2 Korintiyeku 12:4 - Mewar Alqawarang

⁴ Tu̱ ɗu̱ ndu̱ chin mbu̱ viɗi tu̱ ɗa tu̱k ɓalarku nu̱ nggu̱tlki nduk zu̱ran gha, pooni ɓalar nu̱ke nduk ɓu̱ ɗu̱ma ɓalar ɗyinan ɓa.

2 Korintiyeku 12:4 ပူးပေါင်းရင်းမြစ်များ

Luka 23:43

Tu̱ Yesu tlogha yenda za, “Zhire, nga zu̱ran yoro, ba meeni nang, to ka khan su̱yen ndu̱ nga zhena.”

Tlu̱nar ɓu̱ Pudeku 8:39

Na viki ku ɓar mbu̱ ɗyimang, tu̱ Jiimbi shakhshakhndi da Filibus ɓara, khuski nu̱ke su̱ ve nda ɓa ndang nu̱ na Filibus tu̱k ɓa, tu̱ khuskyang zu̱m guma ndu̱ yir ɓaran a kashari.

1 Korintiyeku 13:1

Aa ngga ɗu̱ma ɓalar ndu̱ me ghaiku ɓu̱ nduki ndu̱ ɓu̱ nu̱ ru̱ktiku ɓu̱ Magham, yang nga nu̱ ndola ɓa, nga shipakya gonggulong nu̱ke a quri, ndu̱ dlu̱rti nu̱ qur maɗyi.

2 Korintiyeku 12:2

Nga zu̱n njif nggurnu̱ daki nda ma yir mbu̱ viɗi nu̱ kunung nu̱ ku̱nshe zalale ɓu̱ Masiya, sonyi gwaanggu̱m vat meeni, da nda mbu̱ manva gom, mbu̱ manva ɓa gom, nang zu̱n ɓa, Magham ɗyenda zu̱nki.

1 Tasalonikeku 4:17

Kom chem nu̱ke chem a nje ndu̱ nyifiri ye sarchi ni, ka da rem su̱yen ndu̱ wor mbu̱ ku̱zapti, ma ku̱ gama mi ndu̱ Zhinerem gwaanji mu̱na viɗi mbu̱ khu̱kheeti. Chem ka kha gha su̱yen ndu̱ Zhinerem gwaanji koɗokhsi ɓa.

Ɗyin mbu̱ tukari 12:5

Tu̱ yang kha woi ɓaran, woyang ɗya ye khusku, chin kya ma kwaaɗar ɗyine dlar maa ɓu̱ nduki kap ndu̱ zaaɓir vi nu̱ kwaaɗa. Tu̱ yang kauta woyang ɓara tu̱ ɗu̱ ndu̱ chin she Magham ndu̱ zhakhɗye ɓaran.

Ɗyin mbu̱ tukari 2:7

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu ku! Kap njif nu̱ raki wute nang, ngga vu̱r zalale nji ye qu̱far Nyifiri yenda nu̱ke a nje viɗ zhena ɓu̱ Magham mbu̱ viɗi.