2 Korintiyeku 12:9 - Mewar Alqawarang

⁹ tu̱ yang zu̱ ya za, “Mu̱nkir ɓang wa gama ro, ku̱me zalale ɓang ka kha nyeedlan mbu̱ tu̱ɓti ɓaaro.” Ku̱me nang ngga kasha tang shi wakhti ndu̱ tu̱ɓti ɓang nang ma ku̱ zalale ɓu̱ Masiya kha gha su̱yen ndu̱ nga.

2 Korintiyeku 12:9 ပူးပေါင်းရင်းမြစ်များ

Matta 28:18

Tu̱ Yesu a song bing tu̱ zu̱ za, “Wa vu̱r zalale maa viɗi ndu̱ maa vu̱ghai ya kap.

Matta 28:20

Tun a shoga ye wor ku̱ khutlo kap ɗyi nang zu̱ki ye nu. Zu̱n ma nga nje su̱yen ndu̱ tunu ma yir lauɗarsi qaandi virkiri.”

Luka 21:15

Ku̱me nga vu̱r ɓalarku ndu̱ kaɗari ye nu nu̱ke nduk a nje chele ɓu̱ nu̱ zhangndi ɓaanu nu̱ke ka ɗu̱maki mbu̱m ɓalar ɓaanu nu̱ gha tu̱ keela ɗyi nun zu̱ki ɓa.

1 Korintiyeku 10:13

Buuri nggur a nje nu̱ gwaki nu, nu̱ke za nu̱ shi ye njif nggur ɓa ɓa. Magham ɗya nu̱ zhire, ɓu̱ njig ku̱ buuro nu ndu̱ ɗyi nu̱ dukki du̱mbu̱r ɓaanu ɓa, ka qu̱n njiv ye nu, nu̱ke tun ka ɗu̱maki gu̱n memu̱na nu mban.

1 Korintiyeku 15:10

Yang mu̱nkir ɓu̱ Magham saki tang kha wa nu̱ke nga si leendang, mu̱nkir ɓaran nu̱ kha bam ɓa. Nga shi tlu̱nar nu̱ dukki ɓu̱ pudeku nang kap, aa nu̱ke ɗya nga shiki ɓa, ɗya mu̱nkir ɓu̱ Magham nu̱ke a su̱yen ndu̱ nga.

1 Korintiyeku 2:3

Ye ɓar ɓang nu̱ gumapaali she nu du̱mbu̱r ɓang kata, vara a dlu̱rti ku̱me sawa,

1 Korintiyeku 2:5

ma ku̱ maito ɓaanu ching nu̱ ɗyine kaɗari ɓu̱ nduk ɓa, yang ku̱ khan ɗyine zalale ɓu̱ Magham ɗyenda.

2 Korintiyeku 11:30

Mbu̱ tu̱ga ngga shi khamndi ɗyin, ngga kham ɗyina ɗyin ɗyiku nu̱ wutki katar ɓanga.

2 Korintiyeku 12:1

Aa nu̱ke wuti me wakhti boota su̱ ɓa, yang ngga shi. Nga ma shikya ɓalar leendang ɗyine ɗyiku nu̱ke Zhinerem gwaanji Masiya Yesu wutki ya, wa nga na ɗyen mbu̱ zhine tu̱ yita qu̱n tu̱k tang na ɗyi tukakandi ku.

2 Korintiyeku 12:10

Ku̱me nang nga kasha tu̱ɓti ɓang, ndu̱ gangndi dakhlar ndu̱ bonye ndu̱ kakanshi nu̱ke nduki a shiran ya ku̱me Masiya. Ku̱me nang khaki nu̱ song du̱mbu̱r nang ke maa nu̱ke ngga khaki ndu̱ du̱mbu̱ri.

2 Korintiyeku 12:15

Ngga kasha sagha ɗyin khara ɓar kap ndu̱ man vara mbu̱ tun ka gwa shaatar ku̱men. Tun ka kata ndolar ɓaanu ya ku̱me ngaa ndola nu maɗyi mu?

2 Korintiyeku 12:5

Ngga shi wakhti ku̱me njif nang, yang ngam ɓu̱ shi ku̱me ɗyina ɓa, buka shi nga ɗyine ɗyiku nu̱ wutki song du̱mbu̱r ɓanga.

Afiseku 3:16

Nga khuti nda ku̱ vu̱r vu̱rti nggur ye nu mbu̱ gu̱nar zhaaji ɓaran. Tu̱ pa du̱mbu̱r ye nu ndu̱ zalale ɓaran, ma ku̱ kha nu shokhku̱rokh mbu̱ memu̱nanu nu̱ ku̱nshe Jiimbi ɓaran.

Filipiyeku 4:13

Ngga ɗu̱ma shi aa nu̱m nu̱ ku̱nshe Masiya nu̱ ka vu̱rki du̱mbu̱r shiran ya.

Kolosiyeku 1:11

Ku̱ Magham pa du̱mbu̱r ye nu ndu̱ du̱mbu̱r ɓaran nu̱ zhaaji tun gwa tun ching gha mbari, ma ku̱ gu̱n nu memu̱na nu ndu̱ ɗyi nu̱ke a ɗaatli, tun a kanaɗyi mbe kasha.

1 Timoti 1:14

Mu̱nkir ɓu̱ Zhinerem gwaanji wa nyedli nga maɗyi su̱yen ndu̱ maito ndu̱ ndolar na viki she Masiya Yesu ya.

Yibraniyeku 11:34

tu̱ piita ɓai du̱mbu̱rkandi ku, tu̱ lawa mbe mu̱ti sarchi nu̱ke a ma ku̱m wor ndu̱ kaskarku. Aa nu̱ke khukhutan ku tu̱ kha ma nu̱ du̱mbu̱r ku. Tu̱ gwa zalale mbu̱ ghai dakhlari tu̱ bu̱rta sojeku mbu̱ ghaiku zum zum.

Yibraniyeku 4:16

Ku̱me nang, ku̱ kha mi ndu̱ shokhku̱rokh memu̱na. Chem a song nu̱ bing ndu̱ zhakhɗye mu̱nkir nu̱ kwaaɗar ɓu̱ Magham ma ku̱ na zhiyaye ɓaarem. Chem gwa mu̱nkir, nu̱ke ka shaataki rem mbu̱ sarchi nu̱ke chem a gang tunu.