱na nu.

Galatiyeku 6:4

Ku̱ aaki buu tlu̱nar nyin shiki tu̱ na ka. Mbu̱ mbari, kom ka kasha tlu̱nar mbarkandi nyin shikyang, ɓu̱ buu ɗyinan ndu̱ njif nggur ɓa.

Afiseku 3:17

Tu̱ Masiya khan mbu̱ memu̱nanu nu̱ ku̱nshe maito. Nga barar ye nu̱, ma nu̱ke tun wa shi dlu̱dlarsi tun ku̱s maa vu̱ghai ɗyiɗying mbe ndola.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

Kolosiyeku 1:27

Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.

Kolosiyeku 2:19

Ai, pooni nduki nang wa woɗa shakhti ku ndu̱ Masiya nu̱ke chin ke dle gume ɓu̱ tabar ɓu̱ nu̱ mbu Yesu ku, man varang kap a dlakya vaanda nu̱ ve nda. Ai, Masiya kya zu̱mndi ndu̱ man varang tu̱ sa tu̱ kha ye maa da nu̱ ku̱nshe me barku ndu̱ gu̱rauku, tu̱ ki gwaari ndu̱ gwaari nu̱ Magham saki ku̱ shi ku.

Kolosiyeku 2:7

Shi ma dlu̱dlarsi mbe nda tun ku̱s tun du̱ng khar viti ɓaanu nu̱ ɗyine nda, tun shi du̱mbu̱r nu̱ si mbu̱ maito ɓaanu, ba wa nyem shogaki ye nu, tun a kuna nda aa nyi sarchi.

1 Timoti 2:15

Yang kap ndu̱ nang ka ɗana nusuku nu̱ ku̱nshe khar qusongga, mbu̱ wa zu̱m guma mbu̱ maito ndu̱ ndola ndu̱ khar shakhshakhndi, ndu̱ ku̱si ɗyin.

2 Timoti 3:8

A khar ku wa Janes ndu̱ Jambu̱res nu̱ shiki kare ku ndu̱ Musa, nduki ku nang tu̱k a kare ku ndu̱ zhire, kwaari ɓaanda wa sagha, maito ɓaanda ɗya nu̱ bamndi.

Titus 1:13

Yang saidu nu̱ zu̱kyang ɗya zhire. Ku̱me nang to wu wor maɗyi, ma ku̱ shi maito zhirekandi ku,

Titus 1:16

A zu̱ran ku ndu̱ me wor za wor wa zu̱n Magham, yang tlu̱nar ɓaanda wa ngga yen ndu̱ zu̱ndi Magham. Wa kha ma ɗye zhaane ku, nu̱ zhangndi tu̱kti maa, nu̱ shipa shir ɗyi mbarkandi ku ɓa.

Titus 2:2

To shoga ye ku̱mandiku ku̱ kha ma nu̱ lusar memu̱na, ku̱ kha ma ku̱mandiku nu̱ke nduk ka naki zhaaji ɓaanda, nu̱ ku̱si ɗyin ku, ku̱ ching gha mbar mbe maito, mbe ndola ndu̱ gu̱ndi memu̱na.

Yibraniyeku 12:15

Ku̱r ma vaanu ma ku̱ aaki mbu̱ɗ gwar mu̱nkir ɓu̱ Magham ɓa. Ku̱ aaki kha ndu̱ ɗyooti mbi nu̱ka ɓa ki ndu̱ su̱bu̱rti tu̱ka su̱bu̱r nduki khangang ɓa.

Yibraniyeku 4:1

Nu̱ke alqawar viri nu̱ mbu̱ maasi ɓaran a nje ma ɓar leendang, chem ku̱r vaarem maɗyi ɗo ma ku̱ njif nggur ku̱na gwa viri nu̱ mban ɓa.

Yibraniyeku 6:8

Mbu̱ yang maa nang a ɓanakya njekhti ndu̱ wuzu̱ndi ku malkandi, ɓu̱ kha ndu̱ boota ɓa. Maa nang Magham wa shi bing mi barke ɓaran. Ye lauɗar san ka ɓa va nda nu̱ gha.

Yaqub 4:4

Tun nu̱ song shir zhire! Alapa nun zu̱n nu̱ ɗyine bar raptikir ndu̱ larji ɗya kare ndu̱ Magham ɓa goma? Ku̱me aaki ndolaki larji, a gaɓkya ndu̱ ɗyinan ma nu̱ kare ndu̱ Magham.

1 Biturus 5:9

Ngga nu dalang yenda ɓa. Ching ma gha shaanggu̱ɗang mbe maito ɓaanu, nu̱ke tun wa zu̱n nu̱ ɗyine nyeezonu nu̱ mbu Yesu nu̱ke a aa fu̱n mbu̱ larji nang, a za bonye nang wa nu̱ke tun a zaran.

Ɗyin mbu̱ tukari 2:5

Kor ɓakh ɓu̱ maa chingndi ɓaa nu̱ke ta nggu̱tki si! Nggoɗu to gaɓ ye ɗyi nu̱ke ta san gumapaalyang. Mbu̱ yang no nggoɗ ɓa, ngga ɗa ɓa tang da tokhol ɓai ɓaarang ɓar ye maa khar ɓaran.